3/29/2024
Today from Hiiraan Online:  _
Wararka Maanta- Isniin, Nov 3 , 2017
Somalia oo ka qayb-gashay shir-weynaha Guddiyada Olimbikada adduunka oo lagu soo Gaba-gabeeyay Prague


Jimco, November, 03, 2017 (HOL) -Guddiga Olimbikada Somalia ayaa magaalada Prague ee dalka Czech Republic uga qayb-galay shirka sanadlaha ah ee guddiyada  Olimbikada  adduunka, kaasi oo ay  ka soo qayb-galeen xubno matalayay wadamada caalamka.

Waxaa shirkan oo muddo seddex maalin ah socday  looga hadlay arimo muhiim ah oo la xiriira ciyaaraha olimbikada iyo sidii loo daryeeli lahaa ciyaar-yahanada caalamka marka ay gaaraan waqtiga howl-gabka.

Qorshahan ayaa la isla qaatay in uu si rasmi ah u dhaqan-galo inta la gaarayo sanadkan 2020-ka, waxaana goobta laga sheegay in dhibaatadan ay tahay mid haysata dhamaan ciyaar-yahanada adduunka qaybahooda kala duwan.

Somalia waxaa shirkan uga qayb-galayay gudoomiyaha xiriirka olimbikada mudane Cabdulaahi Axmed Tarabi iyo ku xigeenkiisa Ibraahim Abuukar Amiin ,waxaana kulankaas sidoo kale lagu xasuustay dhamaan hogaamiyayashi Sports-ka ee geeriyooday.

"Walaal shirkan waa kii 22-aad oo la qabto ayna ka soo qayb-galaan xubnaha ku jira guddiga olimbikada adduunka, ka Somalia ahaan ,waxaana kulamo gaar-gaar ah la qaadanay dhamaan madaxdii kulanka isugu yimid " ayuu yiri Gudoomiye Tarabi oo la hadlay HOL.

Waxa uu sheegay in xubnihii ay la kulmeen oo ay ku jirto guddiga olimbikada ee Qadar ay ka codsadeen sidii soomaaliya looga taageeri lahaa dhismaha garoomo caalami ah oo isugu jira qaybo kala duwan sida kuwa orodka ,kubadda cagta iyo waliba kuwa ciyaaraha fudud.

Madaxdii furitaanka shirkan ka hadashay waxaa kamid ah Thomas Batch oo ah madaxweynaha olimbikada iyo xubno kale oo ah oo uu ka yahay Shiekh Ahmed Al-fahad oo kamid ah madaxda guddiga Olimbikada adduunka.

Ugu danbayn, qodobada kale ee kulankan sanadlaha ah lagu soo hadal qaaday waxaa kamid ah musuq-muusaqa , xill xubno ka tirsan guddiga ay wali wajahayaan baaritaano la xiriira in ay ku kaceen musuq-maasuq intii ay xafiiska joogeen.

Faysal M. Hassan
[email protected]













Click here
11/3/2017 11:48 AM EST
Jimco, November, 03, 2017 (HOL) - Rabshado ayaa ka dhacay fagaaraha Bandhiga awooda doorashada KULMIYE oo ahayd maaiintii shanaad, kadib markii ay dhalinyaro gadoodsan shiid ka bilaabeen dadka isu soo baxay dhexdoodii.

11/3/2017 11:43 AM EST
Jimco, November, 03, 2017 (HOL) - Wararka naga soo gaaraya deegaanka lagu magacaabo Buqa ee buuraleyda Gobolka Bari ee Puntland ayaa sheegaya in xalay halkaasi ay ka dhacday duqeyn, loo maleynayo in lala beegsaday madaxda kooxda la baxday Garabka Daacish ee Soomaaliya oo uu hogaamiyo Cabdulqaadir Muumim.

11/3/2017 8:59 AM EST
Jimco, November, 03, 2017 (HOL) Guddoomiyaha Golaha shacabka Dowladda Soomaaliya Maxamed Sheikh Cusmaan Jawaari iyo Guddoomiyaha Baarlamaanka dalka Suudaan ayaa heshiis wada shaqeyn Labada Baarlamaan ku kala saxiixday Caasimada dalka Suudaan ee Khartuum.

11/3/2017 8:13 AM EST
Jimco, November, 03, 2017 (HOL) -Dekedda magaalada Bosaaso ayaa dib u shaqa bilowday ka dib muddo asbuuc ah oo ay xiranayd sababo la xiriira khilaaf soo kala dhex-galay madaxda shirkadda lagu wareejiyay dekedda iyo waliba ganacsatada gobolka.

11/3/2017 7:25 AM EST
Jimco, November, 03, 2017 (HOL) - Madaxweynah dowladda Soomaaliya Maxamed Cabdullaahi Farmaajo, ayaa kulan kula qaatay xarunta madaxtooyada Villa Soomaaliya wasiirada warfaafinta dowlad gobolleedyada dalka ka jira.

11/3/2017 6:19 AM EST
Jimco, November, 03, 2017 (HOL) -Magaalada Muqdisho waxaa wali ka soconaya shirka u dhaxeeya dowladda federaalka Soomaaliya iyo madaxda dowlad gobolleedyada oo dhaafay waqtigii loogu talagalay in lagu soo gabagabeeyo.

11/3/2017 5:25 AM EST
Jimco, November, 03, 2017 (HOL) – Magaalada Beledweyne ayaa hadda u muuqata mid gabi ahaanba laga waayay isticmaalka lacagta Shiling Soomaaliga, waxaana ay hadda dadku wax ku kala iibsadaan lacagta Dollar –ka, iyaga oo adeegsanaya Aalada lacagaha leysugu gudbiyo ee EVC Plus –ka

11/3/2017 2:13 AM EST
Jimco, November, 03, 2017 (HOL)-Ciwaanka uu madaxweynaha Maraykanka Donald Trump ku leeyahayTwitter-ka ayaa si kooban hawada looga saaray Khamiistii, laakiin intaas kaddib hawada ayuu dib ugu soo laabtay, sida ay sheegtay shirkada leh bartan ay bulshadu ku xiriirto.

11/3/2017 1:44 AM EST
Jimco, November, 03, 2017 (HOL)-Maamulka Puntland ayaa uga digay Soomaaliland in Sanaadiiqda codbixinta ee doorashada la geeyo deegaanno ka tirsan gobolladaSool iyo Sanaag, oo Puntland ay sheegtay in ay maamusho.

11/3/2017 1:30 AM EST
Jimco, November, 03, 2017 (HOL) -- Hay’adda lacagta aduunka ee IMF ayaa waxa ay sheegtay in sanadkan uu laba jibaarmo dhaqaalaha wadamada Afrika ee ka hooseeya saxaraha, kadib markii sanadkii hore uu kordhay 1.4%.

11/3/2017 1:23 AM EST
Jimco, November, 03, 2017 (HOL) -- Kulan looga hadlayay xaalada Amniga dalka oo uu shir guddoominayay madaxweynaha dowladda Soomaaliya ayaa looga wada hadlay qorshaha difaaca dalka, dagaalka ka dhanka ah Al-shabaab.