11/22/2019
Today from Hiiraan Online:  _
Wararka Maanta- Arbaco, Jun 26, 2013
Soomaalida ku nool Dalka Kenya oo u Diyaar-garoobaya Xuska 1-da Luuliyo oo ku beegan markii ay Xorowday Soomaaliya


5360c25f9fe224551890767f481f3948.jpg
Arbaco, June 26, 2013 (HOL) - Dalka Kenya oo ay ku noolyihiin boqollaal kun oo Soomaali ah ayaa laga dareemayaa diyaar garow xoogan oo loogu jiro xuska maalinta 1-da Luuliyo oo ah markii ay gobollada koonfureed ee Soomaaliya ay xoreebeen isla markaana ay isku biireen waqooyiga iyo koonfurta.

Waxaana diyaar garow sidoo kale uu ka socdaa safaarada Soomaalida ee magaalada Nairobi oo sheegtay inay qaban doonaan xaflad lagu maamuusayo maalintan ku wayn ummada Soomaaliyeed.

Safiirka Soomaaliya u fadhiya dalka Kenya Maxamed Cali nuur (Ameeriko) oo warbaahinta la hadlay ayaa hambalyo u diray dhammaan Soomaalida, isagoo ku tilmaamay todobaadkan inuu yahay todobaadka Soomaalida.

" 26-ka bishan waa maalintii ay xoroobeen gobollada waqooyi, 27ka bishan waa markii ay xoroobeen walaalaheenna reer Jabuuti, 1-da Luuliyana waa maalintii ay xoroobeen gobollada koonfureed uuna dhacay midowgii gobollada Soomaaliya" ayuu yiri danjiruhu.

Safiirka ayaa sidoo kale hambalyo gaar ah u diray Soomaalida ku nool dalka Kenya oo dhan.

"Waan bilownay diyaar garowgii waxaanan ugu baaqaynaa dhammaan Soomaalida ku nool waddanka Kenya inay isu diyaariyaan xuska maalintaas sharafta badan ee aynu noqonay waddan calankiisii uu caalamka ka babaday" ayuu sii raaciyay.

Soomaalida ku nool dalka Kenya ayaa intooda badan bilaabay iibsiga calamada buluuga ah iyo maryo lagu xardhay calanka oo laga soo gadanayo goobaha laga dukaamaysto.

"Sannadkan sanadihii hore waa uu ka farxad badanyahay, wuxuuna ku soo aaday Soomaaliya oo cagaheeda isku taagtay oo noqotay waddan soo ceshaday qaranimadiisii iyo aqoonsi caalami ah" ayuu yiri Danjire Cali Ameeriko.

Axmed C/samad, Hiiraan Online
[email protected]
Nairobi, Kenya








Click here
6/26/2013 3:46 PM EST
Arbaco, Juun 26, 2013 (HOL) — Madaxweynaha Somaliland, Axmed Max'ed Maxamuud (Siilaanyo) oo ka hadlayay caawa xaflad lagu xusayo 53-sano guuradii kasoo wareegtay markii gobollada waqooyiga ee Soomaaliya ay ka xoroobeen gumeysigii Ingiriiska oo ka dhacaysa madxtooyada Somaliland ayaa sheegay in gooni-isku-taagga Somaliland uu ku yimid rabitaanka shacabka oo aan laga laaban karin.

6/26/2013 1:55 PM EST
Arbaco, June 26, 2013(HOL)— Xoghayaha guud ee Guddiga Olombikada Soomaaliyeed Duran Ahmed Faarax ayaa maanta magaalada Muqdisho kula kulmay ku xigeenka Xoghayaha guud ee Qarammada Midoobay ee arrimaha Soomaaliya Nicholas Kay waxaana ay ka wada hadleen arrimo dhowr ah oo ay ka mid tahay in ciidamada laga saaro Tuulada Isboortiga ee Muqdisho iyo in Qaramada Midoobay Isbortiga u adeegsado qeyb ka mida nabadeynta Soomaaliya.

6/26/2013 12:36 PM EST
Arbaco, Juun 26, 2013 (HOL) — Dagaalkii maanta ka qarxay Kismaayo ayaa si iskiis ah u joogsaday marqibnimadii caawa iyadoo weli magaalada ay ka jiraan xiisado colaadeed oo u dhexeeyay dhinacyadii dagaalamay.

6/26/2013 12:09 PM EST
Arbaco, Juun 26, 2013 (HOL) — Soomaaliya ayaa lagu wadaa inay yeelato lacag ka duwan midda hadda la isticmaalo si ay uga baxdo ciriiriga dhaqaale haysta, sida uu sheegay sarkaal ka tirsan ha’yadda lacagta adduunka ee IMF oo ka mid ahaa saraakiil Nairobi kula kulmay mas’uuliyiin Soomaali ah.

6/26/2013 11:33 AM EST
Soomaalida ku nool dalka Kenya oo markii hore ganacsiyadoodu u badnaayeen magaalada Nairobi, gaar ahaanna xaafada Islii ayaa haatan aad moodaa inay aad u maalgashayaan magaalada Mombasa ee gobolka xeebta ah ee Kenya.

