Isniin, Feberaayo, 18, 2019 (HOL)-Wasiiru dowlaha arimaha dibada Somaliya Abbdikadir Sh.Amed oo soo gaaray magaalada Columbus Ohio ayaa kulan soo dhaweyn ah la qaatay Jaaliyadda gobolkan waxaana mudadii kulanka uu ka warbixiyay xaalada dalka guud ahaan iyo marxaladihii ay dowladu soo martay mudada labada sano ahayd ee ay jirtay
Wasiirka ayaa xusay in loo bahanyahay in Soomaaliya ay horey u
socoto isla markaana shaqo ay dadku qabtaan ay ku socon karto taas oo
qofwalba looga bahanyahay qeyb in uu ka qaato si ayuu yiri caalamka
loola saan qaado.
Mohamed salix oo ka mid ah
dadka soo abaabulay ayaa xusay in ay dowlada ku taageerayaan ama ku
mucaaradayaan tilaabooyinka ay qaado isaga oo xusay in wax baddan oo ay
dowladu qabatay ay taageersanyihiin kuna amaanayaan.
Ka
soo qeybgalayaasha kulankan soo dhaweyntaa ayaa wasiirka su'aalo baddan
ka weydiiyay xaalada dalka, sida, Arimaha Amaanka, Ciidamada, Siyaasada
dibada,Arimaha Heshiisyada caalamigaa, xariirka Somaliya iyo Kenya oo
maalmihii u danbeeyay uu madow soo kala dhex galay iyo kuwo kale.
Wasiirka
oo wax laga weydiiyay hadalkii dhawaan ka soo baxay dowlada Kenya ee ay
Soomaaliya xariirka ugu jartay ayaa muujiyay in Dowlada Soomaaliya
aysan wax qalad ah ku lahayn talabadaasi sidii ku haboonaydna ay uga
jawaab celisay iyada oo aysan dhici doonin ayuu yiri in gorgortan laga
galo qayraadka iyo xaduudaha Soomaaliya.
Warbixin
dheer kadib waxa uu qurba joogta ku dhiirogaliyay in ay dalka ku soo
laabtan isla markaana wa baddan ka ogaadaan xaalada dalka.
Deeqo SONNA
