3/29/2024
Today from Hiiraan Online:  _
Wararka Maanta- Sabti, Jun 22, 2013
Dagaalyahanno ka Tirsan Al-shabaab oo lagu Dilay Iskahorimaad ka dhacay Degmada Baraawe ee Koonfurt Soomaaliya

Sabti, Juun 22, 2013 (HOL) — Lix dagaalyahan oo ka tirsan Al-shabaab ayaa lagu dilay dagaal xoogag kawada tirsan kooxdan ku dhexmaray degmada Baraawe ee gobolka Shabeellada hoose, sida ay warbaahinta caalamka ka soo xigatay goobjoogayaal ku sugan degmadaas.

Dagaalkan oo dhacay Khamiistii lasoo dhaafay ayaa wuxuu salka ku hayay kala fikir duwanaasho soo dhexgashay mas’uuliyiinta kooxdan, iyadoo dadka ku dhintay la sheegay inay lab aka mid ah ahaayeen shisheeye la safnaa Al-shabaab.

Xarakada Al-shababa ayaa Arbacadii lasoo dhaafay ku dilay Muqdisho dad ay ku jireen shaqaale ajnabi ah oo u shaqeynayay hay’adda UNDP iyo dad kale oo Soomaaliyeed oo ay ku jireen ilaaladii xaruntaas, kaddib markii ay weerar ku qaadeen xaruntaas.

“Baraawe waxaa ka dhacay dagaal culus oo u dhexeeya Al-shabaab, wuxuu saameyn ku yeeshay dadka deegaanka, waxaana halkaas ku dhintay lix qof oo labadii dhinac ee dagaalamayay ka tirsan, kuwaasoo laba ahaayeen ajnabi la safnaa Al-shabaab,” ayuu yiri goobjooge u warramay warbaahinta calaamka.

Mas’uuliyiinta Al-shabaab weli kama aysan hadlin dagaalkaas iyo sida uu u dhacay, balse wararka ayaa waxay sheegayaan inay weli jiraan xiisado xooggan oo labadii dhinac ee dagaalamay u dhexeysa.

Ilo wareedyo kale oo ku sugan Baraawe ayaa iyaguna sheegay in dagaalka uu u dhexeeyay xubno ay ka mid yihiin, Sheekh Xasan Daahir Aweys oo ka mid ah saraakiisha ururkan iyo hoggaamiyaha ururka Sheekh Mukhtaar C/raxmaan Abuu-Zubeyr, iyadoo la sheegay in kooxda Xasan Daahir ay doonayeen inay sameystaan urur u madaxbannaan.

Dhawaan ayay ahayd markii Cumar Xamaami oo ka mid ah saraakiisha Al-Shabaab ee ajnabiga ah uu sheegay in lagu dhaawacay weerar ay kooxo ka tirsan Al-shabaab kusoo qaadeen, uuna baqdin ka qabo in la dilo.

Tan iyo sannadkii 2011 waxaa Al-shabaab iyo ciidamada dowladda oo gacan ka helaya kuwa AMISOM ay dagaallo ku dhexmarayeen deegaanno ka tirsan gobollada Koonfurta iyo bartamaha Soomaaliya, kuwaasoo fududeeyay in Al-shabaab dhul ballaaran laga qabsado.

Madaxweynaha Soomaaliya, Xasan Sheekh Maxamuud oo hadlayay kaddib weerarkii Arbacadii lagu qaaday xarunta UNDP ee Muqdisho ayaa sheegay in Al-shabaab ay dhibaato ku hayaan shacabka Soomaaliyeed, balse aysan ka leexin karin howlahooda nabadeed.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/22/2013 3:57 PM EST
Sabti, Juun 22, 2013 (HOL) — Xoogag taabacsan Al-shabaab ayaa caawa weeraray fariisin ay ciidamada dowladdu ku lahaayeen suuqa xoolaha lagu iibiyo ee magaalada Baydhabo, kaasoo socday muddo saacad ah, iyadoo sidoo kale uu maanta qarax weyn oo khasaare geystay ka dhacay degmada Qansaxdheere ee isla gobolka Bay.

6/22/2013 3:41 PM EST
Sabti, Juun 22, 2013 (HOL) — Wasiirka warfaafinta, boostada iyo gaadiidka xukuumadda Soomaaliya, C/llaahi Ciilmooge Xirsi ayaa maanta sheegay in dib loo furayo 26-ka bisha Juun ee sanadkan oo ku beegan markii gobollada waqooyi ee dalka ay ka xoroobeen gumeystihii Ingiriiska in dib loo furi doono boosatadii weynayd ee dowladda.

6/22/2013 12:53 PM EST
Sabti, Juun 22, 2013 (HOL) — Ciidamada Midowga Afrika (AMISOM) ee ku sugan magaalada Kismaayo ee xarunta gobolka Jubbada Hoose ayaa maanta qarxiyay Miino lagu aasay mid ka mid ah wadooyinka muhiimka ah ee dhexmara magaaladaas.

6/22/2013 11:14 AM EST
Sabti, Juun 22, 2013 (HOL) — Hay’adaha muslimiinta dalka Mareykanka oo qoraal u diray ra’iisul wasaaraha dalka Turkiga, Recep Tayyip Erdogan ayaa uga mahadceliyay taageerada joogtada ah ee uu siiyo qoxootiga ku nool dalalka Islaamka iyo kuwa kale ee caalamka.

