Axmed Madoobe " Dowladda waxaan kula talinayaa in ay shacabka u deyso rabitaakooda
Axad, Augusto, 11, 2019 (HOL)-Madaxweynaha dowlad gobolleedka Jubbaland Axmed Maxamed Islaam ( Axmed Madoobe) oo jeediyay khudbad ku aadan munaasabada Ciidda ayaa ugu baaqay dowladda federaalka in ay fara-galinta ka deyso Jubbaland.
‘’Dowladda Soomaaliya waxaan
leeyahay Umadda haloo daayo waxa ay masiirkeeda kaga tashaneyso, doorka ay ku
leedahay waa loo ogol-yahay, laakiin waa in ay u deysaa shacabka rabitaankooda, micno badan ma sameyneyso teyda ayaa
soconeysa haddii kale wax walba waan bur
burinayaa ayuu yiri’’ Axmed Madoobe.
Doorka uga bannaan dowladda
arrimaha Jubbaland ayuu ku sheegay kaliya in ay gacan ku siiyaan shacabka sidii
ay u meel-marin lahaayeen rabitaankooda una qabsan lahaayeen howlaha horyaala.
‘’Dowladdu waa in ay gacan ku
siisaan shacabka in ay qabsadaan howlaha horyaala, laakiin yaan la oran Anniga
ayaa sidan raba, sidan haddii aan la yeelin in ay gubato ayaa ka fiican, waa in
wixii shalay la soo dhisay la burburin, ‘’ ayuu hadalkiisa sii raaciyay
madaxweynaha dowlad gobolleedka Jubbaland.
War qoraal ah oo dhawaan ka soo
baxay Wasaarradda Arrimaha Gudaha iyo Federaalka Xukuumadda Soomaaliya ayaa
lagu sheegay in dowladda Soomaaliya marnaba aqbali doonin natiijo kasta oo ka
soo baxday doorashada Jubbaland haddii aan la raacin qoddobo ay soo jeedisay
Wasaarradda.
Musharixiinta Jubbaland ayaa
laftirkooda shaki badan ka qaba doorashada dhamaadka bisha Augusto la filayo in
ay ka dhacdo Kismaayo, waxaana ay dhawaan soo saareen sharuudo ay ku xirayaan
ka qeybgalkooda doorashada.
C/raxmaan Diini, Hiiraan Online
[email protected]
