Khamiis, December 22, 2011 (HOL) − Xildhibaannadii xilka ka qaaday guddoomiyaha baarlamaanka Soomaaliya Shariif Xasan Sheekh Aadan, ayaa maanta magacaabay guddi ka shaqeeya diyaarinta doorashada guddoomiyaha cusub ee baarlamaanka Soomaaliya.
Guddigan oo tiradoodu tahay 34-xubnood ayaa dhammaantood ah xidhibaanno ka tirsan baarlamaanka Soomaaliya, waxaana la sheegay inay sidoo kale ka shaqeyn doonaan amaanka goobta lagu qabanayo doorashada, qabashada araajida xubnaha isku sharraxaya jagada iyo weliba diyaarinta qalabka doorashada.
Xubnahan guddigan oo uu saxaafadda u akhriyay mudane C/qaadir Sheekh Ismaaciil ayaa waxay kala yihiin:
- Xildhibaan Maxamed Maxamuud Guuleed (Gacmadheere)
- Xildhibaan Sheekh Nuur Cali Aadan
- Xildhibaan Ibraahim Maxamed Deeq
- Xildhibaan Cali Cumar Geeddi (Garabey)
- Xildhibaan Cabdi Ibraahim Cabdi
- Xildhibaan Maxamed Maxamuud Xasan (Weekiyo)
- Xildhibaan Daahir Sheekh Amiin (Jeesoow)
- Xildhibaan Ismaaciil Maxamed Cabdi
- Xildhibaan Maxamed Ibraahim Cabdulle
- Xildhibaan Maxamed Sheekh Nuur Ismaaciil
- Xildhibaan Maxamed Sheekh Cali (Woosh)
- Xildhibaan Maxamed Aadan Waayeel
- Xildhibaan Maxamed Nuur Sheegow
- Xildhibaan Cismaan Yuusuf Xaraare
- Xildhibaan Mowliid Xuseen Cumar
- Xildhibaan Yuusuf Mire Seeraar
- Xildhibaan C/raxmaan Jimacale
- Xildhibaan Amiin Cumar Jaamac
- Xildhibaan Yaasiin Maxamed Bucul
- Xildhibaan Xasan Aadan Macallin
- Xildhibaan Suleymaan Maxamed Ibraahim
- Xildhibaan Maxamed Cabdi Aheeye
- Xildhibaan Ismaaciil Axmed Nuur
- Xildhibaan Maxamed Maxamuud Jimcaale
- Xildhibaan C/qaadir Faarax Karaama
- Xildhibaan Axmed Ibraahim Macoow
- Xildhibaanad Maryan Faarax Gooje
- Xildhibaan Maxamed Sheekh Cali Aboow
- Xildhibaan Cabdullaahi Yuusuf Cigaal
- Xildhibaanad Faadumo C/llaahi Insaaniya
- Xildhibaan Cumar Buraale iyo
- Xildhibaan Xabiib Cayb
- Ibraahim Xuseen Xirsi
Howsha guddigan ayaa sidoo kale la sheegay inay ka mid tahay ku dhawaaqidda xilliga ay doorashadu dhacayso, waxaana qoraalka lagu magacaabay guddigan ku saxiixnaa guddoomiye ku xigeenka labaad ee baarlamaanka xildhibaan Axmed Dhimbil Rooble (Casoowe) oo shalay guddoominayay kulanka baarlamaanka.
Guddoomiye ku xigeenku wuxuu sheegay in xildhibaan walba uu isku soo sharraxi karo xilka guddoomiyaha baarlamaanka, isagoo xusay inay tixgelin gaar ah siin doonaan nidaamka awood-qaybsi ee ay DKMG ah ku dhisan tahay kaasoo ah 4.5-ka. Wuxuuna intaas ku daray inay xulan doonaan qof aqoon iyo karti ballaaran u leh guddoominta kulammada baarlamaanka.
Ugu dambeyn, xildhibaannadan ayaa waxay sheegeen inay kulan xasaasi ah maanta sabtida ah ee soo socota ay ku qaban doonaan xarunta golaha shacabka, kaasoo aysan sheegin qodobbada ay uga doodi doonaan.
Maxamed Xaaji Xuseen, Hiiraan Online
[email protected]
Muqdisho, Soomaaliya