9/15/2019
Today from Hiiraan Online:  _
Wararka Maanta- Arbaco, Sept 11, 2019
974 Arday oo maanta ka qalinjabiyey jaamacadda Camuud ee magaaladda Boorama


Arbaco, September 11, 2019 (HOL) –974 arday ayaa maanta ka qallinjabiyey jaamacadda Camuud xarunteedda magaalada Boorama ee gobolka Awdal.

Madaxweyne Muuse Biixi iyo wefti uu hogaaminayo oo saaka waaberigii u kalahay ka qaybgalkan qalin jabinta ardaydaasi ayaa kala qaybgallay farxadda iyo hambalyadda jaamacadu ku sagootiyeyso ardaydaasi.

Munaasibadan loogu dabaaldegayo qalinjabinta jaamacda Camuud wax kale oo ka qaybgallay madaxweynihii hore ee Somaliland Daahir Rayaale Kaahin, hormuudka Jaamacadda Cammuud Prof. Saleebaan Axmed Guuleed, xubno kamid ah golaha wasiirrada, siyaasiyiin, haldoor, aqoonyahan, madax-dhaqameed, waalidiinta Ardayda qalinjebisay iyo marti-sharaf kale, waxana madasha laga jeediyey hadallo lagu bogaadinayo da’yarta waxbaratay iyo dedaalka ay u galeen horumarinta naftooda.

Hormuudka Jaamacadda Cammuud, Prof. Saleebaan Axmed Guuleed oo ugu horrayn munaasibadda hadal ka jeediyey, ayaa ku dheeraaday marxaladihii kala duwanaa ee ay jaamacaddu soo martay, guulaha ay gaadhay iyo dedaalka naf-hurnimada leh ee ay ardaydani ugu dhabar-adaygeen inay ka midho dhaliyaan hammigii ay lahaayeen, waxana uu ku dhiirrigeliyey inay bulshada ugu faa’iideeyaan cilmiga ay barteen.

Sheekh Maxamed Aadan oo Afka waalidiinta ku hadlay, ayaa isaguna ku bogaadiyey Ardayda qalin-jebisay dedaalka ay sameeyeen, waxana uu ka codsaday inay ka soo celiyaan abaalkii ay waalidiinta iyo macallimiintuba geliyeen muddadii ay waxbarashada ku jireen.

Wasiirka wasaaradda Waxbarashada iyo Sayniska, Cismaan Jaamac Aadan, ayaa isaguna dhinaciisa soo dhaweeyey da’yarta cusub ee jaamacadda ka qalin-jebisay, waxana uu tilmaamay inay xukuumad ahaan dedaal badan geliyeen sidii dalku u heli lahaa aqoonyahanno diyaar u ah inay dadkooda u shaqeeyaan.

Madaxweynihii hore ee Somaliland, Mudane Daahir Rayaale Kaahin oo munaasibadda ka hadlay, ayaa bogaadiyey Ardayda maanta qalin-jebisay, waxana uu xasuusiyey midhaha laga filayo iyo baylahda badan ee hortooda taalla, isaga oo kula dardaarmay inay horumarkooda ka shaqeeyaan.

Madaxweynaha Somaliland, Mudane Muuse Biixi Cabdi oo isagu kamid ahaa bahdii kasoo Aflaxay Jaamacadda Cammuud, ayaa hambalyo iyo bagaadin u diray Ardayda Qalin-jebisay, waxana uu si gaar ah u bogaadiyey hormuudka gacanta ku haya jaamacadda Hargeysa oo uu ku tilmaamay aqoonyahan soo saaray da’yar maanfuran oo aqoon tayo leh lagu canqariyey.

“Waxan maalmahan farxadda la wadaagi doonaa arday badan oo jaamacado ka qalinjebinaya, waxana aan Kow ka dhigay oo ugu horraysa Jaamacadda Cammuud, waayo waxa aan ka tirsanahay bahda Cammuud.”ayuu yidhi madaxweyne Biixi.

