3/29/2024
Today from Hiiraan Online:  _
Wararka Maanta- Sabti, Jun 22, 2013
Xubnaha Baarlamaanka Puntland oo dib u dhigay Meelmarinta Maxkamadda Dastuuriga ah oo lagu Waday in Maanta la Ansixiyo

Sabti, Juun 22, 2013 (HOL) — Baarlamaanka Puntland oo xilligan uu magaalada Garoowe uga socdo kal-fadhigoodii 30-aad, ayaa dib u dhigay meelmarinta Maxkamadda Dastuuriga ah, taasoo ay dhowrkii maalmood ee uu ugu danbeeyey ay ka doodayeen.

Dhismaha maxkamadda sare oo kamid ah ajendayaasha ugu waaweyn ee uu golaha wakiilladu fadhigoodan diirada ku saarayo, waxaa lagu wadey in ay soo dhameystiranto maanta oo sabti ah.

Guddoomiyaha baarlamaanka Puntland C/rashiid Maxamed Xirsi, ayaa mar uu warbaahitna la hadlayey sheegay, in goluhu dood dheer kaddib, uu isku raacay in dib loo dhigo meel marinta Maxamadda Dastuuriga ah.

"Goluhu dood-dheer kaddib wuxuu isla qaatay in dib loo dhigo meel marinta maxakamadda dastuuriga ah, taasoo maanta iyo dhowrkii beri ee ka horeeyeyba uu dood kulul baarlamaanku ka yeeshay" Guddoomiyaha baarlamaanka ayaa yiri.

Dhinaca kale, guddoomiyaha baarlamaanka Puntland ayaa ku baaqay in la qaboojiyo colaad u dhexeysa labo beelood oo walaalo ah. Colaaddan ayaa kasoo cusboonaatay deegaano ka tirsan miyiga gobolka Karkaar.

Inkasta oo lagu guuleystey in dhowr mar oo hore xal laga gaaro dagaalkan -oo soo jiitamayey muddo dhowr sano ah, wuxuu dib usoo cusboonaaday markii dad xoolo dhaqato ah oo ka kala tirsan labada dhinac ay labo qof iska dileen.

Iyadoo dhowaan la filayo in doorashada goleyaasha deegaanku ay ka qabsoonto deegaanada Puntland, ayaa waxaa jira walaac ay qabaan qaar kamid ah ururada siyaasadda ee Puntland. Sidoo kale ururada  qaar ayaa horay u sheegay inaysan doorashada geli doonin maadaama ay meesha ka maqan yihiin arrimo dhowr ah oo doorashada lagama maarmaan u ah, ayna kamid tahay Maxakamadda Sare oo lagu kala bixi lahaa haddii uu is qaqabsi dhanka siyaasadda ahi yimaado.

Maxamed Salaad Xaaji Dirir, Hiiraan Online
[email protected]
Puntland, Soomaaliya













Click here
6/22/2013 3:57 PM EST
Sabti, Juun 22, 2013 (HOL) — Xoogag taabacsan Al-shabaab ayaa caawa weeraray fariisin ay ciidamada dowladdu ku lahaayeen suuqa xoolaha lagu iibiyo ee magaalada Baydhabo, kaasoo socday muddo saacad ah, iyadoo sidoo kale uu maanta qarax weyn oo khasaare geystay ka dhacay degmada Qansaxdheere ee isla gobolka Bay.

6/22/2013 3:41 PM EST
Sabti, Juun 22, 2013 (HOL) — Wasiirka warfaafinta, boostada iyo gaadiidka xukuumadda Soomaaliya, C/llaahi Ciilmooge Xirsi ayaa maanta sheegay in dib loo furayo 26-ka bisha Juun ee sanadkan oo ku beegan markii gobollada waqooyi ee dalka ay ka xoroobeen gumeystihii Ingiriiska in dib loo furi doono boosatadii weynayd ee dowladda.

6/22/2013 12:53 PM EST
Sabti, Juun 22, 2013 (HOL) — Ciidamada Midowga Afrika (AMISOM) ee ku sugan magaalada Kismaayo ee xarunta gobolka Jubbada Hoose ayaa maanta qarxiyay Miino lagu aasay mid ka mid ah wadooyinka muhiimka ah ee dhexmara magaaladaas.

6/22/2013 11:14 AM EST
Sabti, Juun 22, 2013 (HOL) — Hay’adaha muslimiinta dalka Mareykanka oo qoraal u diray ra’iisul wasaaraha dalka Turkiga, Recep Tayyip Erdogan ayaa uga mahadceliyay taageerada joogtada ah ee uu siiyo qoxootiga ku nool dalalka Islaamka iyo kuwa kale ee caalamka.

