Arboco, April 21, 2010 (HOL) - Darawallada Gaadiidka Rakaabka ah iyo kuwa ganacsi ee jooga magaalada kismaayo ee isaga kala gooshi jiray qaar ka mid ah gobollada dalka soomaaliya ayaa ka cabanaya shaqo la’aan soo foodsaartay kadib markii ay roobab lixaad leh ka da’een gobollo badan oo ka tirsan koonfurta wadanka Soomaaliya.
Mar aan saaka booqday boosteejooyinka gawaarida aada magaalooyinka Muqdisho iyo Baardheere ayaa waxaan halkaasi kula kulmay qaar kamid ah darwallada gaadiidka ka dhex shaqeeya magaalooyinkaasi waxa ayna ii sheegeen in roobabkii ugu danbeeyay ee ka da’ay gobollada Jubooyinka, Sh/hoose iyo Gedo ay sababeen in uu hakad ku yimaado isu socodka gaadiidka ganacsiga iyo midka rakaabka ah ee ka dhex shaqeyn jiray gobollada Jubooyinka, Gedo iyo banaadir.
Roobabka gu’ga ayaa waxa ay si weyn uga curteen gobollo badadan oo katirsan koonfurta wadanka Soomaaliya iyadoo gobollada Jubooyinka, Sh/hoose iyo Gedo ay kamid yihiin gobollada ay sida weyn uga da’een roobabka Gu’ga, waxaana ay roobabkaasi sababeen in ay hakad geliyaan isu socodka gaadiidka ganacsiga iyo midka rakaabka ah ee isaga kala goosha gobolladaasi.
Shaqo la’aanta soo foodsaartay gadiidleyda ka sokow waxaa roobabkani soo dhaweeyey beeraleyda gobollada Jubooyinka oo iyagu sheegay in ay si weyn u sugayeen in ay curtaan roobabka da’a xilliga gu’ga si ay uga faa’ideystaan islamarkaasina u beertaan dalagyadooda kala duwan.
Xasan Nuur, Hiiraan Online
[email protected]
Kismaayo, Soomaaliya
Darawallada Gadiidka aada Gobollada Dalka ee ku sugan magaalada Kismaayo oo ka cabanaya Shaqo La’aan soo foodsaartay
More News
- Dagaal culus oo deegaan ku dhaw degmada Dhuusa-mareeb ee Goballka Galgaduud ku dhaxmaray Xoogagga Ahlu Sunna Waljameeca iyo Xarrakada Ah-shabaab..
- Maydadka dad la gowracay oo maanta laga helay Muqdisho Magaalada
- SHEEKH AADAN MADOOBE: "Haddii danta Ummadda Soomaaliyeed ay ku jirto inaan xilka ka dago waan ka dagayaa waayo shacabka ayaa iga weyn"
- Ciidamo Itoobiyaan ah oo maanta galay degmada Ceelbardee ee Gobolka Bakool oo maalin ka hor la wareegeen Xarrakatul Shabaabul Mujaahiidiin
- Wasiirka Lacagta Soomaaliya oo sheegay in muddo shan bilood ah ah ay ku dhaqangelin doonaan lacagta cusub ee lagu badalayo Shilling Soomaaliga
- Puntland oo Ciidamo la Dagaalama Burcadda Badeed u Diraysa Degmada Garacad ee G/Mudug
- Ciidamada Booliiska iyo kuwa Milatariga Dowladda Soomaaliya oo saakay baaritaanno ku bilaabay gaadiidka u socda Suuqa Bakaaraha
- Qoysas sheegay in si khasab ah ay ciidamada Dowladdu kaga saareen guri kasoo horjeeda Madaxtooyada Soomaaliya oo ay Milkiyadooda leeyihiin
- Madaxweynaha Soomaaliya Sheekh Shariif Sheekh Axmed oo loo gudbiyay mooshin ka dhan ah Guddoomiyaha Baarlamaanka Soomaaliya
- Khasaaraha ka dhashay dagaal shalay ka dhacay deegaanno ka tirsan Goballka Galgaduud oo sii kordhaya.
- Daahir Max'uud Geelle :-- Wasaarrada warfaafinta ayaa nidaamineysa wixii khalaadaad ah ee ka dhica Warbaahinta, Idaacaduhuna waa u madaxbanaan yihiin howlaha ay qabanayaan.