Waxaanu intaas ku daray “Si aynnu horumar u samaynno aqoonyahanka cusub ee aad kamidka tihiin iyo kuwii horeba waa inaynu ku fikirnaa sidee baynnu khilaafaadka u yaraynaa, sidee baa dadkeennu isu aaminaa, sidee baa dadku wuu isku dhacayaaye marka uu is khilaafo loo daaweeyaa,”

Ugu dambayntii waxa uu madaxweynuhu shahaadooyin guddoonsiiyey tiro kamid ah Ardayda qalin-jebisay oo hormuud ahaa kulliyadaha ay ka baxeen, kuwaas oo ay wejiyadooda ka muuqatay sida ay ugu faraxsan yihiin in uu madaxweynahoodu kala qayb-galo qalinbeintooda.

Barkhad-ladiif M. Cumar, Hiiraan Online

[email protected]

Hargeysa, Somaliland

 










Click here
9/11/2019 5:04 PM EST
Arbaco, September, 11, 2019 (HOL)- Guddoomiyaha gobolka Banaadir ahna duqa caasimadda Muqdisho,Cumar Maxamuud Maxamed (Cumar Filish) ayaa magacaabay guddi ka soo tallo-bixinaya waddooyinka xiran ee caasimadda Muqdisho.

9/11/2019 4:55 PM EST
Arbaco, September, 11, 2019 (HOL)- Maxkamadda Caddaaladda ee Caalamiga ah ayaa ku dhawaaqday taariikhda xiritaanka dhageysiga dadweynaha ee muranka badda ee u dhexeeya Kenya iyo Soomaaliya.

9/11/2019 4:43 PM EST
Arbaco, September, 11, 2019 (HOL)- Dowladda Denmark ayaa kala wareegtay Hooyo Soomaaliyeed lix carruur ah oo ay dhashay, waxaana ay maxkamaddi ku riddiy xabsi sannad iyo sagaal bilood.

9/11/2019 4:28 PM EST
Arbaco, September, 11, 2019 (HOL)- Dalka Rwanda ayaa noqday waddankii labaad ee Afrika oo oggaaladay inay qaabisho boqollaal magangalyo doon ah oo ku jira xeryo ku yaalla dalka Libya,kaddib markii horey dadkaas qaar ka mid ah la geeyay dalka Niger.

9/11/2019 4:25 PM EST
Arbaco, September, 11, 2019 (HOL)- Puntland ayaa maanta soo saartay amarro lagu xasillinayo magaalada xarunta ah ee Garoowe.

9/11/2019 3:25 PM EST
Arbaco, September, 11, 2019 (HOL)- Ra’iisul Wasaaraha xukuumadda federaalka Soomaaliya, Xasan Cali Khayre ayaa maanta booqasho ugu tegay ciidamada xoogga dalka ee qeybta ka qaatay xoreynta Xudur, Ciidamo ka tirsan Koonfur Galbeed iyo ciidamo tababar kasoo baxay, oo la qarameynayo si ay qayb uga noqdaan ciidanka xoogga dalka ee loo qorsheynayo xoreynta deegaannada argagaxisadu uga sugantahay gobalka Bakool.

9/11/2019 3:13 PM EST
Arbaco, September, 11, 2019 (HOL)- Ra’iisul Wasaaraha xukuumadda federaalka Soomaaliya ,Xasan Cali Khayre ayaa magaalada Xudur ee xarunta gobalka Bakool ka dhagax dhigay dhismayaasha Isbitaalka guud ee Xudur iyo Hoyga martida oo laga dhex dhisayo xarunta gobalka Bakool.

9/11/2019 3:01 PM EST
Arbaco, September, 11, 2019 (HOL)- Madaxweynaha Puntland, Siciid Cabdullaahi Deni oo labadii toddobaad ee ugu dambeysay socdaal ku joogay dalalka Itoobiya iyo Imaaraadka Carabta ayaa maanta dib ugu laabtay magaalada xarunta ah ee Garoowe, halkaa oo lagu soo dhaweeyay.

9/11/2019 11:24 AM EST
Arbaco, September, 11, 2019 (HOL)-Xildhibaanno ka tirsan Baarlamaanka Soomaaliya ayaa taageeray go'aan Odayaasha dhaqanka gobolka Hiiraan isku hortaageen ciidamo dowladdu qorsheysay in laga qaado magaalada Beledweyne lana geeyo degmada Dhuusa-Mareeb ee gobolka Galguduud.

