3/28/2024
Today from Hiiraan Online:  _
Wararka Maanta- Sabti, Dec 22, 2018
Turkiga oo Hakiyay Howlgalkiisii Miletari ee Syria

 

Sabti, December, 22, 2018 (HOL) – Madaxweynaha dalka Turkiga Recep Tayyip Erdogan ayaa Jimcihii sheegay in waddankiisu uu si ku meel gaar ah u hakin doono howlaha militari ee ka dhanka ah xoogagga Kurdishka ee uu Maraykanku taageero ee jooga woqooyiga bari ee dalka Syria, isagoo soo xiganaya wadasheekeysi khadka taleefanka ku dhex maray isaga iyo madaxweynaha Maraykanka Donald Trump toddobaadkii tegay.

"Wadahadalkii in dhex maray Mr. Trump, iyo sidoo kale xiriirka aan la yeeshay diblomaasiyiinteena iyo qaybta amniga, iyo hadalka qoraalka ah ee ka soo baxay dhinaca America ayaa noo horseeday in aan waxoogaa kaadsano,” ayuu yiri Erdogan intii ay socotay munaasabad abaalmarin ah oo ka dhaceysay magaalada Istanbul.

Mililtrariga Turkishka ayaa bilaabay howlgal ay kaga soo horjeedaan dagaal-yahanada Kurdishka ah ee loo yaqaano YPG bishii Januray iyagoo la wageeray magaalada Kurdishka ee Afrin ee ku taala woqooyiga-bari ee dalka Syria.

Militariga ayaa toddobaadkii hore ku sigtay in ay sameeyaan isbalaarin kale oo ka dhan ah YPG, iyagoo markan ku gooddinaya inay cagta marin doonaan guud ahaan dagaalyahanada ka soo jeeda gobolka woqooyiga bari ee dalka Syria, halkaas oo xoogag gaaraya ku dhowaad 2,000 oo ciidamo gaar ah oo Maraykan ah ay ka howgalayeen, iyagoo gacan ka geysanaya dagaalka lagaga soo horjeedo kooxda Daacish.

Xigasho VOA 













Click here
12/22/2018 10:56 AM EST
Sabti, December, 22, 2018 (HOL)–Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa shacabka Soomaaliyeed uga tacsiyeeyay shacabkii iyo askartii ku geeriyooday qaraxyadii maanta ka dhacay magaalada Muqdisho.

12/22/2018 8:46 AM EST
Sabti, December, 22, 2018 (HOL)–Wasiirka Duulista Hawadda Xukuumadda Soomaaliya Maxamed Cabdullaahi Salaad Oomaar ayaa waxba kama jiraan ku tilmaamay warar saacadihii la soo dhaafay leysla dhaxmarayay oo sheegayay in la xiray.

12/22/2018 7:39 AM EST
Sabti, December, 22, 2018 (HOL)- Madaxweynaha Puntland, Cabdiweli Maxamed Cali Gaas ayaa guddoomiye cusub u magacaabay gobolka Mudug.

12/22/2018 5:56 AM EST
Sabti, December, 22, 2018 (HOL)-Hay'adda Nabad Sugidda iyo Sirdoonka Soomaaliya ee NISA ayaa sheegtay in ay gacanta ku soo dhigeen qofkii haggaha ka ahaaweeraradii qaraxyada ahaa ee Muqdisho ka dhacay maanta,

12/22/2018 5:04 AM EST
Sabti, December, 22, 2018 (HOL)-Wasiirka Warfaafinta Dhaqanka iyo Dalxiiska, Daahir Maxamuud Geelle, ayaa tacsi u diray ehelada iyo asxaabta Wariye ,Cawil Daahir Salaad iyo qaar ka tirsan shaqaalaha Universal Tv oo qarax ka dhacay Tiyaatarka Qaranka agtiisa ku dhintay.

12/22/2018 3:24 AM EST
Sabti, December, 22, 2018 (HOL)-Faah faahin dheeraad ah ayaa ka soo baxaya Qaraxyo is xig xigay oo subaxnimadii hore ee saakay ka dhacay magaalada Muqdisho.

12/22/2018 1:55 AM EST
Sabti, December, 22, 2018 (HOL) – Qaraxan oo ahaa mid xoogan oo inta badan laga maqlay degmooyinka gobolka Banaadir ayaa goor dhaw ka dhacay nawaaxiga madaxtooyada Soomaaliya.

12/22/2018 1:01 AM EST
Sabti, December, 22, 2018 (HOL) – In ka badan 15 ruux ayaa lagu waramayaa in ay ku dhinteen dagaal culus oo saacadihii ugu danbeeyay labo maleeshiyo beelleed ku dhaxmaray deegaan hoostaga degmada Maxaas ee gobolka Hiiraan.

12/22/2018 12:32 AM EST
Sabti, December, 22, 2018 (HOL)–Garaad Maxamed Xirsi Ducaale ayaa lagu caleemo saaray deegaanka Qararo oo ka tirsan Degmada Dannood ee gobolka Doollo (Wardheer) ee dawlad deegaanka Soomaalida Itoobiya.

12/22/2018 12:30 AM EST
Sabti, December, 22, 2018 (HOL) – Dooddan oo ay kaqayb-galeen ilaa 100 qof oo isugu jira Barayaal wax ka dhiga Jaamacado kala duwan, Siyaasiyiin, Xildhibaano iyo culimada diinta ayaa waxaa soo qaban qaabiyey Xarunta Xayaat ee tababarada hoggaamineed iyo cilmibaarista ee magaalada Muqdisho.

12/22/2018 12:21 AM EST
Sabti, December, 22, 2018 (HOL)–Dowladda Burundi ayaa sheegay in ilaa 1, 000 askari oo ka mid ah ciidamada ka jooga Soomaaliya ee qeyba ka ah howlgalka midowga Africa AMISOM la baxayaan, kaddib markii uu sida ka codsaday Ururka midowga Africa.