3/28/2024
Today from Hiiraan Online:  _
Wararka Maanta- Talaado, Aug 22, 2017
Maxkamadda Ciidamada oo xukun dil ah ku riday laba nin loo haystay in ay dileen mid ka mid ahaa Ergadii soo dooratay Xildhibaanada BFS

 

Talaado, Augusto, 22, 2017 (HOL)- Maxkamadda Darajada 1-aad ee Ciidamada Qalabka Sida ee Soomaaliya ayaa maanta xukun dil toogasha ah ku riday laba eedeysane oo loo heysto in ay dil geysteen.

Xasan Cali Xasan Keerow 23 jir ah iyo C/raxmaan Ciise Cali Fiidow 20 jir ah, oo lagu riday xukunka ayaa loo haystay in ay dileen Allaha U naxariiste Suldaan Hilowle Xeefow Xuseen, oo ka mid ahaa Ergadii soo dooratay Xildhibaanada Dowlada Federaalka Somaliya, sida uu sheegay Xasan Cabdiraxmaan Aadan (Wabiyow) oo ka mid ah Garsoorayaasha Maxkamadda darajada 1-aad ee Ciidamada Qalabka Sida.

Halkan ka aqriso hadalkii Maxkamadda laga aqriyay. 

Ujeedo:- Xukun Maxkamadeed. 

Taariikhdu markay ahayd 21/08/2017, Maxkamadda Darajada 1-aad Ciidamada Qalabka Sida waxay u fariisatay Dacwad Ciqaabeedkii loo haystay Eedaysanayaasha kala ah :-

1) Xasan Cali Xasan Keerow 23 jir ah ina Edebo Xasan Ibraahin ku dhashay Bakool.

2) C/raxmaan Ciise Cali Fiidow 20 jir ah ina Shukri Sheekh Siyaad ku dhashay Xamar degan Dayniile , Kuwaas oo Xafiiska Xeer Ilaalinta Ciidamada Qalabka Sida ku soo eedeeyey dambiyada kala ah in ay ka tirsan yihiin ururk Al-shabaab gaar ahaan qaybta fulisa dilalka gaadmada ah, Sidoo kale eedaysanayaasha waxaa lagu soo eedeeyay in ay dileen 02/11/2016 Marxuum Nabadoon Hilowle Xeefow Xuseen isla goobta ay dilka ku gaysteena ay ciidanka amniga degmada wadajir ku qabteen iyadoo lagu soo qabtay hubkii ay dilka ku gaysteen oo ah labo bastoolad makaarof ah iyo hal bambo. 

DOOD DHEER KADDIB MAXKAMADDA.

Markay aragtay Qiraalka eedaysanayaasha kala ah Xasan Cali Xasan Keerow iyo C/raxmaan Ciise Cali Fiidow ay ka hor qirteen garsoorka ciidanka hortiisa kuna cadeeyeen in ay ka tirsan yihiin ururka Al-Shabab qaybta fulisa dilalka gaadmada ah isla markaana ay iska soo raaceen labadooda Degmada Dayniile iyagoo imaaday banaanka masaajid ku yaallo Degmada Wadajir oo uu nabadoonka ku dukan jiray si ay ugu dilaan halkaas marka la gaaro xiliga salaada, markii uu dilku dhacayna ay ku soo baxeen ciidanka amniga sidaasna lagu qabtay labadoodaba, iyagoo ku hubaysan hubkii ay dilka ku gaysteen oo ah 2 bastoolad iyo hal bambo.

Markay Dhagaysatay Markhaatiyaashii la hor keenay Maxkamadda mid midna ay u waydiisay marag furkooda, waxay ka hor cadeeyeen garsoorka hortiisa in ay la kulmeen labada eedaysane oo dilaya nin oday ah meel masaajidka u dhaw kadibna ay isku dayeen in ay ka baxsadaan goobta iyagoo xabada ku soo riday markii xabada lays waydaartayna ay iyagu dhaawacmeen sidaasna looga qaaday hubkii ay wateen laguna xiray. 

Markay aragtay Dambi muujinta la horkeenay maxkamada horteeda ay ka mid tahay Cadaymaha laga qoray markhaatiyaasha,qiraalada laga qoray eedaysanayaasha,warqada cadaynta dhimashada marxuumka,sawirka marxuumka iyo hubkii loo isticmaalay falka dilka ah oo ah labo bastoolad oo makaaroof ah iyo hal bambo.

Markay Dhagaysatay Doodii u dhaxaysay dhinacyada xeer-ilaalinta CQS iyo qareenada difaacayay eedaysanayaasha.

Sidaas darteed, Maxkamadda waxaa u caddaatay in:- 

1- C/raxmaan Ciise Cali Fiidow.

2-. Xasan Cali Xasan Keerow, ay wada yihiin bambiilayaal galay dembiyada lagu soo oogay waxayna ku wada xukuntay Dil Toogasho ah oo ah qisaasta marxuum Hilowle Xeefow Xuseen.

Ciddii aan ku qanacsanayn xukunka Maxkamadda waxaa u furan Racfaan.

