Ganacsatadda alaabta kala soo dega Dekadda Berbera oo cabasho ka muujiyey shirkadda DP Wolrd
Axad, September,10, 2017 (HOL)-
Ganacsatadda waaweyn ee dekadda Berbera kala soo dega alaabta ayaa sheegay in
shirkadda DP World shaqo xumo ka waddo dekadda,isla markaana iyadu shaqo joojin
ku samaynayso ganacsatadda ka adeegta dekadda.
Ganacsatadan ayaa sheegay in
shirkada DP World ku soo rogtay dekadda in qofka ka adeeganaya uu soo xidho qalabkii
badbaadadda oo ay ka mid yihiin koofiyad bir ah iyo kabo waaweyn, haseyeeshee
ganacsatadu waxay ku doodeen in aanay iyagu ahayn shaqaale dekadda balse ay
xafiisyadoodda ka shaqaynayaan taasna aan waajib loogu lahayn inay qalabkaasi
xidhaan.
Sidoo kale, ganacsataddani waxay
ku eedeeyey shirkadda DP World inay maraakiibta cago jiid kaga dajinayso
alaabta oo halkii barigii hore toddobaad alaabta lagaga dajin jiray Markabka ay
hadda kaga dajiyaan laba bilood taas oo shaqo xumo ah.
“Waxa la inagu xidhay shuruudo adag in koofiyad adag la xidho iyo kabo waaweyn la
xidho, waxaasina wax suurogal ah maaha,waayo ma nihin shaqaalihii dekadda ee
xafiisyo ka shaqaynaa, waxa kaliya ee nala waydiin kara waa kaadh aqoonsi oo
kaliya”ayuu yidhi mid ka mid ah ganacstadda ka hadashay caqabada soo kala dhexgallay
iyaga iyo shirkadda DP world.
“Maraakiibta toddobaad ama toban
csiho ayaa alaabta lagaga dajin jiray, imika laba bilood ayuu markabku ku
xidhnaanaya dekadda waana shaqo xumo ka jirta dekadda”ayuu ganacsade kale ku
dooday.
Si kastaba ha ahaatee, waxa isa
soo taraya cabashadda ganacstadda Somaliland ka tirsanayaan maamulka shirkadda
Dp Wolrd oo la wareegtay maamulka dekadda, taas oo illaa hadda aan waxba laga
qaban.
Barkhad-ladiif M. Cumar,
Hiiraan Online
[email protected]
Hargeysa, Somaliland.