6/17/2018
Today from Hiiraan Online:  _
Wararka Maanta- Isniin, Jun 11, 2018
Kulan Duco iyo Xasuusin ah oo Minnesota loogu qabtay Marxuum M.Adan Terra




Isniin  Jun 11 2018 (HOL) Minnesota Kulan Duco iyo Xasuus ah ayaa loo qabtay Allaha u naxariistee Maxamed Adan Terra oo ka mid ahaa saxuufiyiinta iyo madaxdii warbaahinta Soomaaliya  oo dhawaan ku geeryooday dalka Ingiriiska shalay galabnimadii ayaa lagu qabtay Xarunta masjid Ummatu Islaam ee magaaladda Minneapolis.

Waxaa igu horeen ka hadlay imaamka Masaajidka Ummatu Islaam Sh Axmed Taajir oo u duceeyey Marxuumka in ilaah naxariisto jano siiyo ,waxuuna sheikh uu sheegay in Terra warbaahinta dalka ay si aad ah uga hadashay uu na ahaa nin taariikh ku leh dalka.

Macalin Saciid Saalax Axmed ayaa isaguna ka sheekeeyey waayahii Maxamed Adan Terra iyo inuu ahaa nin curiya barnaamijyo dhaxal galay ahaa ,kuwaas oo kaalin hore kaga jiray horemarka saxaafada dalka Soomaaliya  ayuu yiri Saciid Salaax.

Faadumo Hiirad Qalayax  oo aheed gabadhii ugu horaysay ee idaacad ka hadasha ayaa ku tilmaamtay Terra iyo dhalinyaro badan oo horaantii Todobonaadkii la qoray idaacada Raadiyow Muqdisho inay ahaayeen rag kaalin toodii warbaahinta ka soo baxay oo dalka iyo dadkuba ku diirsadeen, waxay Faadumo ku tilmaatay Terra nin lahaa cod soo jiidasho leh waxayna u tacsiyeeysay qoyskiisa iyo Umudda Soomaaliyeed.

Cabdiraxmaan Sh. Mursal oo isaguna ka mid ahaa wariyaasha Raadiyo Muqdisho ayaa ka hadlay kulanka kaga waramay kaalintii uu uga jiray Terra bahda Saxaafada kana sheekeeyey taariikhdiisii iyo sidii magaca Terra ugu baxay,isagoo ka sheekeeyey qisooyin dhacay xiligii kacaanka  ,waxuuna sheegay inuu ahaa nin shaqadiisa ka adag ,lagana jecel yahay .

Qabanqaabiyaha kulankaan Ustaad Cabdiqaadir Maxamed Mursal ayaa isagu kulanka ka hadlay isagoo waayahiisa ugu badnaa isla soo shaqeeyeen xusay shaqsiga uu ahaa Terra ,xiliyadii ay ka wada hawlgaleen Muqdisho iyo Nayroobi , ay ka wada aasaaseen Jar’aaid iyo waliba Idaacadii Iqra waxuuna sheegay inuu ahaa walaal aad ugu wayn shaqsi qaran ah ayuu ku sifeeyey Cabdiqaadir Maxamed Mursal cida uu ahaa Maxamed Aadan Terra.

ugu danbayntii waxaa isaguna ka shakeeyey Maxamed Adan Terra qayb ka mida taariikhdiisa saxaafi Axmed Yaasiin Salaad oo isaguna ka wada shaqeeeyn jireen idaacadii Iqra ee Nairobi ku taalay ,waxuuna ka xusay in Terra ahaa shaqsi afkiisa looga nabadgalaayey mihnadiisa na u isticmaalaalijiray sida saxda ah.

Siyad Said Salah

Hiiraan Online

[email protected]

Minneapolis MN







Click here
6/11/2018 2:10 PM EST
Isniin, June, 11, 2018 (HOL) – Munaasabadan oo ay soo qaban-qaabisay Wasaaradda Waxbarashada oo lagu soo bandhigay manhajka Waxbarashada Dugsiyada Hoose ee dalka gaar ahaan fasalada 1aad iyo 4aad ayaa waxaa ka soo qeybgalay Guddoomiyaha Aqalka Sare, Wasiirro, xildhibaanno, Aqaanyahanno, Culima’udiin iyo martisharaf kale.

