Isniin, July, 08, 2019 (HOL)-Maxkamadda gobolka Maroodi jeex ayaa maanta xukun saddex sanno iyo lix bilood ku riday wariye Cabdimalik Muuse Coldoon oo muddaba ku xidhnaa xabsiga dhexe ee magaaladda Hargeysa.
Cabdimaalik Muuse Coldoon ayaa
lagu soo eedeeyey inuu Qaranka wax ka sheegay iyo dugsiga Abaarso oo
waalidiintooddu sheegeen in ardayda dhigata uu wax ka sheegay.
Haseyeeshee, looyaradii u doodaayey
Coldoon ayaa sheegay in aanu dugsigaasi Abaarso aanu wax dacwad ah soo
gaadhsin maxkamada, isla markaana aanu qof ka mid ah masuuliyiintaasi aanay
maxkamada ka soo xaadirin marka laga reebo waalidiin loo keenay maxkamada
horteena inay ku markhaati furaan inuu wax ka sheegay ardayda dhigata
dugsigaasi.
Garyaqaanada u doodayey Suxufiga
ayaa sheegay inay khalad tahay in dadka
lagu qabsado in la dhaliilo madaxweynaha, taas oo uu dastuurku damaanad qaadayo,
waxaanu ka hor imanaysaa xoritayulqawlka, waxaanay xuseen inay aan biil ka
qaateen xukunka.
Sidoo kale, ururka saxaafada
Somaliland ayaa cambaareeyey xukunkaasi, isla markaana sheegay in la ilaaliyo
xoriyatul qawlka oo qofku xor u yahay inuu dhaliili karo xukuumada.
Dhinaca kale, xalay waxa
warbaahinta ka hadlay waalidiinta dhalay ardayda dhigata dugsiga Abaarso oo
sheegay inuu ceebeeyey caruurtooda wariye Cabdimaalik Coldoon oo uu wax ka
sheegay, taas oo maxkamadaha iyo xukuumaddaba ka codsadeen in dambigaasi uu ka
gallay wax looga qabto.
Barkhad-ladiif M. Cumar, Hiiraan Online
[email protected]
Hargeysa, Somaliland.