Isniin, May, 27, 2019 (HOL) - Maajid Maajid oo ah
Soomaali marna soo noqday Duqa Magalada Sheffield ee dalka Britain ayaa loo
doortay in uu ka mid noqdo Xubnaha Baarlamaanka Midowga Yurub taas oo ay soo
dhaweeyeen dad isugu jira Soomaali iyo Ajnabi.
Wiilkan Soomaaliga ayaa horay taariikh uga sameeyay dalka Britain,kadib
markii uu diiday in Madaxweynaha Mareykanka uu soo booqdo magaalada uu Duqa ka
ahaa ee Sheffield ee dalka Britain,waxaana xilligaas uu ahaa Duqa maagaalo ee
ugu da’da yar dalka Britain.
Markii uu soo baxay warka ku saabsan guushiisa ayuu barta uu ku leeyahay twitter-ka soo dhigay
qoraal uu ugu mahad celinayo dadkii ka qeyb qaatay doorashadiisa ee
suurtageliyay in uu ka mid noqdo Baarlamaanka Midowga Yurub.
Maajid ayaa Ingiriiska tagay isagoo shan sano
jira ka dib markii isaga iyo qoyskiisu ay ka qaxeen magaalada Burco ee
deegaanada Soomaaliland,waxaana uu ka mid yahay siyaasiyiinta aadka u
neceb, islamarkaana dhaleeceeya Madaxweynaha Mareykanka Donald Trump.
C/raxmaan Diini, Hiiraan Online
[email protected]