6/22/2013 11:13 AM EST
Sabti, Juun 22, 2013 (HOL) — Beeraleyda ku nool deegaannada hoos-yimaada degmada Baydhabo ee gobolka Bay ayaa ka cabanaya cudurro iyo cayayaan waxyeelleeyay dalaggoodii, iyadoo la soo sheegayo in dalaggii beeraha ee sannadkan siiba Masagada ay baabi’iyeen cudurro iyo cayayaan.

6/22/2013 10:45 AM EST
Sabti, Juun 22, 2013 (HOL) — Madaxweynaha Somaliland, Axmed Maxamed Maxamuud Siillaanyo ayaa maanta qasriga madaxtooyadda ku qaabilay labadda gobol ee ku kala guulaystay koobka kubadda cagta iyo koobka kubadda Gacanta ee basketka looyaqaan.

6/22/2013 9:28 AM EST
Sabti, Juun 22, 2013 (HOL) — Guddiga qaban-qaabada munaasabadaha 26-ka Juun iyo 01-da Luuliyo ee maalmaha xorriyadda dalka ayaa maanta ku yeeshay Muqdisho shir ay kaga hadlayeen qaabkii loo wajihi lahaa dabaal-dagyadan lagu weynaynayo maalmaha xorriyadda dalka.

6/22/2013 9:24 AM EST
Sabti, Juun 22, 2013 (HOL) — Guddoomiyaha Baarlamaanka Soomaaliya, Maxamed Sheekh Cismaan (Jawaari) oo maanta ka hadlayay kulankii ay yeesheen xildhibaannada baarlamaanka Soomaaliya ayaa soo jeediyay in xildhibaannadu ay ka doodaan laba qodob oo midkood uu yahay sidii lagu sameysan lahaa xisbiyo siyaasadeed.

6/22/2013 8:56 AM EST
Sabti, Juun 22, 2013 (HOL) — Taliyaba Booliska Somaliland Gen:Cabdilaahi Imaan Fadal, ayaa sheegay inay soo qabqabteen dad lagu tuhmayo inay dhowaan laba dumar ah ku dileen magaaladda Hargeysa iyo dad kale oo ah dad caruurta tahriibiya ah.

6/22/2013 8:54 AM EST
Sabti, Juun 22, 2013 (HOL) — Kulan lagu cambaareynayay qaraxii Arbacadii ka dhacay Xarunta UNDP ee magaalada Muqdisho ayaa maanta ka dhacay hoteelka Global ee magaalada Muqdisho, kaasoo ay ka qeyb-galeen qaar ka mid ah culummada Soomaaliyeed, kuwaasoo hadallo ka jeediyay kulanka oo ay soo qabanqaabisay hay’adda wada-hadalka bulshada ee CCD.

6/22/2013 8:17 AM EST
Sabti, Juun 22, 2013 (HOL) — Madaxweynaha Koofurta Afrika, Jacob Zuma oo ka hadlay dilalka waddankiisa loogu geysto dadka ajaanibta ah ee ku nool oo ay Soomaalidu ka mid tahay, isagoo sheegay in weerarrada lala beegsado dadkaas ay xal u raadinayaan.

6/22/2013 8:01 AM EST
Sabti, Juun 22, 2013 (HOL) — Baarlamaanka Puntland oo xilligan uu magaalada Garoowe uga socdo kal-fadhigoodii 30-aad, ayaa dib u dhigay meelmarinta Maxkamadda Dastuuriga ah, taasoo ay dhowrkii maalmood ee uu ugu danbeeyey ay ka doodayeen.

6/22/2013 7:28 AM EST
Sabti, Juun 22, 2013 (HOL) — Ciidamada booliiska magaalada Boorama ee gobolka Awda ayaa xabsiga dhigay odayaal iyo aqoonyahanno kasoo jeeda deegaanka Xariirad oo ka tirsan gobolka Awdal ee Somaliland.

6/22/2013 5:34 AM EST
Sabti, Juun 22, 2013 (HOL) — Ku dhawaaw toban dukaan oo intooda badan ay lahaayeen ganacsato Soomaaliyeed ayaa lagu boobay sadexdii maalmood ee lasoo dhaafay xaafadda Kraafontein ee ku taalla duleedka magaalada Cape Town ee dalka Koonfur Afrika.

6/22/2013 5:14 AM EST
Sabti, Juun 22, 2013 (HOL) — Waxaa magaalada Hargeysa shalay kusoo gaba-gaboobay kulan diimeed ay ka soo qaybgaleen muslimiin lagu qiyaasay shan iyo toban kun oo qof, kuwaas oo ka kala yimid shanta qaaradood ee aduunyada iyo guud ahaan goboladda ay soomaaliddu ka degto geeska afrika.

6/22/2013 5:11 AM EST
Sabti, Juun 22, 2013 (HOL) — Gobolka Maroodi jeex ayaa ku guuleysatay Jimcihii shalay ciyaarihii gobollada Somaliland, kaddib markii ay kooxdii ka socotay gobolka Hawd ay kaga badiyeen hal gool oo keliya.