6/11/2018 1:07 PM EST
Isniin, June, 11, 2018 (HOL)-Wasaaradda Cadaaladda, arrimaha diinta iyo dhaqan celinta Puntland ayaa ku wargelisay shirkadaha ka shaqeeya arrimaha xajka inay iska soo diiwaangaliyaan wasaaradda.

6/11/2018 12:07 PM EST
Isniin, June, 11, 2018 (HOL) -Hoggaanka howl-galka nabad ilaalinta Soomaaliya ee AMISOM ayaa ka walwal-san milateriga uu Marekanka ka saarayo Soomaaliya, taas oo ka dhigeysa amniga mid furan, sida laga soo xigtay taliyaha ciidanka Uganda ee qeybta ka ah howlgalka AMISOM, Paul Lokech.

6/11/2018 8:31 AM EST
Isniin, June, 11, 2018 (HOL)–Madaxweynaha dowlad gobolleedka Puntland C/weli Maxamed Cali Gaas ayaa guddoomiye cusub u magacaabay Sool oo dhawaan dagaallo kharaar ku dhaxmareen ciidamo ka kala tirsan maamullada Somaliland iyo Puntland.

6/11/2018 7:11 AM EST
Isniin, June, 11, 2018 (HOL)–Ra’iisul wasaaraha Itoobiya Abiy Ahmed Ali iyo wafdi uu hoggaaminayo ayaa booqasho rasmi ku jooga dalka Masar, waxaana wada hadalo uu la yeeshay Madaxweynaha Masar C/fataax Al Sisi.

6/11/2018 5:21 AM EST
Isniin, June, 11, 2018 (HOL)–Darawalada gadiidka Mooto Bajaajka ayaa maanta dibedbax cabasho ka dhigay Isgoyska KM4 ee magaalada Muqdisho, waxaana dibedbaxani uu hakad ku keenay isku socodka dadka iyo gadiidka waddada Maka Al-Mukarama.

6/11/2018 2:56 AM EST
Isniin, June, 11, 2018 (HOL) -Waxaa sii xoogeysanaya khilaafka siyaasiga ah ee u dhaxeeya maamul gobolleedka Galmudug oo muuqda in lagu guul-dareysto in wax laga qabto, iyadoo madaxweynaha iyo madaxweyne ku xigeenka Galmudug ay ku kala sugan yihiin magaalooyinka Dhuusa-mareeb iyo Cadaado.

6/11/2018 2:45 AM EST
Isniin, June, 11, 2018 (HOL) - Dowladda Talyaaniga ayaa diiday Markab soo badbaadiyay muhaajiriin inuu ku soo xirto Dekedaha dalkiisa, iyadoo tallaabadan ay noqoneyso tii u horeysay ee Talyaaniga ku hor-istaago qulqulka muhaajiriinta ka imaanaya dalka Libiya.

6/11/2018 2:39 AM EST
Isniin, June, 11, 2018 (HOL)-Madaxweynaha maamulka Jubbaland ee Soomaaliya Axmed Maxamed Islaam oo tagay deegaanada Gosha oo ay howlgalka ka wadaan ciidamada Jubbaland iyo kuwa xoogga dalka ayaa ku bogaadiyay ciidamada howlgalladooda ka dhnka ah Al-shabaab.

6/11/2018 2:20 AM EST
Isniin, June, 11, 2018 (HOL)-Faah faahin dheeraad ah ayaa ka soo baxaya baxaya dagaal xalay laba jeer ka dhacay deegaanka Siinka dheer ee duleedka magaalada Muqdisho kdadib weerar ay dagaalamayaasha Al-shabaab ku soo qaadeyn deegaankaasi.