Khamiis, April, 04, 2019 (HOL)– Ganacsatada
xaafadda Eastleigh ee magaalada Nairobi ayaa go’aan ku gaaray in ay xiraan
dhamaanba goobaha ganacsiga xaafadda iyaga oo ka cabanaya canshuur xad dhaaf ah
oo ay ku soo rogtay hay’adda Kenya u qaabilsan canshuuraha.
Guddoomiyaha guddiga ganacsatada Eastleigh
Sheekh Ibraahim Xusseen ayaa sheegay in halkii feet Konteenar ah oo markii hore la
canshuuri jiray [30,000 oo dollar] hadda
la gaarsiiyay qiimo lacageed oo dhan [120,000 oo dollar] taasoo macneedu noqonayo in Konteener-kiiba lagu kordhiyay qiimo lacageed oo
dhan 90,000 oo dollar.
Wuxuu sheegay in arintaa aan la
aqbali karin islamarkaana sii xirnaan doonaan goobaha ganacsiga xaafadda Eastleigh
inta laga wax laga qabanayo cabashadooda.
Dekedda magaalada Mombasa ayaa
lagu soo waramayaa in ay ku xayiran yihiin Konteenaro ganacsi, halka kuwo kale
oo ka soo socday dilalka xiriirka ganacsi la leh Kenya sida China dib loo celiyay.
Waxaa socda dadaalo la doonayo in
lagu xaliyo cabashada ganacsatada oo uu qeyb ka yahay madaxweyne Uhuru
Kenyatta si dib loogu soo celiyo ganacsigii xaafadda Eastleigh oo lafdhar u ah
guud ahaanba marka la eeg ganacsiga dalka Kenya.
C/raxmaan Diini,
Hiiraan Online
[email protected]