12/11/2019
Today from Hiiraan Online:  _
Wararka Maanta- Khamiis, Feb 28, 2013
Madaxweynaha Somalia oo Madaxtooyada Kula Kulmay Garsoorayaal uu kala hadlay cadaaladda iyo sharciga (SAWIRRO)



Khamiis, Feberaayo 28, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kulan xasaasi ah kula qaatay villa Somalia 60-garsorayaal oo ka kala socday maxkamadda sare, maxkamadda dhexe iyo maxkamadda gobolka Banaadir. Kulankaas oo looga hadlay sidii dib u habeyn loogu sameyn lahaa garsoorka oo qayb ka ah lixda tiir siyaasadeed ee dowladdu ay ku shaqeynayso.

Garsoorayaasha ayuu kula dardaarmay inay cadaalad xukunnada u ridaan isagoo uga digay inay dhibaateeyaan shacabka maxkamadaha u imaanay in ay la kulmaan garsoor cadaalad ah.

“Haddii uu shacabku ku qanacsan yahay sida aad wax u xukuntaan oo ay u arkaan inay cadaalad jirto, shacabku wuu idin xushmeynayaa,” ayuu yiri madaxweynaha Soomaaliya oo intaas ku daray: “Hal xukun oo dhaco iyadoo aan laga fiirsan ayaa annaga oo dhan na saameynaya. Adduunku wuu na eegayaa waxayna eegayaan inaan nahay ummad cadaalad ku dhisan iyo in kale. Waxaan idin kula dardaarmayaa inaadan xukunka ku deg-degina ee mar walba sharciga ha kuu noqdo garab.”

Sidoo kale, madaxweynuhu wuxuu garsoorayaasha u sheegay in dib u habeyn lagu sameynayo sharciga, sidaa daraadeedna loo baahan yahay in laga wadatashado wixii sax ah iyo wixii u baahan in dib loo hagaajiyo.

“Ma sahlana howsha na-hortaalla mana haysanno dhaqaale nagu filan, balse waa inaad sharciga dhowrtaan. Shacabkeenna waa inay dareemaan inay haystaan cadaalad iyo garsoor ay aamini karaan. Garsoorka waa inuu noo noqdo hormuud si aan ugu soo kabsano dhibkii nagu dhacay, amnigana dib u soo noqdo. Intaas ayaa muhiim ah,” ayuu yiri madaxweyne Xasan Sheekh.

Madaxweynaha oo hadalkiisa sii wata ayaa yiri: ”Sidii aan horay idin kugu sheegay in la xushmeeyo cadaaladda waxay ka billaabataa madaxda. Aniga marnaba faraha lama geli doono maxkamadda iyo go’aannada ay gaarto.”

Ugu dambeyn, madaxweynuhu wuxuu hadalkiisa kusoo afjaray: “Amniga waa muhiimadda koowaad ee dowladda, laakiinse haddii aysan cadaalad jirin amniguna ma jirayo. Amniga iyo cadaaladdu way wada-socdaan. Dadkeena inay dareemaan nabad, waa inay arkaan in sharcigu iyo cadaaladdu ay si sax ah u shaqeyeyaan.”


Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
2/28/2013 12:17 PM EST
Khamiis, Feberaayo 28, 2013 (HOL) — Waxaa magaalada Baydhabo ku nool curyaamiin tiradadood gaareyso 500 oo qof oo cid taakuleysaa aysan jirin, waxaana soo food saartay daryeel xumo iyo caafimaad dari aad u daran,

2/28/2013 12:07 PM EST
Khamiis, Feberaayo 28, 2013 (HOL) — Ciidamada Dowladda Soomaaliya iyo kuwa AMISOM oo shalay si nabadgalyo ah kula wareegay degmada Buur-hakaba ee gobolka Bay ayaa weli ku sugan halkaas iyadoo aysan ka dhicin wax dagaallo ah.

2/28/2013 11:41 AM EST
Khamiis, Feberaayo 28, 2013 (HOL) — Golaha wasiirradda xukuumadda Soomaaliya ayaa maanta isugu yimid shirkoodii joogtada ahaa, kaasoo looga hadlay qodobbo dhowr ah oo ay ka mid ahaayeen warbixino laga dhagaystay wasiirro kasoo noqday safarro shaqo ugu maqnaa dibadda dalka, ansixinta tariifo KMG ah oo lagu qaadayo canshuuraha iyo ammaanka.

