11/13/2019
Today from Hiiraan Online:  _
Wararka Maanta- Sabti, Jun 22, 2013
Ciidanka Booliiska Degmada Boorama ee Gobolka Awdal oo Xabsiga Dhigay Odayaal kasoo jeeda Deegaanka Xariirad


Sabti, Juun 22, 2013 (HOL) — Ciidamada booliiska magaalada Boorama ee gobolka Awda ayaa xabsiga dhigay odayaal iyo aqoonyahanno kasoo jeeda deegaanka Xariirad oo ka tirsan gobolka Awdal ee Somaliland.

Odayaasha iyo waxgaradkan ayaa qaarkood laga qabtay gudaha magaalada Boorame, halka kuwo kalena laga soo qabqabtay deegaanka Xariirad oo ay kasoo jeedeen, iyadoo odayaashaas ay hadda ku jiraan saldhigga degmada Boorame.

Xubnahan la xirxiray ayaa waxay tiradoodu gaaraysaa siddeed waxayna kala yihiin magacyadooda:

1. Caaqil Maxamed Samaale Bahdoon, (laga qabtay Boorame)
2. Caaqil Jibriil Saciid, (laga qabtay Boorame)
3. Aqoonyahan Maxamed Cilmi Faarax, (laga qabtay Boorama)
4. Caaqil Maygaag Daahir Bucul, (laga qbatay Xariirad)
5. Caaqil Bashiir Daahir Hanfi, (laga qabtay Xariirad)
6. Caaqil Cali Cumar Raage, (laga qabtay Xariirad)
7. Caaqil Cismaan Cabi Muuse, (laga qabtay Xariirad) iyo
8. Caaqil Catoosh Bile Cabilaahi (laga qabtay Xariirad)

Saraakaakiisha amnigu waxay ka gaabsadeen in arrintan ay ka bixiyaan wax faahfaahin ah, balse dadka indhaha ku haya xiisada ka aloosan Xariirad ayaa waxay qaqabashada xukuumada ee odayaashan la xiriiriniayaan dil dhawaan ka dhacay magaalada Xariirad.

Inkastoo dilka ninkii ugu dambeeyay ee Xariirad lagu dilay aanay jirin cid sheegatay mas’uuliyadiisa, haddana xaalka degaankaasi Xariirad ayaa ah mid deggen, walow aanay jirin nabadgalyo la mid ah horay uga jirtay.

Sidoo kale, dadka arrintan Xariirad u kuur-galaa aya waxay saadaalinayaan in haddii dilkan u dambeeyay ee Xariirad ka dhacay uu salka ku hayo wax aano beeleed ah in xadhiga odayaashan deegaanka Xariirad uu noqon doono mid lagu qaboojinayo xiisada, isla markaana ay xukuumaddu doonayso inay mag dhaw u noqdo xadhig qaatay muddo 80 maalmood ah oo ay odayaal reer Saylac ah ugu xirnaayeen sidan oo kale jeelka dhexe ee Boorama.

Khadro Xasan Nuux, Hiiraan Online
[email protected]
Boorame, Somaliland










Click here
6/22/2013 3:57 PM EST
Sabti, Juun 22, 2013 (HOL) — Xoogag taabacsan Al-shabaab ayaa caawa weeraray fariisin ay ciidamada dowladdu ku lahaayeen suuqa xoolaha lagu iibiyo ee magaalada Baydhabo, kaasoo socday muddo saacad ah, iyadoo sidoo kale uu maanta qarax weyn oo khasaare geystay ka dhacay degmada Qansaxdheere ee isla gobolka Bay.

6/22/2013 3:41 PM EST
Sabti, Juun 22, 2013 (HOL) — Wasiirka warfaafinta, boostada iyo gaadiidka xukuumadda Soomaaliya, C/llaahi Ciilmooge Xirsi ayaa maanta sheegay in dib loo furayo 26-ka bisha Juun ee sanadkan oo ku beegan markii gobollada waqooyi ee dalka ay ka xoroobeen gumeystihii Ingiriiska in dib loo furi doono boosatadii weynayd ee dowladda.

6/22/2013 12:53 PM EST
Sabti, Juun 22, 2013 (HOL) — Ciidamada Midowga Afrika (AMISOM) ee ku sugan magaalada Kismaayo ee xarunta gobolka Jubbada Hoose ayaa maanta qarxiyay Miino lagu aasay mid ka mid ah wadooyinka muhiimka ah ee dhexmara magaaladaas.

6/22/2013 11:14 AM EST
Sabti, Juun 22, 2013 (HOL) — Hay’adaha muslimiinta dalka Mareykanka oo qoraal u diray ra’iisul wasaaraha dalka Turkiga, Recep Tayyip Erdogan ayaa uga mahadceliyay taageerada joogtada ah ee uu siiyo qoxootiga ku nool dalalka Islaamka iyo kuwa kale ee caalamka.

