Madaxweynaha Somaliland, oo Kormeer kadis ah ku maray Miiska Saraakiisha iyo Madaarka Hargeysa

Talaado, March 04, 2008(HOL): Madaxweynaha Somailand Daahir  Rayaale Kaahin, ayaa  shalay kormeer kadis ah ku soo maray xarunta Miiska  Saraakiisha ciidanka  qaranka , ee Magaalada Hargeysa, iyo Madaark, waxana halkaasi ku qaabilay Taliyaha ciidanka Qaranka Somaliland, Gen Nuux Ismaciil Taani iyo Hoggaanada ciidankaasi.
 
Madaxweynaha Somaliland, oo kulan albaabadu u xidhan yihiin la yeeshay masuuliyiinta   ciidamada , waxa uu xubno ka tirsan Golaha   wasiirada  oo  l a socday    uu  ku amray inay ka baxaan oo   ay xafiis  yadoodii u shaqo tagaan, waxaa nu yidhi “Wasiirada waxaan  leeyahay waa  inaad  u shaqo tagtaan xafiisyadiina”.
 
Madaxweyne Rayaale, oo weriyeyaashii halkaasi  ugu  tagay la hadlayay waxa uu yidhi “Waaryaadhaheen qoladiinan Saxaafada iyo  kamara'daysteyaasha wa  xaan leeyahay  i daaya, maanta waxaan wakhtiga la qaadanayaa oo aan ka mid noqonayaa Ciidanka Qaranka”.
 
Wasiirradii  Madaxweyne Rayaale ku amray inay xafiisyadoodii u shaqo tagaan oo ay ka hadhaan waxay kala ahaayeen Wasiirada Madaxtooyada, Mudane Nuur Aamin  Ismaaciil, Warshadaha, Md Maxamed Saleebaan [Ina Saleebaan Weyne] iyo Macdanta, Md Qaasim Sh Yuusuf Ibraahim.
 
Sidoo kale , masuuliyiintii xarunta miiska saraakiisha laga soo celiyay  waxa ka   mid ahaa Maaareeyaha Guud ee Telifishinka  Qaranka, Maxamed Muuse Diiriye .
 
Madaxweynuhu waxa kale oo uu booqday Madaarka Magaalada Hargeysa Cigaal International Airport, halkaas oo uu kula kulmay Wasiirka duulista, hawada Cali Maxamed Warancade, isla la yeeshay kulan albaabadu u xidhanaayeen. 
 
Barkhad M. Kaariye Hiiraan Online
[email protected]
Hargeysa, Somaliland