]Jimco, September, 01 2017 (HOL)-
Dadweynaha Somaliland ayaa saaka u dareeray gudashadda salaaddii Ciidal Adxa,
waxaana dadweynuhu iskugu soo baxeen garoomada waaweyn ee ku yaalla
magaalooyinkoodda.
Dadweynuhu markiii ay ka soo
dareereen labadda ragcadood ee salaadda Ciidda ayaa hal mar waxa camirmay
wadooyinkii iyo hoteeladdii la iskuguu
yimaado, waxaanu qof waliba ku soo labistay dhar qurux badan oo u badan kuwo cusub, dadweynuhu badi waxay wadeen
caruurtoodii oo ku ciyaaraysay agabka caruurta, qaarkoodna la geeyey goobaha
maalmaha ciidda lagu ciyaarsiiyo ee leexooyinka.
Maalmaha ciidda waxa dariiqyada
cidhiidhi galiya baabuur faro badan oo
qof walba ku maaweelinayo caruurtiisa, halka qaarkood magaalooyinka ka baxaan,
waxaanay ciidanka amniga uga digayeen dirawaladda inay xawaare sare ku wadaan
maadaama oo jidadka magaaladda ka baxa
iyo kuwo magaaladda dhexdeedda yihiin kuwo mashquul ah.
Dhinaca kale, Madaxweyne ku xigeenka Somaliland C/raxmaan
C/llaahi Ismaaciil Saylici oo ah ku simaha madaxweynaha Somaliland ayaa
dadweynaha reer Hargeysa kula tukaday masjidul jaamaca weyn ee ku yaalla
badhtamaha magaaladda Hargeysa.
Madaxweyne ku-xigeenka oo uu
wehelinaayo Gudoomiyaha ahna Musharaxa xisbiga KULMIYE mudane Muuse biixi Cabdi
ayaa bulsho weynta ku dhaqan caasimada somaliland ee Hargaysa kula tukaday
salaadii ciida masjid jaamaca weyn oo ay soo camireen kumanaan bulshada ku
dhaqan caasimada .
Madaxweyne ku-xigeenka oo khudad
u jeediyay bulshada ayaa ugu hambalyeeyay munaasibada ciidal-adxa isagoo
madaxweyne ku-xigeenkuna ILLAAHAY uga baryay mushtama reer Somaliland inuu u
siyaadiyo nabadgalyada iyo xasiloonida isagoo ku dheeraaday muhiimada ay
leedahay nabadgalyaddu kulana dardaarmay wakhtiga doorashada inay bulshadu
ilaaliso nabada iyo xasiloonida dalka waxaanu yidhi "Waxaan hambalyo
ballaadhan hawda u marinayaa dhamaan shucuubta islaamka gaar ahaan shacabka
reer Somaliland meel kasta oo ay joogaan hamba.”.
Dhamaan dunidda islaamka ayey u
tahay maalin farxad ah oo agtoodda ku weyn, waxaanay maanta oo kale ku jira
labadda maalmood ee ugu mudan farxadaha islaamka iyo damaashoodkoodda.
Barkhad-ladiif M. Cumar,
Hiiraan Online
[email protected]
Hargeysa, Somaliland.