12/11/2019
Today from Hiiraan Online:  _
Wararka Maanta- Khamiis, Feb 28, 2013
Suxufiyiinta Magaalada Gaalkacyo oo yeeshay kulan ay ku diideen Qodobo ka mid ah Xeerka Saxaafadda (SAWIRRO)



Khamiis, Feberaayo 28, 2013 (HOL) — Suxufiyiinta magaalada Gaalkacyo ee gobolka Mudug ayaa shalay ku yeeshay xarunta idaacadda Radio Gaalkacyo kulan ay uga hadleen xeerka saxaafadda ee ay dhawaan soo bandhigtay dowladda Soomaaliya, kaasoo ay kaga soo horjeesteen qodobbo ka mid ah xeerkaas.

Suxufiyiinta ayaa kaga dooday kulankooda qodobbada xeerka Saxaafada ee la diidan yahay kana kooban 27-ka qodob; iyadoo saxafiyiintu ay sheegeen in xeerkan uusan u cuntamaynin saxaafadda xorta ah ee Soomaaliya.

Saxafiyiinta ayaa sheegay in xeerkan uu noqon karo mid saxafiyiinta ku keena dhibaato isla mrkaasna waxay sheegeen in loo baahan yhay in laga hortago si aanu saamayntiisu u badan, waxayna suxufiyiinta kale ee Soomaaliyeed ugu baaqeen inaysan marnaba raalli ka noqon caburin iyo in xuquuqdooda lugu tunto.

Sidoo kale, suxufiyiinta shiray waxay kulankooda ku xuleen laba saxafi oo fikradda saxafiyiinta gobolka Mudug cod dheer ku gaarsiiya Soomaaliya oo dhan iyo caalamka intiisa kale.

Ku-simaha idaacadda Radio Gaalkacyo, C/risaaq Cali Cabdi (Silfar) ayaa hadal kooban oo uu ka jeediyay goobta wuxuu sheegay in in xeerkan uusan marnaba u qalmin in suxufiyiinta Soomaaliyeed lugu maamulo, isagoo xusay in suxufiyiinta ay iyagu xaq u leeyihiin inay sameystaan xeerarkii lagu maamuli lahaa.

Faadumo Xaaji Axmed oo ka mid ahayd suxufiyiintii shirka ka qayb-galay ayaa iyadana dhankeeda sheegtay in xeerkan lugu tilmaamay mid aan u qalmin Suxufiyiinta gobolka Mudug; isla markaana waxay sheegtay inuu xeerkan yahay mid baal-marsan shaqooyinka ay suxufiyiintu u hayaan bulshada Soomaaliyeed.

“Haddii xeerkan la dhaqan-geliyo wuxuu noqon karaa mid suxufiyiinta ku keeni kara dhibaato; iyadoo la ogyahay in suxufiyiinta Soomaaliyeed ay ku jireen dhibaatooyin, una dhabar-adaygayay howlaha ay bulshada u hayaan,” ayay tiri Faadumo Xaaji.

Shirkii suxufiyiinta ayaa kusoo dhamaaday jawi wanaagsan, iyadoo intii ka qaybgashay ay muujiyeen sida ay uga xun yihiin caburinta saxaafadda Soomaliyeed, iyagoo uga digay dowladda inay ka laabato xeerka ay soo saartay.

Xoghayaha guud ee ururka Qaranka saxafiyiinta Soomaaliyeed, Cumar Faaruuq Cusmaan oo ku sugan Muqdisho ayaa isagoo ka hadlaya xeerka saxaafadda wuxuu ku boorriyay dhammaan suxufiyiinta Soomaaliyeed inay dib u eegis ku sameeyaan xeerka saxaafadda ee dhawaan ay dowladdu soo bandhigtay.











Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
2/28/2013 12:17 PM EST
Khamiis, Feberaayo 28, 2013 (HOL) — Waxaa magaalada Baydhabo ku nool curyaamiin tiradadood gaareyso 500 oo qof oo cid taakuleysaa aysan jirin, waxaana soo food saartay daryeel xumo iyo caafimaad dari aad u daran,

2/28/2013 12:07 PM EST
Khamiis, Feberaayo 28, 2013 (HOL) — Ciidamada Dowladda Soomaaliya iyo kuwa AMISOM oo shalay si nabadgalyo ah kula wareegay degmada Buur-hakaba ee gobolka Bay ayaa weli ku sugan halkaas iyadoo aysan ka dhicin wax dagaallo ah.