2/28/2013 9:08 AM EST
Khamiis, Feberaayo 28, 2013 (HOL) — Taliyaha hoggaanka socdaalka iyo jinsiyadaha Soomaaliya, Jen. C/llaahi Gaafoow Maxamuud oo shir jaraa’id ku qabtay maanta Muqdisho ayaa faah-faahin ka bixiyay lacago dhawaan laga xaday xafiis ay leedahay waaxda socdaalka iyo jinsiyadaha dowladda Soomaaliya.

2/28/2013 8:37 AM EST
Khamiis, Feberaayo 28, 2013 (HOL) —Dawladda Turkiga, ayaa dhagax dhigtay mashruuc biyo soo saar oo ay ka hirgalinayso magaaladda Berbera ee gobolka Saaxil.

2/28/2013 8:28 AM EST
Khamiis, Feberaayo 28, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay inuu cafis u fidiyay dhallinyarada ka tirsan kooxaha burcadbadeedda Soomaalida haddii ay ka tanaasulaan fikirka ku saleysan rabshadaha xeebaha Soomaaliya.

2/28/2013 8:14 AM EST
Khamiis, Feberaayo 28, 2013 (HOL) — Dagaal inta la og-yahay ay laba qof ku dhinteen ayaa ciidmada dowladda Soomaaliya oo kaashanaya AMISOM iyo xoogagga Al-shabaab ku dhexmaray deegaanka Janaale ee gobolka Shabeellada hoose.

2/28/2013 7:36 AM EST
Khamiis, Feberaayo 28, 2013 (HOL) — Madaxweynaha Somaliland, Axmed Maxamed Maxamuud Siillaanyo ayaa maanta xadhiga ka jaray dhismayaal iskugu jira kuwo cusub iyo qaar dib u habayn lagu sameeyey oo ku yaalla xarunta madaxtooyadda Somaliland.

2/28/2013 5:55 AM EST
Khamiis, Feberaayo 28, 2013 (HOL) —Shirkii maamul u sameynta gobollada Jubooyinka ayaa maanta si rasmi ah uga furmay magaalada Kismaayo ee xarunta gobolka J/hoose, iyadoona madasha shirka ay ku suganyihiin ku dhawaad 800 oo ergo oo ka kala socota gobollada Jubooyinka iyo Gedo.

2/28/2013 3:32 AM EST
Khamiis, Feberaayo 28, 2013 (HOL) — Suxufiyiinta magaalada Gaalkacyo ee gobolka Mudug ayaa shalay ku yeeshay xarunta idaacadda Radio Gaalkacyo kulan ay uga hadleen xeerka saxaafadda ee ay dhawaan soo bandhigtay dowladda Soomaaliya, kaasoo ay kaga soo horjeesteen qodobbo ka mid ah xeerkaas.

2/28/2013 3:12 AM EST
Khamiis, Feberaayo 28, 2013 (HOL) — Wasiirka boostada, isgaarsiinta iyo gaadiidka xukuumadda Soomaaliya, C/llaahi Ciilmooge Xirsi ayaa kaga qaybgalay shir looga hadlayay isgaarsiinta caalamiga ah oo magaalada Barcelona ee dalka Spain ka dhacay 25-kii illaa 27-kii bshan Feberaayo, iyadoo shirkaas ay joogeen madax wasiirro iyo mas’uuliyiin ka socday ha’yado caalami ah sida: ITU, ATU iyo GSMA.

2/28/2013 1:09 AM EST
Khamiis, Feberaayo 28, 2013 (HOL) — Ugu yaraan afar ruux oo dhinacyadii dagaalamay ka tirsan ayaa ku dhintay dagaal deegaanka Ow-diinle ee gobolka Bay ku dhexmaray ciidamada dowladda Somalia iyo xoogagga Al-shababa, iyadoo sidoo kalena guddoomiye xaafadeed lagu dilay Baydhabo.

2/28/2013 1:08 AM EST
Khamiis, Feberaayo 28, 2013 (HOL) — Warsaxaafadeed ay Al-shabaab soo saartay ayay kaga hadashay doorashooyinka Kenya ka dhacaya bisha soo socota horraanteeda iyo weliba isbedelka siyaasadeed ee dalkaas uu galayo.