3/29/2024
Today from Hiiraan Online:  _
Wararka Maanta- Isniin, July 8 , 2019
Afrika oo yeelaneysa Aag Ganacsi oo Xor ah

Isniin, July, 08, 2019 (HOL)-  Hoggaamiyeyaasha qaaradda Afrika ayaa muddo dheer kaddib waxaa laga fili karaa inay ku dhawaaqan Aag ganacsi oo xor ah , iyadoo heshiis aagga la xiriira laga sugayo inuu ka soo baxo shirka madaxda Afrika uga socda magaalada Niamey ee caasimadda dalka Niger.

Aagga ganacsi wuxuu mideyn doonaa 1 bilyan iyo 300 oo milyan oo qof oo ku nool Afrika, waxana uu abuuri doonaa fursado ganacsi oo gaaraya $3.4 trillion oo doollarka Mareykanka.

Mashruucan oo Afrika u furi doona bog cusub oo horumar dhaqaale ah, ayaa wada-hadalkiisu ay soo billowdeen 17 sannadood ka hor, hase yeeshee kaddib afar sanno oo wada-hadallo aad u adag oo ay dhammaan madaxda Afrika ka yeelanayeen ganacsiga xorta ah ee qaaradda ayay Axaddii shalay hoggaamiyeyaasha dhaqaajiyeen mashruucan ganacsi.

Madaxda Midowga  Afrika, Moussa Faki  ayaa furitaanki shirweynaha madaxda Afrika oo socon doona ilaa Isniinta maanta ah ka sheegay in maanta ay Afrikaa u tahay maalin taariikhi ah.

Madaxweynaha Masar ,Cabdilfarax Al Sisi oo hadda ah guddoomiyaha Midowga Afrika ayaa isna sheegay in indhaha caalamka oo dhan ay hadda soo eegayaan Afrika.

Dalka Eritria ayaa noqday dalka kaliyah ee aanan saxiixin heshiiska aagga ganacsiga xorta ah ee Afrika, hallka Nigeria oo ah dalka ugu dhaqaalaha weyn Africa uu shalay saxiixay.

Tallaabada ugu horreysay ee iskaashiga ganacsiga xorta ah ee Afrika ayaa ah in dalalka ay tuuraan ama aad u yareeyaan canshuuraha ay saari jireen badeecaha ay dalalka Afrika kala iibsadaan, laakin waxaanan wali lagu dhawaaqin waqtiga rasmiga ah ee uu billaaban doono barnaamijkan.

Aagga Ganacsiga xorta ah ee Afrika ayaa noqonaya kan ugu weyn caalamka, kaddib aas-aaskii hey’adda ganacsiga adduunka ee WTO oo la sameeyay sannadkii 1994-kii.

Iman Mohamed Jama, Hiiraan Online
[email protected]











Click here
7/8/2019 2:10 PM EST
Isniin, July, 08, 2019 (HOL)- Wafdi ballaaran oo uu hoggaaminayo, Guddoomiyaha golaha Shacabka Soomaaliya , Maxamed Mukhtaar Sheekh Cabdiraxmaan iyo wafdi uu hoggaaminayo ayaa maanta gaaray gaaray magaalada Xuddur ee xarunta gobolka Bakool.

7/8/2019 2:01 PM EST
Isniin, July, 08, 2019 (HOL)- Raiisul wasaare ku-xigeynka Soomaaliya, Mahdi Maxamed Guuleed (Khadar) ayaan maanta magaalada Muqdisho ka daah furay shirweynihii Shanaad ee dib u eegista waxbarashada Soomaaliya.

7/8/2019 1:56 PM EST
Isniin, July, 08, 2019 (HOL)- Baarlamaanka Soomaaliya ayaa maanta meelmariyay xeerka saxaafadda Soomaaliyeed, muddo ay ka dooddayeen xildhibaannada golaha shacabka.

7/8/2019 1:44 PM EST
Isniin, July, 08, 2019 (HOL)- Madaxweynaha Puntland , Siciid Cabdullaahi Deni ayaa xarunta madaxtooyadda ee Garoowe ku qaabilay Wakiilka Xoghayaha Guud ee Qaramada Midoobey uu dhowaan usoo magacaabay arrimaha Soomaaliya, Ambassador James Swan iyo Wafdi uu hogaaminayo oo ay ka midyihiin Madaxa Hay’adda OCHA Justin Brady, Madaxa WFP ee Soomaaliya Lauren Bukera iyo Masuuliyiin kale.

7/8/2019 1:06 PM EST
Isniin, July, 08, 2019 (HOL)- Ra’iisul Wasaaraha xukuumadda federaalka Soomaaliya ,Xasan Cali Khayre oo safar dhulka ah uga soo baxay magaalada Dhuusamareeb ee xarunta Galmudug oo dhawaanahaan uu ku sugnaa ayaa galabta soo gaaray magaalada Gaalkacyo ee Gobalka Mudug.

7/8/2019 12:35 PM EST
Isniin, July, 08, 2019 (HOL)- Wasiirka Shaqada iyo Arrimaha Bulshada xukuumadda federaalka ah ee Soomaaliya, Mudane Sadiiq Xirsi Warfaa ayaa Isniinta maanta xarunta wasaaradda ku qaabilay safiirka dowladda Turkiga u fadhiga Soomaaliya, mudane Mehmet Yılmaz.

7/8/2019 10:53 AM EST
Isniin, July, 08, 2019 (HOL)-Ku dhowaad labaatan ruux ayaa la sheegayaa in ay ku dhinteen 24kii saacadood ee la soo dhaafay dagaal ka dhacay degaanno kala duwan oo ka tirsan degmada Ceel-af-weyn ee gobolka Sanaag.

7/8/2019 8:46 AM EST
Isniin, July, 08, 2019 (HOL)-Maxkamadda gobolka Maroodi jeex ayaa maanta xukun saddex sanno iyo lix bilood ku riday wariye Cabdimalik Muuse Coldoon oo muddaba ku xidhnaa xabsiga dhexe ee magaaladda Hargeysa.

7/8/2019 4:41 AM EST
Isniin, July, 08, 2019 (HOL)- Habka bixinta Buugga Caafimaadka iyo Talaalka la siiyo dadka dibadda u baxaya ayaa maalmihii u dambeeyay waxaa ka taagnaa muran la xiriira cidda leh inay bixiso,iyadoo wasaaradda caafimaadka iyo maamulka gobolka Banaadir ay arrinta isku khilaafeen.

7/8/2019 3:00 AM EST
Isniin, July, 08, 2019 (HOL)- Gaari lagu soo xiray waxyaabaha qarxa ayaa ku qarxay bar koontarool oo ku taal meel ku dhow isgoyska Digfeer ee magaalada Muqdisho,sida ay sheegeen goobjoogayaal.

7/8/2019 1:59 AM EST
Isniin, July, 08, 2019 (HOL)- Madaxweynaha Puntland, Siciid Cabdullaahi Deni ayaa magacaabay Hanti-dhowrka Guud iyo Agaasimayaasha Bangiga iyo Wasaaradda Maaliyadda, sida ku cad wareegto xilli dambe oo xalay ah ka soo baxday xafiiska madaxweynaha.

7/8/2019 12:28 AM EST
Isniin, July, 08, 2019 (HOL)- Xarrakada Al-shabaab ayaa galinkii danbe ee maalintii shalay waxaa ay afar ruux ku toogteen meel fagaaro ah degmada Jamaame ee Gobolka Jubbada Hoose.