11/13/2019
Today from Hiiraan Online:  _
Wararka Maanta- Sabti, Jun 22, 2013
Ciyaarihii Gobollada Somaliland oo la soo Gunaanaday iyo Gobolka Maroodi-Jeex oo Mar Labaad ku guuleysatay Koobka



Sabti, Juun 22, 2013 (HOL) — Gobolka Maroodi jeex ayaa ku guuleysatay Jimcihii shalay ciyaarihii gobollada Somaliland, kaddib markii ay kooxdii ka socotay gobolka Hawd ay kaga badiyeen hal gool oo keliya.

Tartankan oo ay ka soo qaybgaleen 13 gobol ayaa waxa gabogabadii iskugu soo hadhay afarta xul ee goboladda Maroodi jeex, HAWD, GABILAY IYO DAAD MADHEEDH,kuwaas oo ay ka sii hadhen labaddan gobol galabta koobka kala qaatay.

Labaddan gobol ayaa soo bandhigay ciyaar aad u wanaagsan, isla markaana mid waliba ku dadaalayey inuu isagu koobka qaado, haseyeeshee sagaashankii daqiiqadood midna wax gool ah muu dhalin, waxaana markii dambe loo dhigay gool ku laag ay shan gool dhashadeen gobolka Hawd, halka lix goolna ay dhashadeen gob olka Maroodi jeex, taas oo sidaas ku qaadatay koobkii.

Sidoo kale, xalay kubadda gacanta waxa iskugu soo hadhay gobolka Maroodi jeex iyo gobolka Gabiley, waxaana halkaasi guushu ku raacday koobkiina ku qaatay xulka gobolka Gabilay oo keenay 58 dhibcood,halka xulka gobolka Maroodi jeexna keenay 52 dhibcood.

Dadweynaha magaaladda Hargeysa oo kala taageersan gobolka Maroodi jeex iyo gobolka HAWD ayaa si weyn usoo buux dhaafiyey garoonka weyn ee Stadium Hargeysa oo ciyaarto si toos ah uga socotay.

Wasiirka dhalinyaradda ciyaaraha iyo dhaqanka Cali Siciid Raygal iyo xubno ka mid ah golaha Wasiiradda, ayaa halkaasi koobabki iyo biladihii ku gudoonsiiyey ciyaartoygii kala badiyey ee xulalka gobolka Maroodi jeex, Gabilay oo kubaddii gacanta badisay iyo gobolka HAWD oo faro cideed lagaga badiyey kubadda cagta.

Si kastaba ha ahaatee, dhawrkii todobaad ee u dambeeyey waxa si weyn loo hadal hayey cidda koobka qaadan doonta, waxaana dadku kala taageersanayeen goboladdii garoonka ku ciyaarayey, haseyeeshee gobolka Maroodi oo sanadkii hore 2012kii oo lagu ciyaaryey magaladda Burco koobka ka qaaday isla gobolka HAWD oo ay iskugu soo hadheen,ayaa mar labaad hadana ku guulaystay koobkii kubadda cagta oo uu isla gobolkii sanadkii hore ka badiyey iskugu soo hadheen, waxaanu gobolka Maroodi jeex noqonayaa gobolka ugu koobab qaadis badnaa tan iyo markii la bilaabay tartanka goboladda Somaliland, waxaanu hore u qaaday laba koob.

Taageerayaasha iyo ciyaartoyga gobolka MAROODI JEEX ayaa caawa ,iyago wata gaadiid farobadan oo hoon cod dheer ku xidhan yahay u dabaaldegaya  guushoodda, isla markaana ku wareegaya waroodiyinka magaaladda Hargeysa, iyagoo ku qaylinaya guusha Maroodi jeex baa leh.

Barkhad-ladiif M. Cumar, Hiiraan Online
[email protected]
Hargeysa, Somaliland










Click here
6/22/2013 3:57 PM EST
Sabti, Juun 22, 2013 (HOL) — Xoogag taabacsan Al-shabaab ayaa caawa weeraray fariisin ay ciidamada dowladdu ku lahaayeen suuqa xoolaha lagu iibiyo ee magaalada Baydhabo, kaasoo socday muddo saacad ah, iyadoo sidoo kale uu maanta qarax weyn oo khasaare geystay ka dhacay degmada Qansaxdheere ee isla gobolka Bay.

6/22/2013 3:41 PM EST
Sabti, Juun 22, 2013 (HOL) — Wasiirka warfaafinta, boostada iyo gaadiidka xukuumadda Soomaaliya, C/llaahi Ciilmooge Xirsi ayaa maanta sheegay in dib loo furayo 26-ka bisha Juun ee sanadkan oo ku beegan markii gobollada waqooyi ee dalka ay ka xoroobeen gumeystihii Ingiriiska in dib loo furi doono boosatadii weynayd ee dowladda.

6/22/2013 12:53 PM EST
Sabti, Juun 22, 2013 (HOL) — Ciidamada Midowga Afrika (AMISOM) ee ku sugan magaalada Kismaayo ee xarunta gobolka Jubbada Hoose ayaa maanta qarxiyay Miino lagu aasay mid ka mid ah wadooyinka muhiimka ah ee dhexmara magaaladaas.

