Shacabka Muqdisho oo u damaashaad tagay deegaanka Daaru-Salaam ee magaalada Muqdisho
Axad, Augusto, 11, 2019 (HOL)
- Kumannaan ruux oo ka mid ah dadka ku nool Caasimadda Muqdisho ayaa u dukasho
iyo damaashaad tegey deegaanka casriga ah ee Daaru-salaam oo ku yaalla duleedka
magaalada Muqdisho.
Dadkan oo ka kala yimid
Degmooyinka gobolka Banaadir iyo deegaannada ku hareereysan ayaa Salaadda
Ciidda ku Oogey Barxadda weyn ee Masjidka Daarusalaam, iyagoo kadibna u
dareeray in ay ku damaashaadaan Beerta dalxiiska ee Daaru-salaam oo si weyn
loogu qalabeeyey Agabka ay carruurtu ku ciyaaraan iyo goobo nasiino oo loogu
talo galay dadka waaweyn.
Qaar ka mid ah dadka u
damaashaad tagey deegaankaan oo sheegay in ay sheegay in ay ku faraxsan yihiin in munaasabada ciida awgeed ay damaashaad u qaataan xaafadda Daaru-Salaam oo u diyaarsan madadaallada carruurta.
Guddoomiyaha deegaanka
Daaru-salaam Maxamed Sheekh Maxamuud oo sheegay in ay heegan ugu jiraan sidii ay u dabooli
lahaayeen baahida macaamiisha u soo dalxiis tagtay deegaanka, wuxuu sidoo kale
xusay in ay soo kordhinayaan qalab cusub oo isugu jira nuuca ay carruurta iyo
dadka waaweyniba aya ku ciyaaraan.
Daaru-Salaam ayaa ka mid ah deegaannada ay dadku u dabaashaad tagaan munaasabada Cidda, waxaa ay can ku tahay in dadweynaha ku nool Muqdisho iyo
hareereheeda u dilxiis tagaan xiliyada Ciidaha, iyadoo haatanna lagu soo kordhiyey
adeegyo dheeri ah oo loogu tallo galay dadka usoo damaashaad taga Daaru-salaam
City.
Deegaankan oo kooban
xaafado si casri ah loo dhisay, beero lagu dalxiiso, goobo wax barasho, Suuqyo
iyo xarun laga dhaliyo Korontada ayaa waxaa maal geliyey Bangiga Salaam Somali
Bank.
Guud ahaan dunida Muslimka ayaa maanta siweyn looga dabaal-dagay munaasabada Ciidul-Adxaa gaar ahaan dalka Soomaaliya.
