3/28/2024
Today from Hiiraan Online:  _
Wararka Maanta- Axad, July 7 , 2019
Dowladda oo ku amartay hay'adaha caalamiga ah inay adeegsadaan magaca rasmiga ah ee garoonka diyaaradaha Muqdisho

Axad, July, 07, (HOL)– Dowladda Soomaaliya ayaa ku wargelisay dhammaan hay'adaha caalamiga ah ee deggan magaalada Muqdisho inay adeegsadaan magaca garoonka diyaaradaha Aadan Cadde ee magaalada Muqdisho.

Qoraal loo diray xafiisyada Qaramada Midoobey, Midowga Yurub, AMISOM, safaaradaha , sharikadaha duullimaadka iyo dhamaan hay’adaha kale oo warbaahinta gudaha ay aragtay ayaa lagu amray in la adeegsado magaca uu sito garoonka diyaaradaha ee ah Aadan Cadde, arrintaa oo la sheegay in lagu maamusayo madaxweynihii u horreeyay ee dalka ,AUN Aadan Cabdulle Cismaan.

Hay'adaha ayaa inta badan u adeegsada garoonka caalamiga ah ee Muqdisho, taas oo ay hadda mamnuucday dowladda Soomaaliya,iyadoo warqada wargelinta ee hay'adaha loo diray ay ka soo baxday xafiiska Wasiirka Gaadiidka iyo duulista Hawada Soomaaliya Maxamed Cabdullahi Salaad Oomaar.

Waxaa si deg deg ah lagu wargeliyay dhammaan hay'adaha in sida ugu dhaqsiyaha badan u beddelaan magaca Garoonka Caalamiga ah ee Muqdisho oo wali ku jira warqadaha rasmiga ee la isu diro.

Iman Mohamed Jama, Hiiraan Online
[email protected]

 











Click here
7/7/2019 12:50 PM EST
Axad, July, 07, (HOL)– Baarlamaanka Puntland oo maanta kulan ku yeeshay xarunta golaha wakiillada ee magaalada Garoowe ayaa soo gabagabeeyay dood ay ka lahaayeen xisaab xirka misaaniyadda 2018kii oo golaha la hor keenay 30kii bishii hore ee Jun 2019ka.

7/7/2019 11:09 AM EST
Axad, July, 07, (HOL)– Wasaaradda arrimaha gudaha ,federaalka iyo dimuqradiyeynta Puntland ayaa warsaxaafadeed ka soo baxay waxaa dowladda federaalka loogu baaqay inay farogelinta laga joojiyo doorashooyinka ka dhacaya dowlad-gobolleedyada Galmudug iyo Jubbaland.

7/7/2019 10:52 AM EST
Axad, Luulyo, 7, 2019 (HOL)- Dadweynaha reer Somaliland ayaa si balaadhan usoo dhoweeyey weftigii madaxweynaha Somaliland Muuse Biixi Cabdi oo safar shaqo ugu maqnaa galbeedka Afrika gaar ahaan jamhuuriyadda Ginni Konakori.

7/7/2019 10:45 AM EST
Axad, July, 07, (HOL)– Madaxweynaha Soomaaliya, Maxamed Cabdullaahi Farmaajo ayaa Madaxtooyada ku qaabilay U Qeybsanaha dhanka Taageerada Hawlgallada ee Xoghaya Guud ee Qaramada Midoobey Mudane Atul Khare.

7/7/2019 6:00 AM EST
Axad, July, 07, (HOL)– Booliska Galmudug ee koonfurta magaalada Gaalkacyo ayaa maanta soo bandhigay haweeney sida ragga u labisan oo muddo isku ekeysiinaysay inay rag tahay.

7/7/2019 5:49 AM EST
Axad, July, 07, (HOL)– Gabar da'yar ah ayaa lagu dilay deegaanka Godinlane oo ka tirsan gobolka Galgaduud , sida ay ku warrantay warbaahinta gudaha.

7/7/2019 5:38 AM EST
Axad, July, 07, (HOL)– Ugu yaraan 12 qof ayaa ku geeriyooday in ka badan 179 kalana waa ay ku dhaawacmeen ,kaddib qarax gaari oo ka dhacay gobolka Ghazni ee dalka Afghanistan, sida laga soo xigtay mas'uuliyiinta.

7/7/2019 5:26 AM EST
Axad, July, 07, (HOL)– Madaxweynaha Jubbaland , Axmed Maxamed Islaam ayaa maanta ka qaybgalay maalinka koobaad ee furitaanka Bandhiga Carwada Buugaagta ee Kismaayo.

7/7/2019 5:20 AM EST
Axad, July, 07, (HOL)– Dowladda Iiraan ayaa lagu wadaa inay kordhiso xadiga bacriminta Uraniumka ee dalkaasi loo ogolaaday heshiiskii Nuclearka ee uu la galay waddamada Yurub iyo Mareykanka, taasi oo loogu fududeeyey shidaalka ay u iibgayn jirtay caalamka.

7/7/2019 5:01 AM EST
Axad, July, 07, (HOL)– Dowlad-gobolleedka Jubbaland ayaa ka soo horjeesatay go'aamo ka soo baxay wasaaradda arrimaha gudaha Federaalka oo la xiriiray doorashooyinka ka dhacaya maamulka.

7/7/2019 2:16 AM EST
Axad, July, 07,(HOL)– Ninkan dhalinyarrada ah ee Soomaaliyeed ayaa lagu soo waramayaa in burcad koonfur Africaan ah ku dileen xalay deegaanka lagu magacaabo Naas ee Gobolka Mpumalanga.

7/7/2019 1:47 AM EST
Axad, July, 07, (HOL)–Shirkadda diyaaradaha Uganda Airlines ayaa lagu wadaa in duulimaad toos ah ay ka bilaawdo garoonka diyaaradaha Aadan Cadde ee magaalada Muqdisho 01 bisha Augusto ee sanadkan sida uu Hiiraan Online u xaqiijiyay agaasimaha Waaxda Duulista Hawada Soomaaliya Axmed Macalin Xassan.