Madaxweynaha Jubbaland oo ku bogaadiyay ciidamada howlgallada ka dhanka ah Al-shabaab
Isniin, June, 11, 2018 (HOL) - Madaxweynaha maamulka
Jubbaland ee Soomaaliya Axmed Maxamed
Islaam oo tagay deegaanada Gosha oo ay howlgalka ka wadaan ciidamada Jubbaland
iyo kuwa xoogga dalka ayaa ku bogaadiyay ciidamada howlgalladooda ka dhnka ah
Al-shabaab.
Madaxweyne Axmed Madoobe oo booqday deegaannadii
ay ka dhaceen dagaalladii ugu danbeeyay ee dhaxmaray ciidamada Jubbaland iyo Al-shabaab Al-shabaab ayaa ku
amaanay ciidamada howlgalka ay ku jiraan.
Deegannada uu madaxweynaha Jubbaland booqday kadib
waxaa uu kulan la qaatay Saraakiisha howlgalka hogaaminaysa isagoo amaanay sida
ay howsha u wadaan islamarkana loo baahan yahay in ay laba laabaan dadaalka ay
Al-shabaab kaga xoraynayaan deeganada gobolka.
Axmed Madoobe ayaa sheegay in wax walba oo
taakulo ah loo dhamaystiray ciidamada islamarkana hada ay si hagar la’aan ah u
gudanayaan howshii loo igmaday, waxaana uu ugu baaqay dadka ku nool deegaanada
laga xoraynayo Al-Shabaab in ay ciidamada soo dhaweeyaan oo ay garab istaagan.
Jicmihii aynu soo dhaafnay ayeey aheyd markii
xooggaga Al-shabaab ku dileen deegaanka Baar-Sanguuni ee gobolka Jubbada hoose
Askari Mareykanka ah oo ka bar bar dagaalamayay ciidamada dowladda iyo kuwa
Jubbaland.
C/raxmaan Diini, Hiiraan
Online
[email protected]
