Talaado, January 12, 2010(HOL): Wasiir-u-dowlaha
Madaxtooyada Soomaaliya Xasan Macallin Max'ud oo maanta shir jaraa'id ku qabtay
Madaxtooyada Soomaaliya ayaa beeniyay wararkii kasoo baxay Xarrakatul Shabaab
ee ahaa in dowldda Soomaaliya ay keensatay shirkado ka fuliya Muqdisho Qaraxyo.
Afhayeenka Xarrakatul Shabaab Sheekh Cali Dheere oo shalay
saxaafadda la hadlay ayaa sheegay in dowladda Soomaaliya ay keensatay shirkado
Mareykan ah, si ay qaraxyo uga fuliyaan gudaha Magaalada Muqdisho.
"Madaxtooyada
Wasiir-u-dowluhu wuxuu sheegay inaysan jirin wax shirkad ah
oo ay soo kireysteen si ay qaraxyo u filyaan, isagoo dhinac isaga riixay in
dowladda lagu yaqaano inay qaraxyo sameyso, balse kooxda eedeysay lagu yaqaan
inay arrimahaas fuliyaan.
"Kooxaha dowladda kasoo horjeeda ayaa lagu yaqaanaa
inay fuliyaan qaraxyo ay dadka ku dhibaateynayaan, iyaga ayaana soo kireystay
ajnabi ay Soomaaliada ku argagaxgeliyaan" ayuu yiri wasiir-u-dowlaha
Dowladda Soomaaliya.
Mas'uulkan ayaa u fasaxay wariyeyaashu inay socod kusoo
maraan Madaxtooyada si ay indhahooda ugu arkaan haddii ay jirto shirkad ajnabi
ah oo dagan, wuxuuna ku tilmaamay hadalladaas kuwo laga xishoodo oo been ah.
Dhanka kale, Wasiirka Wafaafinta Soomaaliya Daahir Max'ud
Geelle ayaa isaguna ku sheegay hadallada kasoo baxay Xarrakatul Shabaab kuwo
aan sax ahayn, oo lagu doonayo in laga isaga horkeeno shacabka iyo dowladda.
Maxamed Xaaji Xuseen, Hiiraan Online
Muqdisho, Soomaaliya