11/17/2018
Today from Hiiraan Online:  _
Wararka Maanta- Isniin, July 30, 2018
Farmaajo’’ Soomaaliya waxaa ay taaagan tahay watigii ay la jaan-qaadi laheyd hormarada ka socda Geeska Africa


 

Isniin, July, 30, 2018 (HOL) – Madaxweynaha Soomaaliya Maxamed Cabdullaahi Farmaajo oo kormeeray goobo ay Dowladda Ereteriya ka fulisay mashaariic horumarineed ayaa sheegay in shacabka iyo Dowladda Soomaaliya ay maanta taagan yihiin xilligii ay la jaanqaadi lahaayeen horumarka ka socda waddamada Geeska Afrika.

Madaxweynaha iyo Wasiirrada Xukuumadda Federaalka Soomaaliya ee qeybta ka ah wafdigiisa ayaa booqday goobo laga hirgeliyey warshado, biyo-xireenno, beero iyo xarumaha tamarta ileyska cadceedda ee dhaliya korontada.

Agaasimaha Warfaafinta Madaxtooyada Mudane Cabdinuur Maxamed Axmed ayaa sheegay in kormeerka uu Madaxweynuhu ku tagay goobaha laga fuliyey mashaariicdaas ay ka tarjumayo muhiimadda Dowladda Federaalka Soomaaliya ay siinayso dib-u-dhiska kaabayaasha dhaqaalaha, horumarinta ganacsiga iyo wax-soo-saarka dalka.

“Ujeedka ugu weyn ee aan u kormeernay mashaariicdan ayaa ah inaan wax kala baranno oo aan eegno meelaha aan iskaashiga ka yeelan karno iyo dhinacyada ay ganacsatada labada dal maalgashi ku sameyn karaan sida wax soosaarka beeraha, ka faa’iideysiga ilaha kala duwan ee tamarta iyo warshadaha.”

Dhanka kale, Madaxweyne Maxamed Cabdullaahi Farmaajo ayaa la kulmay qaar kamid ah Jaaliyadda Soomaaliyeed ee deggan dalkan, waxa uuna ka wareystay xaaladdooda nololeed, isagoona la wadaagay qaar ka mid ah qodobada miradhalka ah ee ka soo baxay wadahadallada u socda labada dal, kuwaasi oo ay ka mid tahay in Dowladda Federaalka Soomaaliya ay safaarad ka furan doonto dalka Ereteriya, taasi oo u adeegi doonta jaaliyadda.

Socdaalka Madaxweynaha Soomaaliya iyo dhiggiisa dalkan Ereteriya Isaias Afwerki ay ku tageen degmooyin ka baxsan magaalada Asmara waxaa ku weheliyey Wasiirro ka kala tirsan labada dowladood.

C/raxmaan Diini, Hiiraan Online
[email protected]







Click here
7/30/2018 3:40 PM EST
Isniin, July, 30. 2018 (HOL)–Iyadoo ay muuqato in uu dib u soo noqonayo xiriirkii Eritrea ee qaarada Africa iyo guud ahaanba marka la eego caalamka intiisa kale ayaa dhawaan lagu wadaa in ay tagaan qaar ka mid ah madaxda wadamada ku jira Urur gobolleedka IGAD

7/30/2018 1:58 PM EST
Isniin, July, 30. 2018 (HOL) - Ra’iisul Wasaaraha Soomaaliya , Xasan Cali Khayre oo ku sugan magaalada Garoowe ee xarunta Puntland ayaa hoolka Jaamacadda Bariga Afrika kula hadlay bulshada qeybaheeda kala duwan, waxa uuna ku baaqay in Colaadda ka taagan deegaanka Tukaraq lagu bedelo Xasilooni, horumar iyo midnimo.

7/30/2018 12:55 PM EST
Isniin, July, 30. 2018 (HOL)-Shaqaalaha Wasaaradda Beeraha iyo Waraabka ee Xukuumada federaalka Somalia ayaa maanta waxaa looga furay Magaalada Muqdisho tababar soconaya muddo bil ah oo la xiriira kor u qaadida tayada iyo awooda Wasaaradda.

