3/28/2024
Today from Hiiraan Online:  _
Wararka Maanta- Arbaco, Aug 28, 2013
Qoxootiga Soomaaliyeed ee ku jira Xeryaha Qoxootiga Dhadahaab ee Dalka Kenya oo dooranaya Hoggaamiyeyaal cusub


Arbaco, August 28, 2013 (HOL) — Qoxootiga Soomaalida ee ku jira xeryaha Dhadhaab ee Kenya ayaa toddobaadkan dooranaya hoggaamiyeyaal cusub, xilli ay dowladda Kenya qorsheynayso in qoxootiga dib loogu celiyo dalkooda Soomaaliya.

In ka badan 160,000 oo qoxooti Soomaaliyeed ah oo ku jira Dhadhaab ayaa waxay dooranayaan 1,000 hoggaamiyeyaal cusub ah oo lagu wado inay hoggaanka u qabtaan qoxootiga ku jira xeryahaas, iyadoo doorashada lasoo gabagabeynayo berri oo Khamiis ah.

Murashaxiinta waxay ku tartami doonaan maamulka qaybo kala duwan oo ka mid ah kaamamka, iyadoo lagu wado in jago kasta ay kusoo baxaan qof dumar ah iyo qof rag ah oo ku shaqeyn doona si mutadawacnimo ah.

Doorashadan ayaa waxaa soo agaasintay waaxda arrimaha qoxootiga ee dalka Kenya oo kaashanaysa hay‘adda UNHCR iyo hay’ado kale oo iyaguna bixinaya kharashaadka ku baxaya doroashada.

Nyberg oo u hadlay UNHCR ayaa sheegay in 50% cod-bixiyeesha ay ka imaan doonaan hal kaam. Sidoo kalena la filayo in doorashadan ay si aad ah uga wanaagsanaato tii dhacday sannadkii 2006.

“Waa tallaabo aad u wanaagsan in shalay la doortay hoggaamiyeyaasha kaamka IFO II oo ka mid ah kaamamka Dhadhaaab-Kenya. Waana kuwo cusub, waxayna diyaar u yihiin inay ka shaqeynayaan horumarinta IFO II,” ayuu yiri Nyberg.

Qoxooti ku dhow nus malyuun qof oo Soomaali ah ayaa xilligan ku jira xeryaha qoxootiga Dhadhaab ee dalka Kenya, kuwaasoo ah kuwa ugu weyn  dunida, waxaana qoxootiga ay halkaas ku jireen muddo ka badan 20-sano.

“Tiro badan oo ka mid ah qoxootigan weligood codkooda ka dhiiban goob ay ka dhacayso doorasho hadda ka hor, waayo waxay kasoo barakaaceen dalka Soomaaliya,” ayuu yiri Nyberg oo intaas ku daray. “Qoxootigan 100,000 oo ka mid ah waxay xeryaha soo galeen labadii sano ee ugu dambeysay, iyagoo dalkooda uga soo cararay dagaallo iyo abaaro ku dhuftay. Sidaa daraadeed doorashadan waxay ka faa’iideysanayaan inay bartaan dimuqraadiyadda.”

Dhanka kale, waxaa lagu wadaa in maalmaha soo socda Nairobi lagu qabto shir looga hadlayo dib u celinta qoxootiga Soomaalida ah ee kujira xeryaha Dhadhaab, kaasoo ay ka qaybgalayaan madaxweynayaasha labada dal.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/28/2013 2:25 PM EST
Arbaco, August 28, 2013 (HOL) — Buuq looga soo horjeedo madaxweyne ku xigeenka maamulka Puntland, Jen. C/samad Cali Shire ayaa maanta ka dhacay magaalada Taleex ee gobolka Sool, xilli uu la socday madaxweyne ku xigeenka maamulka Khaatumo.

8/28/2013 1:15 PM EST
Arbaco, August 28, 2013 (HOL) — Hoggaamiyaha maamulka KMG ah ee loo sameynayo gobollada Jubbooyinka iyo Gedo, Sheekh Axmed Madoobe ayaa sheegay in hirgelidda heshiiskan uu sabab u ahaa madaxweynaha Somalia, Xasan Sheekh Maxamuud oo mar walba ku boorrinayay ergooyinka inaan la kala tegin ee heshiis laga gaaro khilaafka jira.

8/28/2013 11:24 AM EST
Arbaco, August 28, 2013 (HOL) — Madaxweynaha dowladda Soomaaliya, Xasan Sheekh Maxamuud ayaa maanta kormeeray taliska cusub ee qaybta 12-ka Abriil ee ciidanka xoogga dalka iyo taliska guud wasaaradda gaashaandhigga Soomaaliya.

8/28/2013 11:16 AM EST
Arbaco, August 28, 2013 (HOL) — Madaxwaynaha Somaliland, Axmed Maxamed Maxamuud (Siilaanyo) iyo wafdi uu hoggaaminayo ayaa si diirran loogu soo dhaweeyay magaalada Boorama ee gobolka Awdal, iyadoo sidoo kale lagu soo dhaweeyay deegaanka Dilla halkaasoo ay muddo ku nasteen hadallo soo dhaweyn ahna ay kaga dhageysteen dadka deegankaas.

