Prof Jawaari oo loogu baaqay in uu mar kale isku soo taago hogaanka sare ee baarlamaanka
Talaado, December, 20, 2016 (HOL) - Iyadoo lagu wado in la doortay guddoomiyaha baarlamaanka Soomaaliya ee sanadkan 2016ka, ayaa dhinaca kale waxaa soconaya olale ballaaran oo loogu jiro qabashada hogaanka sare ee baarlamaanka.
Kulan magaalada Muqdisho ay ku yeesheen wasiirro ka tirsan xukuumadda, xildhibaano, siyaasiyiin, aqoon-yahanno, haween iyo dhallinyaro kasoo jeeda deegaannada maamulka Koonfur-galbeed, ayaa lagu taageeray in uu mar kale isku soo sharxo guddoomiyaha baarlamaanka Maxamed Sheekh Cusmaan Jawaari.
Sidoo kale kulanka ayaa looga hadlay mustaqbalka deegaanada maamulka Koonfur-galbeed iyo waxyaabihii u qabsoomay Maamulka uu hoggaamiyo Shariif Xasan, mudadii labada sanno aheyd ee uu xilka hayay.
Siyaasiyiintii, Haweenkii iyo Aqoonyahanadii kulanka ka hadlay ayaa ugu baaqay Maxamed Sheekh Cusmaan Jawaari inuu isku soo sharaxo xilka Guddoomiayaha Baarlamaanka Soomaaliya.
Mas’uuliyiinta ka hadlay kulanka ayaa sheegay in Shariif Xassan uu ku guuldareystay in maamulka lagu baahiyo guud ahaanba deegaannada Koonfur galbeed, walina howlaha maamulka aysan dhaafsiisneyn magaalada
Baydhabo.
Guddoomiye kuxigeenka Xisbiga Daljir Xasan Xaaji Ibraahim ayaa sheegay in Shariif Xasan uu ku guuldareystay in uu maamulka Koofur Galbeed oo aan dhaafsiisneyn sidda ay siyaasiyiinta sheegeen magaalada Baydhabo.
Wuxuu sheegay in Shariif Xasan uusan ka dhabeyn balan-qaadyadii uu horay ugu sameeyay shacabka Koofur Galbeed.
Khaalid Cumar Cali oo ah wasiiru-dowlaha wasaaradda arrimaha dibadda ayaa sheegay in Shariif Xasan uusan wax horumar ah gaarsiin maamulka Koofur Galbeed.
Wasiirkii hore ee Ganacsiga Aadan Saransoor ayaa isna sheegay in Shariif Xasan uusan u soo jeedin horumarinta deegaanada Koofur Galbeed, isla markaana ay u ka fikirayo sidda uu hadalka u dhigay hansiyaasadeed oo ay adag tahay sidda uu ku gaaro.
Ugu dambeyn, waxaa kulanka laga akhriyay war murtiyeed ka kooban dhowr qodob oo looga hadlay mustaqbalka Koofur Galbeed iyo in uu u baahan yahay badbaado.
C/raxmaan Diini, Hiiraan Online
[email protected]
More News
- Guddiga gurmadka abaaraha ee heer Qaran oo la magacaabay
- Madaxweyne Xassan Sheekh oo madaxtooyada ku qaabilay Ilhaan Cumar
- AMISOM oo war ka soo saartay dadkii rayidka ahaa ee lagu laayay gobolka Sh/hoose
- Kooxo hubeysan oo goor dhaw dilay agaasimihii madaxtooyada Boosaaso
- Aas aaskii ciidamada booliiska oo laga xusay magaalada Kismaayo
- Xildhibaano hore oo sheegay in guddiga doorashada ku dacweynayaan maxkamada Hague
- Madaxweyne Xassan Sheekh oo ka qeybgalay munaasabada aasaaskii ciidamada booliiska
- Ra’iisal wasaarihii hore Max’ed C/llaahi Farmaajo oo Muqdisho lagu soo dhaweeyay
- Taliyaha qeybta booliiska gobolka Mudug oo ka hor yimid shaqo joojin lagu sameeyay
- Nolosha Yemeniyiinta qaxootiga ku ah Soomaaliya
- Boqolaal ardey ah oo dhameysatay Imtixaankii dhexe dugsiga Aflax ee magaalada Beledweyne
- Madaxweyne Xassan Sheekh oo hambalyo u diray ciidammada booliiska Soomaaliyeed
- Taliyihii booliska Puntland ee gobolka Mudug oo xilka laga qaaday
- Maydka ninkii weerarka ku dhawacay Soomaalida majidka magaalada Zurich oo la helay
- Madaxweynaha Kenya oo ka codsaday Midowga Yurub inuu caawiyo AMISOM
- Soomaaliya oo safiir u magacaawday Sweden
- Saddex ruux oo Soomaaliya ah oo ku dhaawacmay weerar lagu qaaday masaajid ku yaala Switzerland
- Booliiska Soomaaliyeed oo u dabaal-dagaya 73 sanno guuradii ka soo wareegtay markii la aasaasay
- Ninkii ka danbeeyay dilkii safiirkii Ruushka ee dalka Turkiga oo la gartay