3/29/2024
Today from Hiiraan Online:  _
Wararka Maanta- Khamiis, Feb 28, 2013
Madaxweynaha Soomaaliya oo Cafis u fidiyay Dhallinyarada Burcadbadeedda ka tirsran haddii ay Joojiyaan Falalkaas


Khamiis, Feberaayo 28, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay inuu cafis u fidiyay dhallinyarada ka tirsan kooxaha burcadbadeedda Soomaalida haddii ay ka tanaasulaan fikirka ku saleysan rabshadaha xeebaha Soomaaliya.

Xasan Sheekh oo la hadlyay wakaaladda wararka ee AFP ayaa sheegay inay wadahadallo la furayaan dhallinyarada burcadbadeedda ah iyagoo u maraya waxgaradka Soomaaliyeed, balse aysan diyaar u ahayn dowladdu inay si toos ah ula hadasho.

“Si falalka burcadbadeednimo loo dhammeeyo ayaan go’aankan u qaatay. Waana hubaa in tani ay dhameynayso burcadbadeednimada,” ayuu yiri madaxweyne Xasan Sheekh Maxamuud.

Madaxweynuhu wuxuu sheegay in cafikan aysan ku jirin xubaha sarsare ee burcadbadeedda kuwaasoo dhaqaale badan ka hela falalka burcadbadeedda, kuwaasoo qaarkood ay raadinayaan booliiska adduunka ee Interpol.

“Kuwaas uma fidinayno wax cafis ah, balse cafiska waa mid ku kooban dhalinyarada yaryar,” ayuu yiri madaxweyne Xasan oo intaa ku daray in aysan ka daalayn dadaalka ay ugu jiraan dhameynta burcadbadeednimada xeebaha Soomaaliya.

Dalka Soomaaliya ayaa wuxuu ka mid yahay dalalka caalamka ee ay ka jiraan kooxaha burcadbadeedda ah ee afduuba maraakiibta isaga goosha caalamka, balse labadii sano ee ugu dambeysay waxaa burcadbadeedda la saaray culeysyo waaweyn, taasoo sababtay inay yaraadaan afduubyadii ka dhici jiray badaha Soomaaliya.

Inta badan burcadbdeedda Soomaaliya ayaa waxay saldhigyo ku leeyihiin deegaanno ka tirsan kuwa ay maamusho Puntland, iyagoo sidoo kalena ku leh saldhigyo deegaanno ka tirsan gobolka Mudug.

Hadalkan ayaa noqonaya kii ugu horreeyay oo madaxweynaha Soomaaliya uu ku dhawaaqo tan iyo markii loo doortay xilka, muddo hadda laga joogo lix bilood, isagoo horay cafis ugu fidiyay dhallinyarada ka tirsan Al-shabaab.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/28/2013 12:17 PM EST
Khamiis, Feberaayo 28, 2013 (HOL) — Waxaa magaalada Baydhabo ku nool curyaamiin tiradadood gaareyso 500 oo qof oo cid taakuleysaa aysan jirin, waxaana soo food saartay daryeel xumo iyo caafimaad dari aad u daran,

2/28/2013 12:07 PM EST
Khamiis, Feberaayo 28, 2013 (HOL) — Ciidamada Dowladda Soomaaliya iyo kuwa AMISOM oo shalay si nabadgalyo ah kula wareegay degmada Buur-hakaba ee gobolka Bay ayaa weli ku sugan halkaas iyadoo aysan ka dhicin wax dagaallo ah.

2/28/2013 11:41 AM EST
Khamiis, Feberaayo 28, 2013 (HOL) — Golaha wasiirradda xukuumadda Soomaaliya ayaa maanta isugu yimid shirkoodii joogtada ahaa, kaasoo looga hadlay qodobbo dhowr ah oo ay ka mid ahaayeen warbixino laga dhagaystay wasiirro kasoo noqday safarro shaqo ugu maqnaa dibadda dalka, ansixinta tariifo KMG ah oo lagu qaadayo canshuuraha iyo ammaanka.