6/22/2013 11:13 AM EST
Sabti, Juun 22, 2013 (HOL) — Beeraleyda ku nool deegaannada hoos-yimaada degmada Baydhabo ee gobolka Bay ayaa ka cabanaya cudurro iyo cayayaan waxyeelleeyay dalaggoodii, iyadoo la soo sheegayo in dalaggii beeraha ee sannadkan siiba Masagada ay baabi’iyeen cudurro iyo cayayaan.

6/22/2013 10:45 AM EST
Sabti, Juun 22, 2013 (HOL) — Madaxweynaha Somaliland, Axmed Maxamed Maxamuud Siillaanyo ayaa maanta qasriga madaxtooyadda ku qaabilay labadda gobol ee ku kala guulaystay koobka kubadda cagta iyo koobka kubadda Gacanta ee basketka looyaqaan.

6/22/2013 9:28 AM EST
Sabti, Juun 22, 2013 (HOL) — Guddiga qaban-qaabada munaasabadaha 26-ka Juun iyo 01-da Luuliyo ee maalmaha xorriyadda dalka ayaa maanta ku yeeshay Muqdisho shir ay kaga hadlayeen qaabkii loo wajihi lahaa dabaal-dagyadan lagu weynaynayo maalmaha xorriyadda dalka.

6/22/2013 9:24 AM EST
Sabti, Juun 22, 2013 (HOL) — Guddoomiyaha Baarlamaanka Soomaaliya, Maxamed Sheekh Cismaan (Jawaari) oo maanta ka hadlayay kulankii ay yeesheen xildhibaannada baarlamaanka Soomaaliya ayaa soo jeediyay in xildhibaannadu ay ka doodaan laba qodob oo midkood uu yahay sidii lagu sameysan lahaa xisbiyo siyaasadeed.

6/22/2013 8:56 AM EST
Sabti, Juun 22, 2013 (HOL) — Taliyaba Booliska Somaliland Gen:Cabdilaahi Imaan Fadal, ayaa sheegay inay soo qabqabteen dad lagu tuhmayo inay dhowaan laba dumar ah ku dileen magaaladda Hargeysa iyo dad kale oo ah dad caruurta tahriibiya ah.

6/22/2013 8:54 AM EST
Sabti, Juun 22, 2013 (HOL) — Kulan lagu cambaareynayay qaraxii Arbacadii ka dhacay Xarunta UNDP ee magaalada Muqdisho ayaa maanta ka dhacay hoteelka Global ee magaalada Muqdisho, kaasoo ay ka qeyb-galeen qaar ka mid ah culummada Soomaaliyeed, kuwaasoo hadallo ka jeediyay kulanka oo ay soo qabanqaabisay hay’adda wada-hadalka bulshada ee CCD.

6/22/2013 8:17 AM EST
Sabti, Juun 22, 2013 (HOL) — Madaxweynaha Koofurta Afrika, Jacob Zuma oo ka hadlay dilalka waddankiisa loogu geysto dadka ajaanibta ah ee ku nool oo ay Soomaalidu ka mid tahay, isagoo sheegay in weerarrada lala beegsado dadkaas ay xal u raadinayaan.

6/22/2013 7:56 AM EST
Sabti, Juun 22, 2013 (HOL) — Lix dagaalyahan oo ka tirsan Al-shabaab ayaa lagu dilay dagaal xoogag kawada tirsan kooxdan ku dhexmaray degmada Baraawe ee gobolka Shabeellada hoose, sida ay warbaahinta caalamka ka soo xigatay goobjoogayaal ku sugan degmadaas.

6/22/2013 7:28 AM EST
Sabti, Juun 22, 2013 (HOL) — Ciidamada booliiska magaalada Boorama ee gobolka Awda ayaa xabsiga dhigay odayaal iyo aqoonyahanno kasoo jeeda deegaanka Xariirad oo ka tirsan gobolka Awdal ee Somaliland.

6/22/2013 5:34 AM EST
Sabti, Juun 22, 2013 (HOL) — Ku dhawaaw toban dukaan oo intooda badan ay lahaayeen ganacsato Soomaaliyeed ayaa lagu boobay sadexdii maalmood ee lasoo dhaafay xaafadda Kraafontein ee ku taalla duleedka magaalada Cape Town ee dalka Koonfur Afrika.

6/22/2013 5:14 AM EST
Sabti, Juun 22, 2013 (HOL) — Waxaa magaalada Hargeysa shalay kusoo gaba-gaboobay kulan diimeed ay ka soo qaybgaleen muslimiin lagu qiyaasay shan iyo toban kun oo qof, kuwaas oo ka kala yimid shanta qaaradood ee aduunyada iyo guud ahaan goboladda ay soomaaliddu ka degto geeska afrika.

6/22/2013 5:11 AM EST
Sabti, Juun 22, 2013 (HOL) — Gobolka Maroodi jeex ayaa ku guuleysatay Jimcihii shalay ciyaarihii gobollada Somaliland, kaddib markii ay kooxdii ka socotay gobolka Hawd ay kaga badiyeen hal gool oo keliya.