Khamiis, Augusto, 22, 2019 (HOL)-Kaddib xiisad colaadeed oo u dhexaysey ciidamada iyo dhalinyaro shacabka ka mid ah oo ka cadhooday wiil ay ciidanka Boolisku toogasho ku dileen ayay xaalada magaaladu deganaan ku soo noqotay.
newsinsideSadex qof oo dhaawac ah ayaan ku arkay isbitaalada wax
ay rasaas nool haleeahay waxaase la sheegayaa in ay dadka dhaawaca ah ay
intaas ka badan yihiin.
Deganaanta magaalada ayaa
loo aanaynaysa kadib markii wadahadal u dhexeeyey odayaasha iyo madaxda
lagu gaadhey heshiis, sida ay HOL u xaqiijiyeen qaar ka mid ah
masuuliyiintu.
"Waxaa galabta la aasayaa wiilkii
dhintay waxaana xaqiisa bixinaya xukuumada taas oo ah 100 halaad"
sidaana waxaa Hiiraan Online u sheegay Cabdilaahi Garaad Saleebaan oo
madax u ahaa waxgaradka hawshan isu xilqaamay.
Waxaase
la sheegayaa in aan weli meel layla dhigin cida masuuliyadeeda qaadaysa
dadkii ku dhaawacmay rabshadihii shalay, waxaase dadka badankoodu
aaminsan yihiin in dhinaca xukuumada laga sugayo in ay tana dusha
saartaan.