Saraakiil iyo Askar loo xiray dagaal labadii maalmood ee la so dhaafay Muqdisho ku dhaxmaray ciidamada dowladda
Axad, April, 14, 2019 (HOL) – Taliyaha ciidanka Booliiska Soomaaliyeed Jen Bashiir Cabdi Maxamed ayaa shir
jaraa’id ku sheegay in dagaalo labadii cisho ee la soo dhaafay dhaxmaray
ciidamada dowladda loo soo xir xiray Askar iyo saraakiil la tuhusan yahay in ay
qeyb ka ahaayeen dagaalladaa.
“Ciidamada isku rasaaseeyay meelo ka mid ah
Muqdisho, waxaa u soo qabanay saraakiil iyo askar lagu tuhunsan yahay falalkii
shalay iyo doraad dhacay”ayuu yiri Jen. Bashiir.
Labadii cisho ee la dhaafay qeybo ka mid ah
magaalada Muqdisho waxaa ka dhacay dagaallo dhaxmaray ciidamo ka kala tirsan
Booliiska iyo Militariga dowladda Soomaaliya, iyadoo baraha bulshada lagu soo
bandhigay muuqaallada Askar dhaawac ah oo ka tirsan Booliiska Soomaaliya.
Jen Bashiir ayaa sidoo kale waxaa uu sheegay in
sharciga lala tiigsan doono askarigii ka hor-yimaada hannaanka sugid amniga,
isla markaana aan loo dulqaadan doonin.
Ciidamo ka tirsan Milateriga iyo kuwa Booliska
ayaa labadii maalmood ee la soo dhaafay is rasaaseyn ku dhex maray magaalada
Muqdisho, kaa soo ka dhashay dhimasho iyo dhaawac.
C/raxmaan Diini,
Hiiraan Online
[email protected]