3/29/2024
Today from Hiiraan Online:  _
Wararka Maanta- Arbaco, Nov 6 , 2013
Itoobiya oo Heegan gelisay Ciidankeeda Ammaanka iyadoo baqdin ka qabta Weerarro kaga yimaada Kooxda Al-shabaab

Arbaco, November 06, 2013 (HOL) — Dowladda Itoobiya ayaa heegan buuxa gelisay ciidamadeeda ammaanka kaddib markii ay sheegtay inay soo baxeen warar sheegaya in Xarakada Al-shabaab ee Soomaaliya ay qorsheynayso in weerarro argagaxiso ay ka geysato dalkeeda.

Hadalkan ayaa wuxuu soo baxayaa kaddib saddex toddobaad markii qarax uu ka dhacay xaafadda Bole ee magaalada Addis Ababa, kaasoo dilay laba qof oo la sheegay inay Soomaali ahaayeen oo diyaarinayay qaraxa.

Al-shabaab ayaa horay ugu hanjabtay inay dalka Itoobiya ka geysanayso weerarro ay uga jawaabayso ciidamada ay u soo direen si ay xoogaggeeda ula dagaalamaan, sidoo kalena waxay ku hanjabeen inay qaraxyo ka geysan doonaan dalalka Uganda, Burundi iyo Kenya oo ay ciidammo ka joogaan Soomaaliya.

“Waxaa jira calaamado waaweyn oo muujinaya in kooxda Al-shabaab iyo kuwo kale oo argagaxiso ah oo ay taageerayso Eritrea ay doonayaan inay weerarro argagaxiso ka geystaan dalkeenna,” ayaa lagu sheegay war-saxaafadeed ay si wadajir ah u soo saareen hay’adda nabad-sugidda iyo ciidanka booliiska Itoobiya.

Xukuumadda Addis Ababa ayaa inta badan eedeymo u jeedisa dowladda ay dariska yihiin ee Eritrea, taasoo uu kala dhexeeyo dagaal sannado badan socda, inkastoo xukuumadda Asmara ay dhowr jeer oo hore beenisay inay taageerto Al-shabaab iyo kooxo kale oo argagaxiso ah.

Warsaxaafadeedka ay soo saareen hay’adaha ammaanka Itoobiya oo laga sii daayay telefishinka dalkaas ayaa lagu sheegay in ciidamada booliiska iyo kuwa nabad-sugiddu ay heegan buuxa ku jiraan, si ay uga hortagaan khatar la sheegay inay soo wajahan tahay.

Sidoo kale, warsaxaafadeedka ayaa lagu sheegay in shaqaalaha hoteellada iyo maamulayaashooduba ay iska xaqiijiyaan sharciyada ay wataan dadka booqashada ku imaanaya dalka Itoobiya.

Ciidamada ilaalada xuduudaha iyo kuwa jooga koontaroollada dalkaas ayaa lagu wargeliyay inay adkeeyaan baaritaannada, si ay san u dhicin baa lagu yiri war-saxaafadeedka in kooxo xag-jiriin ay soo galaan dalkooda.

Bishii September ee sannadkan ayay ahayd markii xoogag taabacsan ururka Al-shabaab ay weerar ku qabsadeen dhismaha ganacsiga Westgate Mall ee magaalada Nairobi, halkaas oo ay gacanta ku hayeen muddo afar maalmood ah, ayna ku dileen 67-qof.

Dowladda Itoobiya ayaa sheegtay inay fashilisay dhowr weerar oo ay kooxda Al-shabaab doonaysay inay ka gysato gudaha dalkeeda. Waxaana si aad ah loo adkeeyay ammaanka magaalada xarunta ah ee Addis Ababa.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
11/6/2013 1:19 PM EST
Arbaco, November 06, 2013 (HOL) — Cabdi Warsame iyo Axmed Xasan oo ka mid ah Soomaalida ku nool dalka Mareykanka ayaa noqday Soomaalidii ugu horreysay oo ku guuleysta golayaasha deegaanka Mareykanka, kaddib markii ay heleen codad ku filan guushooda.

11/6/2013 12:25 PM EST
Arbaco, November 06, 2013 (HOL) — Madaxweynaha Soomaaliya, Xasan Sh. Maxamud ayaa goobta shirka ka jeediyay khudbad uu dhinacyo badan kaga hadlay, isagoo sheegay in shacabka Jubbooyinka laga doonayo inay iyagu ka shaqeeyaan nabadooda.

11/6/2013 12:12 PM EST
Arbaco, November 06, 2013 (HOL) — Xildhibaanadda golaha Wakiiladda ayaa maanta soo dhoweeyey Wefti ballaadhan oo ka socda Baarlamaanka iyo dawladda Kenya oo socdaal shaqo ku yimid Somaliland.

11/6/2013 12:08 PM EST
Arbaco, November 06, 2013 (HOL) — Madaxweynaha Soomaaliya oo maanta booqasho ku tagay degmada Jowhar ee xarunta gobolka Shabeellada dhexe ayaa ka dalbaday beesha caalamka iyo shacabka Soomaaliyeed inay kaalmo deg-deg ah u fidiyaan shacabka uu sameeyay fatahaada webiga Shabeelle.

11/6/2013 9:34 AM EST
Arbaco, November 06, 2013 (HOL) — Iyadoo maanta lagu soo gunaanaday Muqdisho shirweynihii dib u heshiisiinta gobollada Jubbooyinka ayaa waxaa laga soo saaray war-murtiyeed, kaasoo u qornaa sidan:

11/6/2013 8:50 AM EST
Arbaco, November 06, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) ayaa sheegay in Soomaaliya aan lagu xallin karin xilligan dagaal iyo awood, balse lagu xallin karo wadahadal.

11/6/2013 8:31 AM EST
Arbaco, November 06, 2013 (HOL) — Shirkii dib u heshiisiinta Jubbooyinka oo ka socday Muqdisho saddexdii maalmood ee lasoo dhaafay ayaa maanta lasoo gabagabeeyay, inkastoo uu buuq ka dhashay lana xalliyay.

11/6/2013 8:15 AM EST
Arbaco, November 06, 2013 (HOL) — Madaxweynaha Soomaaliya iyo wafdi uu horkacayo ayaa safar ku tagay maanta degmada Jowhar ee gobolka Shabeellada dhexe, halkaasoo uu ka fatahay webiga Shabeelle.

11/6/2013 8:04 AM EST
Arbaco, November 06, 2013 (HOL) — Gellinkii dambe ee maanta ayaa lagu soo gabagabeeyay Muqdisho shirkii gobollada Jubbooyinka uga socday Muqdisho, inkastoo xafladdii xiritaanka shirkaas uu buuq hareeyay.

11/6/2013 6:33 AM EST
Arbaco, November 06, 2013 (HOL) —Xildhibaanad Saado Cali Warsame oo ka tirsan mudaneyaasha baarlamaanka Soomaaliya, ayaa ka hadashay arrimo badan oo khuseeya doorashada soo socota ee Puntland iyo weliba baaq ay dhowaan soo saareen qaar kamid ah isimada iyo waxgaradka gobollada Sool, Sanaag iyo Cayn.

11/6/2013 1:44 AM EST
Arbaco, November 06, 2013 (HOL) — Madaxweynaha Soomaaliya, Xasan Sh. Maxamuud oo xalay casho sharaf ugu sameeyay xarunta madaxtooyada ergada ka qaybgalaysa shirka dib u heshiisiinta Jubbooyinka ayaa sheegay in hadafkooda uu yahay inay nabad iyo maamul wanaag ka hirgasho dhammaan gobollada Soomaaliya.