2/28/2013 9:08 AM EST
Khamiis, Feberaayo 28, 2013 (HOL) — Taliyaha hoggaanka socdaalka iyo jinsiyadaha Soomaaliya, Jen. C/llaahi Gaafoow Maxamuud oo shir jaraa’id ku qabtay maanta Muqdisho ayaa faah-faahin ka bixiyay lacago dhawaan laga xaday xafiis ay leedahay waaxda socdaalka iyo jinsiyadaha dowladda Soomaaliya.

2/28/2013 8:37 AM EST
Khamiis, Feberaayo 28, 2013 (HOL) —Dawladda Turkiga, ayaa dhagax dhigtay mashruuc biyo soo saar oo ay ka hirgalinayso magaaladda Berbera ee gobolka Saaxil.

2/28/2013 8:14 AM EST
Khamiis, Feberaayo 28, 2013 (HOL) — Dagaal inta la og-yahay ay laba qof ku dhinteen ayaa ciidmada dowladda Soomaaliya oo kaashanaya AMISOM iyo xoogagga Al-shabaab ku dhexmaray deegaanka Janaale ee gobolka Shabeellada hoose.

2/28/2013 7:36 AM EST
Khamiis, Feberaayo 28, 2013 (HOL) — Madaxweynaha Somaliland, Axmed Maxamed Maxamuud Siillaanyo ayaa maanta xadhiga ka jaray dhismayaal iskugu jira kuwo cusub iyo qaar dib u habayn lagu sameeyey oo ku yaalla xarunta madaxtooyadda Somaliland.

2/28/2013 7:24 AM EST
Khamiis, Feberaayo 28, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kulan xasaasi ah kula qaatay villa Somalia 60-garsorayaal oo ka kala socday maxkamadda sare, maxkamadda dhexe iyo maxkamadda gobolka Banaadir. Kulankaas oo looga hadlay sidii dib u habeyn loogu sameyn lahaa garsoorka oo qayb ka ah lixda tiir siyaasadeed ee dowladdu ay ku shaqeynayso.

2/28/2013 5:55 AM EST
Khamiis, Feberaayo 28, 2013 (HOL) —Shirkii maamul u sameynta gobollada Jubooyinka ayaa maanta si rasmi ah uga furmay magaalada Kismaayo ee xarunta gobolka J/hoose, iyadoona madasha shirka ay ku suganyihiin ku dhawaad 800 oo ergo oo ka kala socota gobollada Jubooyinka iyo Gedo.

2/28/2013 3:32 AM EST
Khamiis, Feberaayo 28, 2013 (HOL) — Suxufiyiinta magaalada Gaalkacyo ee gobolka Mudug ayaa shalay ku yeeshay xarunta idaacadda Radio Gaalkacyo kulan ay uga hadleen xeerka saxaafadda ee ay dhawaan soo bandhigtay dowladda Soomaaliya, kaasoo ay kaga soo horjeesteen qodobbo ka mid ah xeerkaas.

2/28/2013 3:12 AM EST
Khamiis, Feberaayo 28, 2013 (HOL) — Wasiirka boostada, isgaarsiinta iyo gaadiidka xukuumadda Soomaaliya, C/llaahi Ciilmooge Xirsi ayaa kaga qaybgalay shir looga hadlayay isgaarsiinta caalamiga ah oo magaalada Barcelona ee dalka Spain ka dhacay 25-kii illaa 27-kii bshan Feberaayo, iyadoo shirkaas ay joogeen madax wasiirro iyo mas’uuliyiin ka socday ha’yado caalami ah sida: ITU, ATU iyo GSMA.

2/28/2013 1:09 AM EST
Khamiis, Feberaayo 28, 2013 (HOL) — Ugu yaraan afar ruux oo dhinacyadii dagaalamay ka tirsan ayaa ku dhintay dagaal deegaanka Ow-diinle ee gobolka Bay ku dhexmaray ciidamada dowladda Somalia iyo xoogagga Al-shababa, iyadoo sidoo kalena guddoomiye xaafadeed lagu dilay Baydhabo.

2/28/2013 1:08 AM EST
Khamiis, Feberaayo 28, 2013 (HOL) — Warsaxaafadeed ay Al-shabaab soo saartay ayay kaga hadashay doorashooyinka Kenya ka dhacaya bisha soo socota horraanteeda iyo weliba isbedelka siyaasadeed ee dalkaas uu galayo.