Arbaco, 21, April, 2010 (HOL) Waxaa wali laga dareemayaa deegaannada Masago-waay iyo Galcad oo ka wada tirsan Goballka Galgaduud isku hub uruursi iyo dhaq dhaqaaqyo ciidan oo ay wadaan Xoogagga ka kala tirsan Ahlu Sunna Waljameeca iyo Xarrakada Mujaahidiinta Al-shabaab oo dagaall culus halkaa ku dhaxmaray maalintii shalay.
Wararkii ugu danbeeyay ee soo baxaya ayaa shegaya in khasaaraha dagaallka labada dhinac uu sii kordhayo iyada oo gaaridu mareyso in ka badan 18 ruux halka 30 kala ay ku dhaawacmeen oo u badan dhinacyadii iska soo horjeeda.
Saraakiil sare oo u hadashay Xarrakada Mujaahidiinta Al-shabaab ayaa sheegay in gacan ku heynta deegaannada Masago-waay iyo Galcad ay la wareegeen, laakiin waxaa markiiba arrintaa beeniyay Mas'uulyiinta Culima'udiinka Ahlu Sunna Waljameeca.
Shiikh Cumar Buraalle oo ah Guddoomiye Ku-xigeenka Kuwaad ee Gudiga fulinta Culima'udiinka Ahlu Sunna Waljameeca ayaa warbaahinta u sheegay in deegaannka Masago-waay oo dagaallka xoogiisu ka dhacay hadda gacanta ku hayaan Culimada Ahlu Sunna Waljameeca, laakiin waxaa uu qiray in degmada Galcad wali ku danbeyso gacanta Xoogagga Al-shabaab maadaama sida uu sheegay Ciidamada Ahlu Sunna ka qabqeen in dagaal ay kula galaan gudaha degmada wax yaallo ka soo gaarto dadka rayidka ah.
Marka laga soo tago sheegashada dhinacyada iska soo horjeeda ilaa hadda lama hayo warara madaxbanaan oo ka hadllay cida dhab ahaan gacan ku heysa goobahii ay shalay dagaalladdu ka dhaceen, waxaana xusid mudan in dadkii ku dhaqnaa deegaannka Masago-waay u carareen dhinaca dhulka Baadiyaha ah si ay uga nabad-galaan khasaare ka soo gaara hubka labada dhinac isku adeegsanayaan.
C/raxmaan Diini, Hiiraan Onlie
[email protected]
Beledweyne, Soomaaliya
Khasaaraha ka dhashay dagaal shalay ka dhacay deegaanno ka tirsan Goballka Galgaduud oo sii kordhaya.
More News
- Dagaal culus oo deegaan ku dhaw degmada Dhuusa-mareeb ee Goballka Galgaduud ku dhaxmaray Xoogagga Ahlu Sunna Waljameeca iyo Xarrakada Ah-shabaab..
- Maydadka dad la gowracay oo maanta laga helay Muqdisho Magaalada
- SHEEKH AADAN MADOOBE: "Haddii danta Ummadda Soomaaliyeed ay ku jirto inaan xilka ka dago waan ka dagayaa waayo shacabka ayaa iga weyn"
- Ciidamo Itoobiyaan ah oo maanta galay degmada Ceelbardee ee Gobolka Bakool oo maalin ka hor la wareegeen Xarrakatul Shabaabul Mujaahiidiin
- Wasiirka Lacagta Soomaaliya oo sheegay in muddo shan bilood ah ah ay ku dhaqangelin doonaan lacagta cusub ee lagu badalayo Shilling Soomaaliga
- Puntland oo Ciidamo la Dagaalama Burcadda Badeed u Diraysa Degmada Garacad ee G/Mudug
- Ciidamada Booliiska iyo kuwa Milatariga Dowladda Soomaaliya oo saakay baaritaanno ku bilaabay gaadiidka u socda Suuqa Bakaaraha
- Qoysas sheegay in si khasab ah ay ciidamada Dowladdu kaga saareen guri kasoo horjeeda Madaxtooyada Soomaaliya oo ay Milkiyadooda leeyihiin
- Darawallada Gadiidka aada Gobollada Dalka ee ku sugan magaalada Kismaayo oo ka cabanaya Shaqo La’aan soo foodsaartay
- Madaxweynaha Soomaaliya Sheekh Shariif Sheekh Axmed oo loo gudbiyay mooshin ka dhan ah Guddoomiyaha Baarlamaanka Soomaaliya
- Daahir Max'uud Geelle :-- Wasaarrada warfaafinta ayaa nidaamineysa wixii khalaadaad ah ee ka dhica Warbaahinta, Idaacaduhuna waa u madaxbanaan yihiin howlaha ay qabanayaan.