Isniin, Feberaayo, 18, 2019
(HOL)- Ciidamada dowladda Soomaaliya
ayaa xiray qeybo ka mid ah jidadka ugu muhiisan magaalada Muqdisho, iyaga oo u
diidaya gaadiidka dadweynaha in ay jidadkaa isticmalaan.
Waxaa xiran oo aysan isticmaali karin gaadiidka
Wadada Wadnaha,30-ka iyo qeybo ka mid ah Jidka Warshadaha, oo dhamaanba marka la eego muhiim u ah isku
socodka dadka iyo gaadiidka.
Lama shaacin sababta rasmiga ah ee loo xiray
jidadka hasse ahaatee warar qaar ayaa sheegay in mas’uuliyiin ka tirsan
dowladda Soomaaliya maanta ka qeybgali doonaan munaasabado lagu dhagax dhigayo
jidadka muhiim ah oo caasimada ku xira gobollada labada Shabeelle.
Ciidamada ayaa iska hortaagaya gaadiidka
dadweynaha isticmaalka jidadka, waxaana
ay dadku u lugeynayaan goobahooda shaqo iyo waxbarasho ee ku yaala aagagga aan
la ogoleyn in ay gaadiidku maraan.
Shacabka reer Muqdisho ayaa dhibaato weyn ku qaba
marka la eego xirista jidadka xiliyada shaqada, madaama horay dhagaxaan waaweyn
loogu jiray jidad isticmaalkoodu u wanaagsanaa dadka iyo gaadiidkaba kuwaa oo
la sheegay la sheegay in loo xiray sababo la xiriira amniga.
C/raxmaan Diini, Hiiraan Online
[email protected]