7/30/2018 11:07 AM EST
Isniin, July, 30. 2018 (HOL)-Maxamed Xasan Faarax Gudoomiyaha Gobolka Cayn ee maamul gobleedka Puntland ayaa xilkii iska casiley isagoo sheegay in aanay jirin wax wadashaqayn ah oo la sheegi karaa aanay kala dhexayn Garoowe.

7/30/2018 11:03 AM EST
Isniin, July, 30. 2018 (HOL) - Madaxweynaha Somaliland, Mudane Muuse Biixi Cabdi, ayaa maanta xafiiskiisa kulan gaar ah kula qaatay wefti ballaadhan oo ka kala socota Jimciyadda Quruumaha ka dhaxaysa iyo urur-goboleedka IGAD.

7/30/2018 8:33 AM EST
Isniin, July, 30, 2018 (HOL)–Kaddib booqasho saddex cisho qaadatay iyo kulamo ku dhaxmaray magaalada Asmara hogaamiyayaasha labada dal Soomaaliya iyo Eritrea Madaxmed Cabdullaahi Farmaajo iyo Isaias Afwerki ayaa ugu danbeyntii laga soo saaray war-murtiyeedkan.

7/30/2018 8:13 AM EST
Isniin, July, 30, 2018 (HOL)– Xarunta Jaamacadda Banaadir ee magaalada Muqdisho ayaa waxaa furmay seminaar socon doona labo cisho oo ku saabsan Cilmiga Raajada ka bilaabay Prof/Dr. Xasan Maxamed Xasan oo ka mid ah aqoonyahanada Soomaaliyeed ee sida weyn looga tixgeliyo dalka iyo dibeda.

7/30/2018 6:30 AM EST
Isniin, July, 30, 2018 (HOL)–Wasiirka Wasaaradda Warfaafinta xukuumadda Soomaaliya Daahir Maxamuud Geelle ayaa faah faahin ka bixiyay kulankii dhaxmaray madaxweynaha dowladda Soomaaliya Maxamed Cabdullaahi Farmaajo iyo ONLF.

7/30/2018 2:17 AM EST
Isniin, July, 30, 2018 (HOL)–Dalka Zimbabwe shacabku saakay waxaa ay si nabad ah ugu dhaqaaqeen doorashada madaxweynaha cusub ee dalkaas badali doona madaxweynihii ugu waqtiga dheeraa qaarada Robert Mugabi.

7/30/2018 1:59 AM EST
Isniin, July, 30, 2018 (HOL) –Madaxweynaha maamul gobolleedka Hirshabeelle Maxamed Cabdi Waare ayaa ka tacsiyeey geeridii ku timid alle ha u naxariisteen Wasiir ku-xigeenkii Ganacsiga maamulka Saciid Xaanshi Tooxow oo xalay ku geeriyooday Muqdisho.

7/30/2018 1:25 AM EST
Isniin, July, 30, 2018 (HOL)–Soo saaraha wargeyska New York Times ayaa uga digay Madaxweyne Trump in weerarka uu ku hayo saxaafadda in uu yahay mid khilaafka sii badinaya oo halis ku ah Maraykanka.

7/30/2018 1:17 AM EST
Isniin, July, 30, 2018 (HOL)–Wararka ka imanaya gobolka Shabeellaha Hoose ayaa sheegaya in Al-shabaab xalay weerar xoogan ku qaadeen fariisimo ciidamada dowladda ku leeyihiin degmada Afgooye.

7/30/2018 12:51 AM EST
Isniin, July, 30, 2018 (HOL) – Iyadoo la soo xiganayo wareysi uu bixiyay guddoomiyaha Ururka ONLF Admiral Maxamed Cumar Cismaan, madaxweynaha dowladda Soomaaliya Maxamed Cabdullaahi Farmaajo ayaa isaga oo ku sugan Asmara raali-galin ka bixiyay xariggii Cabdikariin Sheekh Muuse Qalbi-Dhagax.