Madaxweyne Waare oo ka tacsiyeey geerida wasiir ku-xigeenkii ganacsiga mamul gobolleedka Hirshabeelle
Isniin, July, 30, 2018 (HOL) –Madaxweynaha maamul
gobolleedka Hirshabeelle Maxamed Cabdi Waare ayaa ka tacsiyeey geeridii ku
timid alle ha u naxariisteen Wasiir ku-xigeenkii Ganacsiga maamulka Saciid
Xaanshi Tooxow oo xalay ku geeriyooday Muqdisho.
“Innaa Lillaahi wa Innaa Ileyhi
Raajicuun. Anigoo ku hadlaya magaca maamulka Hirshabelle, waxaan tiiraan-yada
iyo murugada la qeybsanayaa qoyska, ehaladii iyo shacabka Soomaaliyeed ee uu ka
baxay Marxuum Siciid Xaashi, waxaa lagu xusuusan doonaan doorkii
wanaagsanaa iyo sida hufan ee uu ugu adeegay dalkiisa iyo shacab-kiisa, waxaa
uu ahaa shaqsi madaala ah oo si hufan ugu soo dhalaalay gudashada waajibaadka
shaqo,’’ ayuu yiri madaxweyne Waare.
Marxuumka ayaa ka mid ahaa wasiirada dhalinyarada ah ee ka
mid ka noqday maamulka Hirshabeelle, waxaana maalmihii lA soo dhaafay uu ku xanuunsanayay magaalada
Muqdisho.
Madaxweyne Waare ayaa marxuumka Alle
uga baryay in uu jannada ka waarbiyo, qoyskii iyo eheladii uu ka tegeyna uu
samir iyo iimaan ka siiyo.
C/raxmaan
Diini, Hiiraan Online
[email protected]
