Isniin, July 26, 2010 (HOL) - Ugu yaraan laba askari oo ka tirsan ciidamada Dowladda Soomaaliya waxaana ku dhaawacmay 7-qof oo ay ku jiraan dad shacab ah, kaddib markii laba qarax lagula eegtay xalay degmooyin ka tirsan Magaalada Muqdisho.
Qaraxyadan oo ahaa kuwo aan la ogeyn cidda ka dambeysa, isla markaana aysan jirin cid sheegatay ayaa waxay ka kala dhaceen Xaafado ka tirsan labadan degmo oo ay maamusho DOwladda Soomaaliya, dadka ku dhaawacmay qaraxyada la gaarsiiyay saakay Isbitaalka Madiina.
Degmada Wadajir oo uu ka dhacay qaraxii koowaad ayaa waxaa ku dhintay laba askari, waxaana ku dhaawacmay shan qof oo shacab ah, iyadoo qaraxii labaad oo ka dhacay Degmada Xamarjajab uu sababay dhaawaca 3-qof oo ay ku jiraan laba askari.
Howlgallo ay saakay ka sameeyeen ciidamada Dowladda degmooyinka qaraxyada lagula beegaday ayya kusoo qabqabteen dad rayid ah, waxaana dadka deegaanka qaarkood ay sheegeen inay walaac xooggan ka qabaan qaraxyada deegaannadooda kusoo laalaabtay.
Degmooyinka Xamarjajab iyo Wadajir ayaa waxay ka mid yihiin 6-da degmo ee ay gacanta kaga hayso Dowladda Soomaaliya Gobolka Banaadir, waxaana inta badan ka dhaca qaraxyo khasaare geysta, kuwaasoo lagu weeraro Mas'uuliyiinta Dowladda iyo ciidamada, waxaana qaarkood sheegta Xarrakatul Shababa.
Mas'uuliyiinta Dowladda Soomaaliya iyo kuwa Maamulka Gobolka Banaadir ayaan weli ka hadlin qaraxyada lala beegsaday ciidamada Dowladda Soomaaliya.
Maxamed Xaaji Xuseen, Hiiraan Online
[email protected]
Muqdisho, Soomaaliya
Qaraxyo khasaare geystay oo xalay lagu weeraray Ciidamo ka tirsan Dowladda Soomaaliya oo ku sugnaa degmooyinka Xamarjajab iyo Wadajir
More News
- Dowladda Soomaaliya oo ka hadashay suurtagalnimada in wax ka badal lagu sameeyo qorshaha howlgalka AMOSOM.
- Wafdigii ka Socday Maamulka Xarakada Alshabaab ee Jubooyinka oo kulan la qaatay Odoyaasha dhaqanka Deegaanka Dhoobley.
- Madaxwaynaha Puntland Oo Sheegay in Saraakiil Argagaxiso ah lagu Qabtay Dagaalkii Maanta Dhex Maray Dowlada Iyo Kooxo Islaamiyiin ah
- Maxaabiis falal Argagixiso u xidhnaa oo ka baxsaday Xabsiga Laascaanood
- Wefti heer Wasiir ah oo Jabuuti uga yimi inay ka qayb galaan xil-wareejinta Madaxtooyada Somaliland (DAAWO SAWIRRADA)
- Dagaal Dhimasho Iyo Dhaawac Sababay Oo Maanta Dhex Maray Ciidamo ka
- Xildhibaan Salaad Cali Jeelle oo sheegay in dadka diiddan ciidamo shisheeye oo dalka la keeno ay yihiin kuwo diidan Dowladda Soomaaliya
- Kooxo hubeysan oo dil ka geysatay Xaafada Islii ee Magaalada Nairobi
- Ururka Midowga Afrika oo ka dalbaday Dowladda Koonfur Afrika inay ciidamo nabad ilaalin ah u dirto dalka Soomaaliya
- Kooxo hubeysan oo dil ka geysatay Xaafada Islii ee Magaalada Nairobi.
- Wafdi uu hogaaminayo Gudoomiyaha Gobollada Jubooyinka ee xarakada Alshabaab oo Maaanta gaaray Deegaanka Dhoobleyley ee Gobolka J/hoose.
- Madaxweynaha Soomaaliya Sheekh Shariif iyo Ergayga cusub ee Qarammada Midoobay wakiil uga ah Soomaaliya oo kulan ku yeeshay Dalka Uganda