2/28/2013 11:41 AM EST
Khamiis, Feberaayo 28, 2013 (HOL) — Golaha wasiirradda xukuumadda Soomaaliya ayaa maanta isugu yimid shirkoodii joogtada ahaa, kaasoo looga hadlay qodobbo dhowr ah oo ay ka mid ahaayeen warbixino laga dhagaystay wasiirro kasoo noqday safarro shaqo ugu maqnaa dibadda dalka, ansixinta tariifo KMG ah oo lagu qaadayo canshuuraha iyo ammaanka.

2/28/2013 9:08 AM EST
Khamiis, Feberaayo 28, 2013 (HOL) — Taliyaha hoggaanka socdaalka iyo jinsiyadaha Soomaaliya, Jen. C/llaahi Gaafoow Maxamuud oo shir jaraa’id ku qabtay maanta Muqdisho ayaa faah-faahin ka bixiyay lacago dhawaan laga xaday xafiis ay leedahay waaxda socdaalka iyo jinsiyadaha dowladda Soomaaliya.

2/28/2013 8:37 AM EST
Khamiis, Feberaayo 28, 2013 (HOL) —Dawladda Turkiga, ayaa dhagax dhigtay mashruuc biyo soo saar oo ay ka hirgalinayso magaaladda Berbera ee gobolka Saaxil.

2/28/2013 8:28 AM EST
Khamiis, Feberaayo 28, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay inuu cafis u fidiyay dhallinyarada ka tirsan kooxaha burcadbadeedda Soomaalida haddii ay ka tanaasulaan fikirka ku saleysan rabshadaha xeebaha Soomaaliya.

2/28/2013 8:14 AM EST
Khamiis, Feberaayo 28, 2013 (HOL) — Dagaal inta la og-yahay ay laba qof ku dhinteen ayaa ciidmada dowladda Soomaaliya oo kaashanaya AMISOM iyo xoogagga Al-shabaab ku dhexmaray deegaanka Janaale ee gobolka Shabeellada hoose.

2/28/2013 7:36 AM EST
Khamiis, Feberaayo 28, 2013 (HOL) — Madaxweynaha Somaliland, Axmed Maxamed Maxamuud Siillaanyo ayaa maanta xadhiga ka jaray dhismayaal iskugu jira kuwo cusub iyo qaar dib u habayn lagu sameeyey oo ku yaalla xarunta madaxtooyadda Somaliland.

2/28/2013 7:24 AM EST
Khamiis, Feberaayo 28, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kulan xasaasi ah kula qaatay villa Somalia 60-garsorayaal oo ka kala socday maxkamadda sare, maxkamadda dhexe iyo maxkamadda gobolka Banaadir. Kulankaas oo looga hadlay sidii dib u habeyn loogu sameyn lahaa garsoorka oo qayb ka ah lixda tiir siyaasadeed ee dowladdu ay ku shaqeynayso.

2/28/2013 5:55 AM EST
Khamiis, Feberaayo 28, 2013 (HOL) —Shirkii maamul u sameynta gobollada Jubooyinka ayaa maanta si rasmi ah uga furmay magaalada Kismaayo ee xarunta gobolka J/hoose, iyadoona madasha shirka ay ku suganyihiin ku dhawaad 800 oo ergo oo ka kala socota gobollada Jubooyinka iyo Gedo.

2/28/2013 3:12 AM EST
Khamiis, Feberaayo 28, 2013 (HOL) — Wasiirka boostada, isgaarsiinta iyo gaadiidka xukuumadda Soomaaliya, C/llaahi Ciilmooge Xirsi ayaa kaga qaybgalay shir looga hadlayay isgaarsiinta caalamiga ah oo magaalada Barcelona ee dalka Spain ka dhacay 25-kii illaa 27-kii bshan Feberaayo, iyadoo shirkaas ay joogeen madax wasiirro iyo mas’uuliyiin ka socday ha’yado caalami ah sida: ITU, ATU iyo GSMA.

2/28/2013 1:09 AM EST
Khamiis, Feberaayo 28, 2013 (HOL) — Ugu yaraan afar ruux oo dhinacyadii dagaalamay ka tirsan ayaa ku dhintay dagaal deegaanka Ow-diinle ee gobolka Bay ku dhexmaray ciidamada dowladda Somalia iyo xoogagga Al-shababa, iyadoo sidoo kalena guddoomiye xaafadeed lagu dilay Baydhabo.

2/28/2013 1:08 AM EST
Khamiis, Feberaayo 28, 2013 (HOL) — Warsaxaafadeed ay Al-shabaab soo saartay ayay kaga hadashay doorashooyinka Kenya ka dhacaya bisha soo socota horraanteeda iyo weliba isbedelka siyaasadeed ee dalkaas uu galayo.