8/28/2013 10:14 AM EST
Arbaco, August 28, 2013 (HOL) — Dowladda Soomaaliya iyo maamulka Jubbaland ayaa goor-dhow heshiis dhowr qodob ka kooban ku kala saxiixday magaalada Addis Ababa ee xarunta Itoobiya, halkaasoo toddobaadyadii lasoo dhaafay ay ku lahaayeen kulammo.

8/28/2013 10:11 AM EST
Arbaco, August 28, 2013 (HOL) — Kooxda kubadda Kollayga ee magaca Ciidaanka Asluubta Somaliland ku ciyaarta, ayaa shalay kaga badiyey kooxda magaca Caasimadda Jabuuti ku ciyaarta 58 dhibcood, halka kooxda Jabuutina keensatay 48 dhibcood.

8/28/2013 10:10 AM EST
Arbaco, August 28, 2013 (HOL) — Ururka Islaax ayaa guddoomiyaha shanta sano ee soo socota u doortay Dr. Cali Baashir Cumar Rooraaye oo mudadii lasoo dhaafay xilkan hayay, iyadoo Alle looga baryay inuu xilkiisan cusub u fududeeyo.

8/28/2013 9:04 AM EST
Arbaco, August 28, 2013 (HOL) — Dalka Marykanka oo dhan ayaa maanta laga xusayaa Martin Luther King oo ahaa nin madow oo jeediyay khudbad saameyn xooggan yeelatay oo uu jeediyay sannadkii 1963-kii taasoo ahayd (I have a Dream) oo macnaheedu yahay waan riyoonaayaa.

8/28/2013 8:45 AM EST
Arbaco, August 28, 2013 (HOL) — Wasiirka arrimaha dibadda ee Shiinaha, Wang Yi ayaa sheegay in dalkiisa uu xiriir dhow oo dhinaca dhaqalaaha iyo ganacsiga ah la yeelanayo Soomaaliya, isagoo xusay inay ka qaybqaadan doonaan dib u dhiska Soomaaliya.

8/28/2013 7:38 AM EST
Arbaco, August 28, 2013 (HOL) — Shir saddex maalmood socday oo looga hadlayay dib u dhiska iyo xoojinta dowladda Soomaaliya ayaa lagu soo gabagabeeyay magaalada Addis Ababa ee xarunta dalka Itoobiya, kaasoo ay ka qaybgaleen aqoonyahanno Soomaaliyeed iyo khuburro caalami ah.

8/28/2013 7:12 AM EST
Arbaco, August 28, 2013 (HOL) — Kulan looga hadlayay ammaanka Muqdisho ayaa maanta ka dhacay dugsiga tababarka booliiska Soomaaliya ee magaalada Muqdisho, kaasoo ay ka qaybgaleen mas’uuliyiin dowladda ka tirsan iyo dadweyne fara badan.

8/28/2013 7:11 AM EST
Arbaco, August 28, 2013 (HOL) — Maamulka gobolka Shabeellada Hoose ee dowladda Soomaaliya ayaa dalbaday in ciidamada milateriga laga saaro guud ahaan gobolka, lana geeyo ciidammo booliis iyo nabad ah si ay amniga u xaqiijiyaan.

8/28/2013 6:57 AM EST
Arbaco, August 28, 2013 (HOL) — Howlgallo lagu qabqabtay dad fara badan ayay maanta ciidamada dowladda Soomaaliya ka sameeyeen degmooyin ka tirsan gobolka Banaadir, iyadoo saraakiisha dowladdu ay sheegeen in howl-galladan ay yihiin kuwo looga hortagayo weerarrada argagaxiso ee kooxda Al-shabaab ay ka geysanayso Soomaaliya.

8/28/2013 5:26 AM EST
Arbaco, August 28, 2013 (HOL) — Shirkii toddobaadyadan uga socday magaalada Addis Ababa ee dalka Itoobiya ergooyin ka kala socday dowladda Somalia iyo maamulka Jubbaland ayaa lagu gaaray heshiis buuxa, iyadoo lagu wado in ergooyinka ay si rasmi ah u saxiixaan heshiiskan gellinka dambe ee maanta oo Arbaco ah.

8/28/2013 2:24 AM EST
Arbaco, August 28, 2013 (HOL) — Waxaa lagu wadaa in maanta barqdii ay soo cago-dhigato garoonka diyaaradaha Muqdisho diyaarad weyn oo dalka Turkiga laga leeyahay, taasoo aan horay u imaan magaalada Muqdisho.

8/28/2013 1:55 AM EST
Arbaco, August 28, 2013 (HOL) — Wasiirka difaacaddda dowladda Soomaaliya, C/xakiin Maxamuud Xaaji Fiqi ayaa sheegay in wasaaraddiisu ay fulisay qorshaha mushaar kordhinta ciidamada dowladda oo dhawaan uu ansixiyay baarlamaanka Soomaaliya.