Talaado, August, 07, 2018 (HOL)– Maareeye ku-xigeenkii shirkadda isgaarsiinta Golis ee
Puntland ayaa lugu dilay magaalada ganacsiga ah ee Boosaaso , sida ay
xaqiijiyeen mas'uuliyiinta deegaanka.
Cabdullaahi Cali Cumar (Jinnac) ayaa
rag ku hubeysan bastoolado waxay ku dileen goob aan isaga uga fogeyn xarunta
shirkadda Golis ee magaalada Boosaaso, sida ay Hiiraan Online u sheegeen
goobjoogayaal.
Kooxda dilka fulisay ayaa markiiba
la sheegay inay goobta ka baxsadeen, lamana sheegin cidda ay ahaayeen, waxaana
daqiiqado yar kaddib gaaray halka uu dilka ka dhacay ciidammada amniga oo
baaritaanno sameeyay, mase-jirto illaa hadda cid dilka loo soo qabtay.
Ma jirto cid sheegatay mas'uuliyada
dilkan,hay'adaha ammaanka Puntland dhankoodana ma jirto warbixin ka soo
baxdey oo dilkan looga hadley,weerarro kale oo kan la mid ah ayaa dhowr
mar ka dhacay magaalada Boosaaso.
Iman Mohamed Jama, Hiiraan Online