Hiiraan Online,
Hassan Istiila
[email protected]
Mogadishu,Somalia













Click here
8/22/2017 2:29 PM EST
Talaado, Augusto, 22, 2017 (HOL) – Madaxweynaha dowladda Soomaaliya Maxamed Cabdullaahi Farmaajo oo galinkii danbe ee maanta dalka dib ugu soo laabtay ayaa sheegay in safarkii uu ku tagay dalka Masar ahaa mid miro dhal ah.

8/22/2017 11:10 AM EST
Talaado, Augusto, 22, 2017 (HOL) –Inta la og-yahay Afar ruux ayaa ku dhimatay tiro kalana waa ay ku dhaawacmeen dagaal mar kale maanta dhacay deegaanka Xeraale gobolka Galguduud ee bartamaha Soomaaliya.

8/22/2017 10:56 AM EST
Talaado, Augusto, 22, 2017 (HOL) – Wareegto ka soo baxday xafiiska ra’iisal wasaaraha xukuumada Soomaaliya Xassan Cali Kheyre ayaa lagu magacaabay wasiirka howlaha guud iyo dib-u-dhiska dowladda Soomaaliya oo noqonaya Saadiq Cabdullaahi Cabdi.

8/22/2017 9:48 AM EST
Talaado, August, 22, 2017 (HOL)-Wasiirka Dowladda Ingiriiska u qaabilsan Africa, Rory Stewart OBE MP, ayaa booqashadiisii ugu horreysay ku tagay Soomaaliya, isagoo laba maalin ku sugnaa Muqdisho iyo Hargeysa

8/22/2017 8:40 AM EST
Talaado, August, 22, 2017 (HOL)- Madaxweynaha Somaliland Axmed Maxamed Siilaanyo oo hawlo caafimaad u jooga wadanka Imaaraadka Carabta ayaa la sheegay in qaliin fudud lagu sameeyey,isla markaana laga saaray qabsin (Appendicitis).

8/22/2017 7:37 AM EST
Talaado, Augusto, 22, 2017 (HOL) – Warar dheeraad ah ayaa ka soo baxaya qarax lala eegtay kolanyo gadiid ah oo la socdeen ciidamada howlgalka midowga Africa AMISOM Ex Koontarool Balcad ee dulleedka magaalada Muqdisho.

8/22/2017 6:19 AM EST
Talaado, Augusto, 22, 2017 (HOL) – Xog-hayaha gaashaandhigga Mareykanka Jim Mattis ayaa maanta sheegay in maalmaha kooxda Daacish ay tirsamaan, isaga oo taxaddar ka muujiyey in ka adkaanshaha gebi ahaan kooxdaas ay tahay arrin aan hadda muuqan.

8/22/2017 3:33 AM EST
Talaado, August, 22, 2017 (HOL)- Golaha abwaannada Somaliland ee Mus-danbeed oo isku dayey inay xaliyaan muranka ka taagan golaha Wakiiladda ayaa sheegay in uu Baashe Maxamed Faarax gudoomiyaha golaha Wakiiladda oo ka mid ah labadda garab ee golaha isku hayaa diiday in arrinkoodda la dhexgallo oo wada hadal lagu dhameeyo muranka golaha ka taagan.

8/22/2017 3:11 AM EST
Talaado, Augusto, 22, 2017 (HOL)- Dagaalyahanno ka tirsan Al Shabaab ayaa xalay weerar ku qaaday deegaanka Gamba oo ka tirsan Gobalka Taanariifa ee dalka Kenya.

8/22/2017 2:52 AM EST
Talaado, Augusto, 22, 2017 (HOL)- Guddoomiyaha Baarlamaanka Maamulka Hirshabeelle ayaa sheegay in uu dhawaan ku dhawaaqi doono Gudiga doorashada Madaxweynaha ee maamulkaasi.

8/22/2017 2:23 AM EST
Talaado, Augusto, 22, 2017 (HOL)- Madaxweynaha Jamhuuriyadda Soomaaliya Mudane Max’ed C/llaahi Farmaajo, ayaa xalay la kulmay jaaliyadda Soomaaliyeed ee ku nool dalka Masar.

8/22/2017 2:07 AM EST
Talaado, Augusto, 22, 2017 (HOL)- Al Shabaab ayaa xalay tiro maddaafiic ah ku tuuray deegaanka Bariire ee gobolka Shabellaha Hoose, halkaasi oo Todobaadkan ay la wareegeen ciidamo huwan ah.

8/22/2017 1:55 AM EST
Talaado, Augusto, 22, 2017 (HOL)- Dagaal xooggan ayaa xalay mar kale waxaa uu ka dhacay degmadda Afgoye ee Gobolka Shabeellaha Hoose, sida dadka deegaanka ay sheegeen.

8/22/2017 1:46 AM EST
Talaado, Augusto, 22, 2017 (HOL)-Yuunis Abuu-Yacquub, oo looga shakisnaa in uu geystay weerarkii ka dhacay magaalladda Barcelona, ayaa waxaa toogtay ciidamada Police-ka ee dalkaasi.