3/29/2024
Today from Hiiraan Online:  _
Wararka Maanta- Khamiis, Nov 1 , 2018
Guddoomiyaha Baarlamaanka Federaalka oo kulan la qaatay Xildhibaanno ka soo horjeeda madaxweynaha Koonfurgalbeed

Khamiis, November, 01, 2018 (HOL)– Ilaa labaatan xildhibaan oo ka tirsan Baarlamaanka dowlad-gobolleedka Koonfurgalbeed ayaa maanta magaalada Muqdisho kulan gaar ah oo albaabada u xirnaayeen la qaatay guddoomiyaha Baarlamaanka Federaalka ah ee Soomaaliya Maxamed Mursal Sheekh.

Xildhibaannada la kulmay guddoomiyaha Baarlamaanka federaalka, ayaa maalin ka hor soo gaaray magaalada Muqdisho,iyadoo kulanka looga hadlay doorashada madaxweynaha Koonfurgalbeed oo lagu wado magaalada Baydhabo inay ka dhacdo 17-ka bishan November.

Guddoomiyaha Baarlamaanka Soomaaliya,Maxamed Mursal Sheekh ayaa la sheegay xildhibaannada Koonfurgalbeed inuu u sheegay inay doortaan cidda ay u arkaan inuu ka turjumayo rabitaanka shacabka Koofur-galbeed.

Muddada ay joogan magaalada Muqdisho xildhibaannada ka tirsan Baarlamaanka Koonfurgalbeed oo la sheegay inay si gaar ah uga soo horjeedan madaxweynaha talada haya ee Koonfurgalbeed Shariif Xasan Sheekh Aadan ,waxaa ay la kulmi doonaan labada Aqal ee Baarlamaanka iyo mas'uuliyiinta dowladda federaalka.

Doorashada ka dhacaysa bishan maamulka Koonfurgalbeed, waxaa lagu sheegay mid xasaasi ah oo ka duwan doorashooyinkii hore uga dhacay maamulka,iyadoo dowladda federaalka lagu eedeynayo inay wadato musharrixiinta gaar ah oo ay faragelin ku hayso doorashada ka dhacaysa Baydhabo.

Iman Mohamed Jama, Hiiraan Online
[email protected]












Click here
11/1/2018 11:28 AM EST
Khamiis, November, 01, 2018 (HOL)– Golaha wasiirrada Puntland oo maanta ku shirey magaalada Garoowe ee xarunta Puntland ayaa taageerray go'aamadii ka soo baxay shirkii madasha wada-tashiga dowlad-gobolleedyada ee lagu soo gabagabeeyay magaalada Garoowe.

11/1/2018 11:10 AM EST
Khamiis, November, 01, 2018 (HOL)– Wasiirka Wasaaradda waxbarashada Hiddaha iyo Tacliinta sare ee xukuumadda federaalka Soomaaliya , Cabdulahi Goodax Barre ayaa maanta magaalada Muqdisho si rasmi ah uga daah furay mashruuc kor loogu qaadayo xirfadda farsamada gacanta.

11/1/2018 10:58 AM EST
Khamiis, November, 01, 2018 (HOL)– Agaasimaha guud ee hay’adda Socdaalka iyo Jinsiyadda Soomaaliya,Maxamed Aadan Koofi ayaa maanta magaalada Nairobi kula kulmey dhiggiiisa dalka Kenya, kaddib martiqaad rasmi ah oo uu ka heley.

11/1/2018 10:49 AM EST
Khamiis, November, 01, 2018 (HOL) – Shirkii golaha wasiiradda Somaliland ayaa maanta lagaga dooday wada shaqaynta hay’adaha UN-ta iyo kuwoo caalamiga ah ee ka hawlgalla Somaliland, taas oo la isla qaatay in dib u eegis lagu sameeyo habka iyo hannaanka ay haya’adahaasi uga hawlgalaan Somaliland.

11/1/2018 10:34 AM EST
Khamiis, November, 01, 2018 (HOL)– Rag hubaysan ayaa weerarray xabsiga Minjir ee magaalada Boosaaso, halkaas oo ciidanka amniga Puntland galinkii hore ee maanta ay ku xireen nabadoon caan ka ah deegaannada Puntland.

11/1/2018 10:11 AM EST
Khamiis, November, 01, 2018 (HOL)– Diyaarad siday Gaari nooca aan xabaddu karin ayaa maanta ka degtay garoonka diyaaradaha Jen Maxamed Abshir ee magaalada Garoowe, sida ay xaqiijiyeen ilo ku dhow garoonka.

11/1/2018 9:39 AM EST
Khamiis, November, 01, 2018 (HOL)–Meaza Ashenafi oo ahayd qareen dhanka xuquuqda aadanaha ayaa loo doortay haweeneydii ugu horreysay oo madaxa ka noqoto maxkamadda ugu sarreysa dalka Itooiya

11/1/2018 7:51 AM EST
Khamiis, November, 01, 2018 (HOL) -Warar hor dhac ah ayaa ka soo baxay Qarax xoogan oo goor dhaw ka dhacay Waddada Maka Al-Mukarama ee magaalada Muqdisho

11/1/2018 7:00 AM EST
Khamiis, November, 01, 2018 (HOL)-Maxkamadda Darajada Koowaad ee Ciidamada Qalabka sida ayaa maanta xukun ku riday rag dhalinyaro ah oo lagu eedeeyay in ay dhac ka geysan jireen degmada C/casiis ee Gobolka Banaadir.

11/1/2018 6:45 AM EST
Khamiis, November, 01, 2018 (HOL)-Waxaa soo ifbaxaya shaqo la'aan baahsan oo ay ka cabanayaan milkiilayaasha gaadiidka xamuulka qaada ee ka howlgali jiray dekedda weyn ee magaalada Muqdisho, kuwaa cabashadooda u gudbiyay dowladda federaalka Soomaaliya.

11/1/2018 3:18 AM EST
Khamiis, November, 01 , 2018 (HOL)- Wasiirkii hore ee Madaxtooyada ee Madaxweyne Siilaanyo Maxamuud Xaashi Cabdi oo ahaa masuulkii bedelay markii uu is casilay Xirsi Cali Xaaji Xasan ayaa waxba kama jiraan ku tilmaamay cutubyo ka tirsan Buuga Miyi ilaa madaxtooyo oo wax lagaga sheegayey caafimaadka madaxweyne Siilaanyo.

11/1/2018 1:08 AM EST
Khamiis, November,01, 2018 (HOL) – Madaxweynaha Soomaaliya Maxamed Cabdullaahi Farmaajo oo khudbad u jeedinayay Jaaliyada Soomaaliyeed ee magaalada Jubba ee dalka Koonfur Suudaan ayaa weerar afka ah ku qaaday madaxda dowlad gobolleedyada dalka oo khilaaf xoogan uu kala dhaxeeeyo.