Guddiga Shaqaalaha rayidka oo diiday xil ka qaadis lagu sameeyay Xog- hayaha joogtada W Arrimaha Dibedda
Talaado, August, 07, 2018 (HOL) –Guddiga
Qaranka ee shaqaalaha rayidka ee dowladda Soomaaliya ayaa waxba kama jiraan ku tilmaamay xil ka
qaadis la sheegay in lagu sameeyay xoghayaha joogtada ah ee Wasaaradda arrimaha
dibedda Soomaaliya Cali Maxamed Cali.
Qoraalka ka soo baxay guddiga oo
taariikheysan 5-tii bishan July ayaa lagu sheegay in xil ka qaadistan tahay mid
baal-marsan sharciga, madaama markii horeba uu ku yimid xog-hayaha magacaabista
ra’iisal wasaare, sidaa daraadeed xil ka qaadistu-na tahay mid ku ansaxmeysa oo
kaliya in loo maro dariiqii hore ee lagu
soo magacaabay taa oo mic-naheedu noqonayo in uu ra’iisal wasaaraha xilka ka
qaadi karo oo kaliya.
Guddiga ayaa sidoo kale sheegay
in xil ka qaadistan uu sameeyay Wasiirka arrimaha dibedda Soomaaliya Axmed
Cawad Ciise ay si toos ah uga hor –imaaneyso wareegto uu soo saaray ra’iisal
wasaaraha xukuumadda Soomaaliya Xassan Cali Kheyre 16/5/2018 ee sanadan oo amreysa
in aan xil ka qaadis lagu sameyn karin xoghayayaasha joogtada ah iyo
agaasimayaasha guud ee wasaaraddaha la tashi la’aan.
Wareegtadii Ra’iisal wasaaraha :
Wareegtadii xil ka qaadista :
Wareegtadii guddiga Shaqaalaha rayidka :
C/raxmaan Diini, Hiiraan
Online
[email protected]