6/22/2013 11:14 AM EST
Sabti, Juun 22, 2013 (HOL) — Hay’adaha muslimiinta dalka Mareykanka oo qoraal u diray ra’iisul wasaaraha dalka Turkiga, Recep Tayyip Erdogan ayaa uga mahadceliyay taageerada joogtada ah ee uu siiyo qoxootiga ku nool dalalka Islaamka iyo kuwa kale ee caalamka.

6/22/2013 11:13 AM EST
Sabti, Juun 22, 2013 (HOL) — Beeraleyda ku nool deegaannada hoos-yimaada degmada Baydhabo ee gobolka Bay ayaa ka cabanaya cudurro iyo cayayaan waxyeelleeyay dalaggoodii, iyadoo la soo sheegayo in dalaggii beeraha ee sannadkan siiba Masagada ay baabi’iyeen cudurro iyo cayayaan.

6/22/2013 10:45 AM EST
Sabti, Juun 22, 2013 (HOL) — Madaxweynaha Somaliland, Axmed Maxamed Maxamuud Siillaanyo ayaa maanta qasriga madaxtooyadda ku qaabilay labadda gobol ee ku kala guulaystay koobka kubadda cagta iyo koobka kubadda Gacanta ee basketka looyaqaan.

6/22/2013 9:28 AM EST
Sabti, Juun 22, 2013 (HOL) — Guddiga qaban-qaabada munaasabadaha 26-ka Juun iyo 01-da Luuliyo ee maalmaha xorriyadda dalka ayaa maanta ku yeeshay Muqdisho shir ay kaga hadlayeen qaabkii loo wajihi lahaa dabaal-dagyadan lagu weynaynayo maalmaha xorriyadda dalka.

6/22/2013 9:24 AM EST
Sabti, Juun 22, 2013 (HOL) — Guddoomiyaha Baarlamaanka Soomaaliya, Maxamed Sheekh Cismaan (Jawaari) oo maanta ka hadlayay kulankii ay yeesheen xildhibaannada baarlamaanka Soomaaliya ayaa soo jeediyay in xildhibaannadu ay ka doodaan laba qodob oo midkood uu yahay sidii lagu sameysan lahaa xisbiyo siyaasadeed.

6/22/2013 8:56 AM EST
Sabti, Juun 22, 2013 (HOL) — Taliyaba Booliska Somaliland Gen:Cabdilaahi Imaan Fadal, ayaa sheegay inay soo qabqabteen dad lagu tuhmayo inay dhowaan laba dumar ah ku dileen magaaladda Hargeysa iyo dad kale oo ah dad caruurta tahriibiya ah.

6/22/2013 8:54 AM EST
Sabti, Juun 22, 2013 (HOL) — Kulan lagu cambaareynayay qaraxii Arbacadii ka dhacay Xarunta UNDP ee magaalada Muqdisho ayaa maanta ka dhacay hoteelka Global ee magaalada Muqdisho, kaasoo ay ka qeyb-galeen qaar ka mid ah culummada Soomaaliyeed, kuwaasoo hadallo ka jeediyay kulanka oo ay soo qabanqaabisay hay’adda wada-hadalka bulshada ee CCD.

6/22/2013 8:17 AM EST
Sabti, Juun 22, 2013 (HOL) — Madaxweynaha Koofurta Afrika, Jacob Zuma oo ka hadlay dilalka waddankiisa loogu geysto dadka ajaanibta ah ee ku nool oo ay Soomaalidu ka mid tahay, isagoo sheegay in weerarrada lala beegsado dadkaas ay xal u raadinayaan.

6/22/2013 8:01 AM EST
Sabti, Juun 22, 2013 (HOL) — Baarlamaanka Puntland oo xilligan uu magaalada Garoowe uga socdo kal-fadhigoodii 30-aad, ayaa dib u dhigay meelmarinta Maxkamadda Dastuuriga ah, taasoo ay dhowrkii maalmood ee uu ugu danbeeyey ay ka doodayeen.

6/22/2013 7:56 AM EST
Sabti, Juun 22, 2013 (HOL) — Lix dagaalyahan oo ka tirsan Al-shabaab ayaa lagu dilay dagaal xoogag kawada tirsan kooxdan ku dhexmaray degmada Baraawe ee gobolka Shabeellada hoose, sida ay warbaahinta caalamka ka soo xigatay goobjoogayaal ku sugan degmadaas.

6/22/2013 7:28 AM EST
Sabti, Juun 22, 2013 (HOL) — Ciidamada booliiska magaalada Boorama ee gobolka Awda ayaa xabsiga dhigay odayaal iyo aqoonyahanno kasoo jeeda deegaanka Xariirad oo ka tirsan gobolka Awdal ee Somaliland.

6/22/2013 5:34 AM EST
Sabti, Juun 22, 2013 (HOL) — Ku dhawaaw toban dukaan oo intooda badan ay lahaayeen ganacsato Soomaaliyeed ayaa lagu boobay sadexdii maalmood ee lasoo dhaafay xaafadda Kraafontein ee ku taalla duleedka magaalada Cape Town ee dalka Koonfur Afrika.

6/22/2013 5:14 AM EST
Sabti, Juun 22, 2013 (HOL) — Waxaa magaalada Hargeysa shalay kusoo gaba-gaboobay kulan diimeed ay ka soo qaybgaleen muslimiin lagu qiyaasay shan iyo toban kun oo qof, kuwaas oo ka kala yimid shanta qaaradood ee aduunyada iyo guud ahaan goboladda ay soomaaliddu ka degto geeska afrika.