Axad, 10, Jen 2010 (HOL) Wasiirka Wasaarada Arrimaha dibada Dowladda Soomaaliya Cali Jaamac Jangali oo la hadlay qaar ka mid ah Warbaahinta ayaa sheegay in Dowladda Soomaaliya siweyn u soo dhaweyneyso mudo kordhintii Midowgga Africa u sameeyay Ciidamada nabada ilaalinta u jooga dalka Soomaaliya ee AMISOM.
Wasiirku waxaa uui intaa ku daray in Ciidamada nabad ilaalina ee ka socda wadamada Uganda iyo Burundi yihiin ku qeyb weyn ka qaadan kara soo celinta nabada dalka Soomaaliya, waxaana uu intaa ku daray in Qaramada Midoobe looga fadhiyo in ay ansixiyan ga'aanka ka soo baxay gudiga Nabadgalyada Midowgga Africa.
Sidoo kale Wasiiru Dowlaha Wasaarada Gaanshaandhiga Dowladda Soomaaliya Shiikh Yuusuf Max'ed Siyaad Idhacada ayaa sheegay in Midowgga Africa qaadeen talaabo wax ku ool ah, gaaar ahaan waxaa uu farta ku fiiqay in muddo kordhinta loo sameeyay Ciidamada AMISOM tahay mid caawineysa qorshaha Dowladdu waddo ee ku aadan dib u soo celinta Nabadgalyada dalka.
Indhacada waxaa uu intaa ku daray in Dowladda Soomaaliya dalbadatay talabada ay qaadeen Mas'uuliyiinta Midowgga Afirca ee ah in waqti lagu daro mudada joogitaanka Ciidamada nabad ilaalinta AMISOM.
Ga'aanka Jimcihii dhawaa ka soo baxay Midowgga Afirca ee mudada 6-bilood ah loogu kordhiyay Ciidamada nabad ilaalinta u jooga dalka Soomaaliya gaar ahaa Magaalada Muqdisho ayaa la oran karaa waa fursad hor taala Dowladda Soomaaliya oo looga fadhiyo in ay ka faa'ideysto, maadaama ay jiraan Xoogag hubeysan oo ka soo horjeeda kuwaa oo dagaalo joogta ah kula jira Ciidamada Dowladda iyo kuwa AMISOM.
C/raxmaan Diini, Hiiraan Online
[email protected]
Dowladda Soomaliya oo soo dhaweysay muddo kordhinta loo sameeyay Ciidamada AMISOM.
More News
- YUUSUF DABAGEED: “gacan-ku-heynta Magaalada Beledweyne waxaa la wareegay Ciidamo Gobolka Hiiraan ka soo jeeda oo Ahlu Sunna ah”
- Dowladda Itoobiya oo ka codsatay Beesha Caalamka in ay dadaal u gasho in ay badbaadiso Dowladda Soomaaliya
- Ciidamo ka amar qaata Dowladda Soomaaliya oo la wareegay magaalada Beledweyne
- Dagaal ka dhacay Magaalada Muqdisho
- Dagaalkii ka socday Degmada Beledweyn oo sii xoogeystay
- Waddamada Burundi iyo Uganda oo ciidamo kale ku biirinaya ciidamadooda ku sugan Magaalada Muqdisho
- Ciidamada ammaanka magaalada Kismaayo oo soo qabqabtay haween qaad ku dhex iibinayay gudaha magaalada Kismaayo
- Dagaal ka socda Beledweyne
- Shir ku saabsan ammaanka oo ka furmay Galkacyo iyo Doon Kalluumaysi oo ku gubatay Boosaaso
- Mudanayaashii dhawaan shaaciyay inuu dhamaaday waqtigii guddoonka sare ee Baarlamaanka oo kulan la yeeshay Madaxweyne Shiikh Shariif
- Afduubayaasha haysta lamaanayaasha u dhashay dalka Britain oo waqti kama dambeys ah u qabtay madax furashada lacageed ee ay dalbadeen
- Wasaarada Arrimaha dibadda Soomaaliya oo sheegtay in ay la soo wareegeyso Burcad Badeedda ku xiran Dalalka ka baxsan Soomaaliya
- Ciidamada Somaliland oo qabtay Waxyaabo qarxa iyo Ninkii sitay