Axad, 10, Jen 2010 (HOL) Wasaarada Arrimaha dibada Dowladda Soomaaliya ayaa shaaca ka qaaday in Dowladda Soomaaliya aysan u dulqaadan doonin in xabsi leysaga hayo burcad badeedda Soomaaliyeed ee ku xiran qaar ka mid ah wadamada Qaarada Yurub iyo America.
Agaasimaha guud ee Wasaarada Arrimaha dibada Soomaaliya Dr, Cabdi Max'ed Culusow
ayaa Warbaahinta u sheegay in Wasaarada Arrimaha dibada dadaal dheeraad ah ugu jirto sidii dib gacanta Dowladda loogu soo celin lahaa burcad badeeda Soomaaliyeed ee ku xiran Xabsiyada wadamada ka baxsan dalka Soomaaliya si markaa loogu Maxkamadeeyo gudaha dalka.
Agaasimaha wuxuu intaas ku daray in Wasiirka Arrimaha Dibadda Soomaaliya uu shirar caalami ah ka sheegay in Dowladda Soomaaliya ay daneyneyso in lagu soo wareejiyo kooxaha burcad badeedka ah, si markaas gudaha dalka Soomaaliya loogu maxkamadeeyo.
Warkan ka soo baxay Wasaarada arrimaha dibada Soomaaliya ayaa muujinaya sida Dowladdu ay uga soo horjeedo in meel aan dalka aheyn lagu Maxkamadeeyo qof Soomaali ah oo loo heysto dambi uu galay, waxaana xusid mudan in haddii arrintani laga dhabeeyo ay fursad u noqon karto waalidiin badan oo Soomaaliyeed kuwaa oo ka wal walsanaa xaalada wiilashooda ku jira gacanta Dowladdo Shisheeye iyo xitaa burcad badeed laftirkooda oo fursad u arka in dib dalka loog celiyo.
C/raxmaan Diini, Hiiraan Online
[email protected]
Wasaarada Arrimaha dibadda Soomaaliya oo sheegtay in ay la soo wareegeyso Burcad Badeedda ku xiran Dalalka ka baxsan Soomaaliya
More News
- YUUSUF DABAGEED: “gacan-ku-heynta Magaalada Beledweyne waxaa la wareegay Ciidamo Gobolka Hiiraan ka soo jeeda oo Ahlu Sunna ah”
- Dowladda Itoobiya oo ka codsatay Beesha Caalamka in ay dadaal u gasho in ay badbaadiso Dowladda Soomaaliya
- Ciidamo ka amar qaata Dowladda Soomaaliya oo la wareegay magaalada Beledweyne
- Dagaal ka dhacay Magaalada Muqdisho
- Dagaalkii ka socday Degmada Beledweyn oo sii xoogeystay
- Waddamada Burundi iyo Uganda oo ciidamo kale ku biirinaya ciidamadooda ku sugan Magaalada Muqdisho
- Ciidamada ammaanka magaalada Kismaayo oo soo qabqabtay haween qaad ku dhex iibinayay gudaha magaalada Kismaayo
- Dagaal ka socda Beledweyne
- Shir ku saabsan ammaanka oo ka furmay Galkacyo iyo Doon Kalluumaysi oo ku gubatay Boosaaso
- Mudanayaashii dhawaan shaaciyay inuu dhamaaday waqtigii guddoonka sare ee Baarlamaanka oo kulan la yeeshay Madaxweyne Shiikh Shariif
- Afduubayaasha haysta lamaanayaasha u dhashay dalka Britain oo waqti kama dambeys ah u qabtay madax furashada lacageed ee ay dalbadeen
- Dowladda Soomaliya oo soo dhaweysay muddo kordhinta loo sameeyay Ciidamada AMISOM.
- Ciidamada Somaliland oo qabtay Waxyaabo qarxa iyo Ninkii sitay