3/29/2024
Today from Hiiraan Online:  _
Wararka Maanta- Axad, Sept 10, 2017
Jabhadda Muslimiinta Rohingya oo iskeeda ugu dhawaaqday in ay xabbad joojisay, baaqna u dirtay dowladda

 
Axad, September, 10, 2017 (HOL) –Warbaahinta gudaha dalka Myanmar, ayaa maanta wariyay in Jabhadda Muslimiinta Rohingya ee ka dagaallanta gudaha dalka Myanmar ay iskeed ugu dhawaaqday xabbad joojin.

Warbaahinta ayaa sidoo kale sheegtay in xabad-joojintaasi ay dhaqan-gelleyso maanta oo Axad ah, waxaana ay ugu baaqeen dowladda in ay qaataan xabad-joojinta,  si gargaar bani'aadannimo la gaarsiiyo galbeedka fog ee dalkaasi.

Jabhadda oo lagu magacaabo Arakan Rohingya Salvation Arm ayaa laba todobaad ka hor weerar ku qaaday ilaa 30 saldhig oo ay leeyihiin booliska iyo milateriga Myanmar, waxaana sidaa ku bilowday colaadda hadda ka taagay gobolka Rakhine.

Ku dhawaad 300 oo kun oo ah Muslimiinta Rohingya ayaa ka soo qaxay Myanmar labadii todobaad ee ugu danbeeyay. 

Win Myat Aye oo ah wasiirka dib u dajinta ayaa sheegay in ay dowlada ogolaan doonto oo kali ah in ay soo laabtaan dadka ku noolaa Myanmar islamarkana haysyta dhalashada dalkaasi.

Arrintani ayaa waxa ay micnaheedu tahay in ay kooban tahay tirada ku soo laaban karta Myanmar maadaama inta badan dadka Rohingya loo diiday dhalashada iyo muwaadinimada Myanmar.

Hiiraan Online,
Hassan Istiila
[email protected]
Mogadishu,Somalia













Click here
9/10/2017 10:40 AM EST
Axad, September 10, 2017 (HOL) –Madaxweynaha Somaliland Axmed Maxamed Siilaanyo ayaa isku bedel ku sameeyey qaar ka mid ah hay’adaha dawladda, waxaanu isku bedelay Badhasaabkii gobolka Awdal iyo badhaasabka gobolka Maroodi jeex.

9/10/2017 10:02 AM EST
Axad, September,10, 2017 (HOL)- Ganacsatadda waaweyn ee dekadda Berbera kala soo dega alaabta ayaa sheegay in shirkadda DP World shaqo xumo ka waddo dekadda,isla markaana iyadu shaqo joojin ku samaynayso ganacsatadda ka adeegta dekadda.

9/10/2017 8:27 AM EST
Axad, September, 10, 2017 (HOL) -Magaalladda Muqdishu waxaa shalay lagu qabtay munaasabad ballaaran oo ay kasoo qeyb-galeen macalimiin iyo aqoonyahano, taas oo lagu dhiira-gelinayay dhaqaatiir dhallinyara ah oo dhawaan ka shaqa bilaabay Isbitaalka Erdogan (Ex-Digfeer).

9/10/2017 8:06 AM EST
Axad, September, 10, 2017 (HOL)-- Safiirka dowladda Ingiirska U fadhiya Soomaaliya David Concar oo saaka soo gaaray magaalada Kismaayo ayaa kulan la qaatay madaxda ugu sareeysa ee Jubaland oo ay ka wada hadleen arimo kala duwan oo quseeya amniga iyo horumarka.

9/10/2017 6:15 AM EST
Axad, September, 10, 2017 (HOL)-- Qaraxa oo ahaa mid uu fuliyay qof Ismiidaamiye ah ayaa lagu beegsaday maqaaxi inta badan dadka shacab ah ay fariistaan oo ku dhaw xarunta maamulka gobolka Hiiraan.

9/10/2017 5:37 AM EST
Axad, September, 10, 2017 (HOL) --Qaar kamid ah Ganacsatada Soomaaliyeed ee ku nool magaalladda Dubai ee dalka isu-tagga Imaaraadka carabta, oo shir jaraa’id ku qabtay magaalladda Boosaaso ayaa sheegay in ay ka cabanayaan koox ay sheegeen in ay ka tirsanyihiin amniyaadka Dubai, kuwaas oo ku haya xad-gudubyo, sida ay hadalka u dhigeen.

9/10/2017 5:20 AM EST
Axad, September, 10, 2017 (HOL) -- Qof ismiidaamiye ah oo isku soo xiray walxaha qarxa ayaa goor dhaw weerar ku qaaday maqaaxi ku dhaw koontaroolka hore ee laga gallay xarunta maamulka gobolka Hiiraan ee magaalada Beledweyne.

9/10/2017 3:10 AM EST
Axad, September, 10, 2017 (HOL) –Guddoomiyaha Gobolka Banaadir ahna Duqa magaalladda Muqdishu Thaabit Cabdi Maxamed, ayaa maanta dhagax-dhigay waddada Jeneral Daa’ud ee dhexmarta Degmooyinka Boondheere iyo Warta Nabadda.

9/10/2017 1:39 AM EST
Axad, September, 10, 2017 (HOL) –Dableey hubeysan ayaa xalay dil iyo dhaawac ka geystay degmooyinka Hodan iyo Boondheere ee Magaalladda Muqdisho, sida dadka deegaanka ay sheegeen.

9/10/2017 1:09 AM EST
Axad, September, 10, 2017 (HOL) –Dagaalyahannada kooxda Al Shabaab ayaa soo bandhigay hub iyo gaadiid nooca dagaalka ah oo ay sheegeen in ay ku qabsadeen dagaal todobaadkii hore ka dhacay deegaanka Buul-Gaduud ee dulleedka Magaallada Kismaayo.

9/10/2017 12:51 AM EST
Axad, September, 10, 2017 (HOL) –Xildhibaan Axmed Diiriye Nacnac oo ka tirsan Baarlamaanka Somaliland ayaa sheegay inay wadaan mooshin ay ku ansixinayaan sidii ciidamo loogu diri lahaa Muslimiinta Rohingya si ay u difaacaan, waxaa uuna Madaxweynaha Turkiga ka dalbaday inay usoo diraan diyaaraddo lagu qaado ciidankaasi.

9/10/2017 12:38 AM EST
Axad, September, 10, 2017 (HOL) –Madaxweynaha Jamhuuriyadda Faderaalka Soomaaliya Mudane Maxamed Cabdullaahi Farmaajo, ayaa sheegay in ciidanka Soomaaliya ay yihiin geesiyaal sooma-jeestayaal ah.

9/10/2017 12:20 AM EST
Axad, September, 10, 2017 (HOL) –Ciidamada dowladda Suuriya ayaa saacadihii lasoo dhaafay dib ula wareegay gacan ku heynta saldhig ay lahayeen ciidamada cirka ee dalkaasi oo ku yaalla dulleedka Magaalladda Deir ez-Zour.