6/22/2013 11:13 AM EST
Sabti, Juun 22, 2013 (HOL) — Beeraleyda ku nool deegaannada hoos-yimaada degmada Baydhabo ee gobolka Bay ayaa ka cabanaya cudurro iyo cayayaan waxyeelleeyay dalaggoodii, iyadoo la soo sheegayo in dalaggii beeraha ee sannadkan siiba Masagada ay baabi’iyeen cudurro iyo cayayaan.

6/22/2013 10:45 AM EST
Sabti, Juun 22, 2013 (HOL) — Madaxweynaha Somaliland, Axmed Maxamed Maxamuud Siillaanyo ayaa maanta qasriga madaxtooyadda ku qaabilay labadda gobol ee ku kala guulaystay koobka kubadda cagta iyo koobka kubadda Gacanta ee basketka looyaqaan.

6/22/2013 9:28 AM EST
Sabti, Juun 22, 2013 (HOL) — Guddiga qaban-qaabada munaasabadaha 26-ka Juun iyo 01-da Luuliyo ee maalmaha xorriyadda dalka ayaa maanta ku yeeshay Muqdisho shir ay kaga hadlayeen qaabkii loo wajihi lahaa dabaal-dagyadan lagu weynaynayo maalmaha xorriyadda dalka.

6/22/2013 9:24 AM EST
Sabti, Juun 22, 2013 (HOL) — Guddoomiyaha Baarlamaanka Soomaaliya, Maxamed Sheekh Cismaan (Jawaari) oo maanta ka hadlayay kulankii ay yeesheen xildhibaannada baarlamaanka Soomaaliya ayaa soo jeediyay in xildhibaannadu ay ka doodaan laba qodob oo midkood uu yahay sidii lagu sameysan lahaa xisbiyo siyaasadeed.

6/22/2013 8:56 AM EST
Sabti, Juun 22, 2013 (HOL) — Taliyaba Booliska Somaliland Gen:Cabdilaahi Imaan Fadal, ayaa sheegay inay soo qabqabteen dad lagu tuhmayo inay dhowaan laba dumar ah ku dileen magaaladda Hargeysa iyo dad kale oo ah dad caruurta tahriibiya ah.

6/22/2013 8:54 AM EST
Sabti, Juun 22, 2013 (HOL) — Kulan lagu cambaareynayay qaraxii Arbacadii ka dhacay Xarunta UNDP ee magaalada Muqdisho ayaa maanta ka dhacay hoteelka Global ee magaalada Muqdisho, kaasoo ay ka qeyb-galeen qaar ka mid ah culummada Soomaaliyeed, kuwaasoo hadallo ka jeediyay kulanka oo ay soo qabanqaabisay hay’adda wada-hadalka bulshada ee CCD.

6/22/2013 8:17 AM EST
Sabti, Juun 22, 2013 (HOL) — Madaxweynaha Koofurta Afrika, Jacob Zuma oo ka hadlay dilalka waddankiisa loogu geysto dadka ajaanibta ah ee ku nool oo ay Soomaalidu ka mid tahay, isagoo sheegay in weerarrada lala beegsado dadkaas ay xal u raadinayaan.

6/22/2013 8:01 AM EST
Sabti, Juun 22, 2013 (HOL) — Baarlamaanka Puntland oo xilligan uu magaalada Garoowe uga socdo kal-fadhigoodii 30-aad, ayaa dib u dhigay meelmarinta Maxkamadda Dastuuriga ah, taasoo ay dhowrkii maalmood ee uu ugu danbeeyey ay ka doodayeen.

6/22/2013 7:56 AM EST
Sabti, Juun 22, 2013 (HOL) — Lix dagaalyahan oo ka tirsan Al-shabaab ayaa lagu dilay dagaal xoogag kawada tirsan kooxdan ku dhexmaray degmada Baraawe ee gobolka Shabeellada hoose, sida ay warbaahinta caalamka ka soo xigatay goobjoogayaal ku sugan degmadaas.

6/22/2013 5:34 AM EST
Sabti, Juun 22, 2013 (HOL) — Ku dhawaaw toban dukaan oo intooda badan ay lahaayeen ganacsato Soomaaliyeed ayaa lagu boobay sadexdii maalmood ee lasoo dhaafay xaafadda Kraafontein ee ku taalla duleedka magaalada Cape Town ee dalka Koonfur Afrika.

6/22/2013 5:14 AM EST
Sabti, Juun 22, 2013 (HOL) — Waxaa magaalada Hargeysa shalay kusoo gaba-gaboobay kulan diimeed ay ka soo qaybgaleen muslimiin lagu qiyaasay shan iyo toban kun oo qof, kuwaas oo ka kala yimid shanta qaaradood ee aduunyada iyo guud ahaan goboladda ay soomaaliddu ka degto geeska afrika.

6/22/2013 5:11 AM EST
Sabti, Juun 22, 2013 (HOL) — Gobolka Maroodi jeex ayaa ku guuleysatay Jimcihii shalay ciyaarihii gobollada Somaliland, kaddib markii ay kooxdii ka socotay gobolka Hawd ay kaga badiyeen hal gool oo keliya.