9/11/2019 8:11 AM EST
Arbaco, September, 11, 2019 (HOL)-Hal ruux ayaa ku dhaawacmay tiro kalena waa la qabqabtay dhuxulaysato duulaan lagu qaaday degaano kala duwan oo ka tirsan koonfurta Sanaag iyo waqooyiga Sool.

9/11/2019 6:35 AM EST
Arbaco, September, 11, 2019 (HOL)-Wasiirka Xafiiska Horumarinta Magaalooyinka iyo Dhismaha ee DDS C/fataax Sheekh Biixi ayaa mar su'aalo laga waydiiyay dhanka arrimaha dhulka ku saabsan sheegay in ay jiraan dilaaliin dadka ku dhex jira oo si sharci darro ah ku shaqaysta, isla markaana dadka ka iibiya dhul aan sharci ama Master Plane lahayn.

9/11/2019 6:21 AM EST
Arbaco, September, 11, 2019 (HOL)-Abaare Salaadii Duhur ee maanta ayaa qeybo ka mid ah magaalada Muqdisho gaar ahaan xaafaddaha ku dhaw dhaw Madaxtooyada Soomaaliya waxaa ku soo dhacay madaafiic dhowr.

9/11/2019 5:57 AM EST
Arbaco, September, 11, 2019 (HOL)-Wasiirka Maaliyadda Soomaaliya Cabdiraxmaan Ducaale Beyle iyo wafdi uu hoggaaminayo ayaa magaalada Addis Ababa kulamo kula leh kooxda wada hadalka deyn cafinta u qaabilsan hey’adda Lacagta Aduunka (IMF) waxaana laga wada xaajoonayaa Wajiga afaraad ee Barnaamijka deynta cafinta Soomaaliy (SMP4),

9/11/2019 5:49 AM EST
Arbaco, September, 11, 2019 (HOL)-Kaddib kulan magaalada Muqdisho ay ku yeesheen mas'uuliyiinta ganacsatada gobolka Banaadir, ayeey ka soo saareen war-saxaafadeed la xiriira lacago looga qaado dhismaha Waddooyinka magaalada Muqdisho oo si qaldan loogu takrifalo.

9/11/2019 1:47 AM EST
Arbaco, September, 11, 2019 (HOL)- Wasiirka Ganacsiga iyo Warshadaha ee Soomaaliya Cabdullaahi Cali Xassan iyo wasiirada maalgashiga iyo Iskaashiga Caalamiga ee dalka Masar, Saxar-Nasar waxaa ay qalinka ku duugeen heshiiska isfahamka maalgashiga wada-jirka ee labada dal.

9/11/2019 1:33 AM EST
Arbaco, September, 11, 2019 (HOL)- Ra’iisul Wasaaraha Xukuumadda Soomaaliya Xassan Cali Kheyre oo uu wehlinayo Madaxweynaha Dowlad Goboleedka Koonfur Galbeed Cabdicasiis Xassan Maxamed Lafta Gareen ayaa kulan ayaa kulamo ka wada degmada Xudur ee gobolka Bakool oo maalintii shalay uu gaaray.

9/11/2019 1:17 AM EST
Arbaco, September, 11, 2019 (HOL)-Weerar mas'uuliyadiisa ay sheegteen Ururka Al-shabaab oo ka dhacay dulleedka degmada Mandheera ee gobolka Waqooyi Barri ayaa lagu waramayaa in lagu dilay tiro ka mid ah askarta ciidamada Kenya.

9/11/2019 1:03 AM EST
Arbaco, September, 11, 2019 (HOL)-Wasiirka Arrimaha dibadda Soomaaliya Axmed Ciise Cawad oo ka qeyb-galay Shirka Wasiirada Arrimaha Dibadda ee dalalka ku bahoobay Jaamacadda Carabta ayaa shir guddoonka Shirkaasi ku wareejiyay dhigiisa dalka Ciraaq Maxamed Cali Xakiim.