6/26/2013 11:19 AM EST
Arbaco, Juun 26, 2013 (HOL) — Madaxweynaha Soomaaliya, Xasan Sheekh Maxamud oo maanta xarunta madaxtooyada Soomaaliya kula kulmay wafdi ka socday Midowga Yurub ayaa sheegay in shirka Brussels lagu qaban doono 16-ka bisha September ee sannadkan 2013 uu muhiimad weyn u leeyahay Soomaaliya.

6/26/2013 11:19 AM EST
Arbaco, Juun 26, 2013 (HOL) — Ra'iisal wasaaraha Somalia, Cabdi Faarax Shirdoon (Saacid) oo maanta si rasmi ah u furay kulankii guddi hoosaadka heshiiska caalamka ee loo yaqaano New Deal ayaa muujiyay sida weyn ee loogu han-weyn yahay shirka Brussels ee qorshahan lagu fariisin doono.

6/26/2013 9:37 AM EST
Arbaco, Juun 26, 2013 (HOL) — Dood-cilmiyeed uu cinwaankiisu ahaa “Fluid movement across capillary membrane from bench side to bedside” oo lagu sharxay sida ay dareerayaashu ugu dhaqaaqaan gudaha jirka aadanaha iyo saamaynta ay ku leeyihiin caafimaadka ayaa maanta lugu qabtay hoolka siminaarrada ee Jaamacadda Jamhuriya of science and technology (JUST) ee magaalada Muqdisho.

6/26/2013 8:49 AM EST
Arbaco, Juun 26, 2013 (HOL) — Guddoomiyaha maamulka gobolka Hiiraan Cabdi Faarax Laqanyo ayaa u dirray shacabka Soomaaliyeed hambalyo ku aadan 53 sano guuradii ka soo wareegtay markii ay gobollada W/qooyi ee Soomaaliya ka xorroobeen gumeystihii Ingariiska, islamarkaana la taagay ama la surray calanka Jamhuuriyada Soomaaliya.

6/26/2013 8:33 AM EST
Arbaco, Juun 26, 2013 (HOL) — Dagaal culus ayaa goor-dhow ka qarxay gudaha magaalada Kismaayo ee xarunta gobolka Jubbada Hoose, kaasoo u dhexeeya maleeshiyooyin magaalada kuwada sugan, iyadoo ay xirmeen guud ahaan isku socodkii magaalada iyo ganacsigii.

6/26/2013 8:22 AM EST
Arbaco, Juun 26, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay inay Somaliland u sameynayaan wax walba oo la awoodi karo oo tanaasul ah si loo helo Soomaaliya oo mid ah, kaddib hadal uu ka jeediyay munaasabad lagu maamuusayay 26-ka Juun oo xalay lagu qabtay xarunta madaxtooyada Soomaaliya.

6/26/2013 8:02 AM EST
Arbaco, Juun 26, 2013 (HOL) — Wafdiga uu horkacayo wasiirrka difaaca xukuumada Soomaaliya C/xakiin Xaaji Max'uud Fiqi, safiirka dowladda Jabuuti, mas'uuliyiinta maamulka gobolka Hiiraan, saraakiisha ciidamada Jabuuti iyo dadweyne isaga kala yimid xaafadaha magaalada Baladweyne ayaa galinkii danbe ee maalintii shalay ka wada qeyb-gallay daawashada gabadbada tartanka kubada cagta oo maalmihii ugu danbeeyay ka soconayay magaalada Baladweyne.

6/26/2013 7:00 AM EST
Arbaco, Juun 26, 2013 (HOL) — Sheekh Xasan Daahir Aweys oo maalmo ka hor ka goostay Al-shabaab ayaa kulammo kula leh degmada Cadaado ee gobolka Galguduud mas’uuliyiin ka tirsan maamulka Ximan iyo Xeeb oo ay degmadaas xarun u tahay.

6/26/2013 3:54 AM EST
Talaado, Juun 26, 2013 (HOL) — Marka la gaaro dabayaaqada bisha Juun ee sanad walba waxaa lagu qabtaa Gobolka Minnesota ee dalka Mareykanka oo ay Soomaali fara badan deggen yihiin tartammo isboorti oo lagu xusayo maalmaha xoriyada Soomaaliyeed.

6/26/2013 2:33 AM EST
Arbaco, Juun 26, 2013 (HOL) — Mudanaasabad lagu xusayay maalintii xorriyadda gobollada waqooyi ee Soomaaliya oo ku beegnayd 26-ka Juun, 1960-kii ayaa xalay lagu qabtay madaxtooyada Soomaaliya, taas oo ay kasoo qaybgaleen mas'uuliyiinta dowladda iyo dadweyne kale oo fara badan.

6/26/2013 12:49 AM EST
Arbaco, June 26, 2013(HOL) :- Maamulka Ximin iyo Xeeb ayaa shaaciyay in xalay saqdii dhexe uu isu soo dhiibay Sheekh Xasan Daahir Aweys oo xubin ka ahaa ururka Al-shabaab islamarkaana hore u hogaamin jiray ururkii burburay ee la magac baxay Xizbul Islaam.