3/29/2024
Today from Hiiraan Online:  _
Wararka Maanta- Jimco, Nov 3 , 2017
IMF : Dhaqaalaha Africa waa uu kobcayaa

 

Jimco, November, 03, 2017 (HOL) -- Hay’adda lacagta aduunka ee IMF ayaa waxa ay sheegtay in sanadkan uu laba jibaarmo dhaqaalaha wadamada Afrika ee ka hooseeya saxaraha, kadib markii sanadkii hore uu kordhay 1.4%.

IMF ayaa saadaalisay sanadka 2018-ka in kororka dhaqaalaha uu gaari doono 3.4%, Saddex meelood meel dhaqaalaha wadamada Afrika ee ka hooseeya saxaraha ayaa kordhaya 5%.

Agaasimaha IMF ee Afrika ayaa sheegay inuusan ka fileyn wadamada kale in kororkooda dhaqaalahooda uu soo gaaro heerkan oo kale.

“Waxaa jiri doonta xaalad 12 ka mid ah 45-ta wadan ee ka hooseeya saxaraha dadka ku nool wadamadaasi aysan arki doonin wax koror ah oo ku yimaada daqligooda, waxaanu ka hadleynaa 40% dadweynaha”ayuu yiri Agaasimaha IMF ee Afrika.

Hay’adda IMF ayaa sidoo kale taabatay walaac isa soo taraya oo dadka ay ka qabaan deymaha caamka ah ee sii kordhaya oo haatan u dhigma 50%, wax soo saarka wadamada ka hooseeya saxaraha.

Sidoo kale IMF ayaa sheegtay in wadamadda Afrika ay u baahan yihiin inay ka fikiraan siyaasadooda dhaqaalaha si ay u helaan koror dhaqaale.

C/raxmaan Diini, Hiiraan Online
[email protected]













Click here
11/3/2017 4:43 PM EST
Jimco, November, 03, 2017 (HOL) -Guddiga Olimbikada Somalia ayaa magaalada Prague ee dalka Czech Republic uga qayb-galay shirka sanadlaha ah ee guddiyada Olimbikada adduunka, kaasi oo ay ka soo qayb-galeen xubno matalayay wadamada caalamka.

11/3/2017 11:48 AM EST
Jimco, November, 03, 2017 (HOL) - Rabshado ayaa ka dhacay fagaaraha Bandhiga awooda doorashada KULMIYE oo ahayd maaiintii shanaad, kadib markii ay dhalinyaro gadoodsan shiid ka bilaabeen dadka isu soo baxay dhexdoodii.

11/3/2017 11:43 AM EST
Jimco, November, 03, 2017 (HOL) - Wararka naga soo gaaraya deegaanka lagu magacaabo Buqa ee buuraleyda Gobolka Bari ee Puntland ayaa sheegaya in xalay halkaasi ay ka dhacday duqeyn, loo maleynayo in lala beegsaday madaxda kooxda la baxday Garabka Daacish ee Soomaaliya oo uu hogaamiyo Cabdulqaadir Muumim.

11/3/2017 8:59 AM EST
Jimco, November, 03, 2017 (HOL) Guddoomiyaha Golaha shacabka Dowladda Soomaaliya Maxamed Sheikh Cusmaan Jawaari iyo Guddoomiyaha Baarlamaanka dalka Suudaan ayaa heshiis wada shaqeyn Labada Baarlamaan ku kala saxiixday Caasimada dalka Suudaan ee Khartuum.

11/3/2017 8:13 AM EST
Jimco, November, 03, 2017 (HOL) -Dekedda magaalada Bosaaso ayaa dib u shaqa bilowday ka dib muddo asbuuc ah oo ay xiranayd sababo la xiriira khilaaf soo kala dhex-galay madaxda shirkadda lagu wareejiyay dekedda iyo waliba ganacsatada gobolka.

11/3/2017 7:25 AM EST
Jimco, November, 03, 2017 (HOL) - Madaxweynah dowladda Soomaaliya Maxamed Cabdullaahi Farmaajo, ayaa kulan kula qaatay xarunta madaxtooyada Villa Soomaaliya wasiirada warfaafinta dowlad gobolleedyada dalka ka jira.

11/3/2017 6:19 AM EST
Jimco, November, 03, 2017 (HOL) -Magaalada Muqdisho waxaa wali ka soconaya shirka u dhaxeeya dowladda federaalka Soomaaliya iyo madaxda dowlad gobolleedyada oo dhaafay waqtigii loogu talagalay in lagu soo gabagabeeyo.

11/3/2017 5:25 AM EST
Jimco, November, 03, 2017 (HOL) – Magaalada Beledweyne ayaa hadda u muuqata mid gabi ahaanba laga waayay isticmaalka lacagta Shiling Soomaaliga, waxaana ay hadda dadku wax ku kala iibsadaan lacagta Dollar –ka, iyaga oo adeegsanaya Aalada lacagaha leysugu gudbiyo ee EVC Plus –ka

11/3/2017 2:13 AM EST
Jimco, November, 03, 2017 (HOL)-Ciwaanka uu madaxweynaha Maraykanka Donald Trump ku leeyahayTwitter-ka ayaa si kooban hawada looga saaray Khamiistii, laakiin intaas kaddib hawada ayuu dib ugu soo laabtay, sida ay sheegtay shirkada leh bartan ay bulshadu ku xiriirto.

11/3/2017 1:44 AM EST
Jimco, November, 03, 2017 (HOL)-Maamulka Puntland ayaa uga digay Soomaaliland in Sanaadiiqda codbixinta ee doorashada la geeyo deegaanno ka tirsan gobolladaSool iyo Sanaag, oo Puntland ay sheegtay in ay maamusho.

11/3/2017 1:23 AM EST
Jimco, November, 03, 2017 (HOL) -- Kulan looga hadlayay xaalada Amniga dalka oo uu shir guddoominayay madaxweynaha dowladda Soomaaliya ayaa looga wada hadlay qorshaha difaaca dalka, dagaalka ka dhanka ah Al-shabaab.