3/29/2024
Today from Hiiraan Online:  _
Wararka Maanta- Arbaco, Aug 28, 2013
Dowladda Soomaaliya iyo Maamulkii Jubbaland oo heshiis ku kala saxiixday Magaalada Addis Ababa ee Dalka Itoobiya (SAWIRRO)

IMG_3269.jpgArbaco, August 28, 2013 (HOL) — Dowladda Soomaaliya iyo maamulka Jubbaland ayaa goor-dhow heshiis dhowr qodob ka kooban ku kala saxiixday magaalada Addis Ababa ee xarunta Itoobiya, halkaasoo toddobaadyadii lasoo dhaafay ay ku lahaayeen kulammo.

Heshiiskan ayaa wuxuu dhigayaa in ciidamada maamulkii Jubbaland ee ku sugan Kismaayo la qarameeyo iyo in maamulkan oo ah mid KMG ah uu jiro muddo laba sano ah, kaddibna la sameeyo maamul rasmi ah oo gobolladaas ay yeeshaan.

“Qodobbada lagu heshiiyay waxaa ka mid ah in maamulkan KMG ah ee lagu magacaabo Jubba uu hoggaamiyo, Sheekh Axmed Maxamed Islaam (Sheekh Axmed Madoobe) iyo in shir dib u heshiisiin ah lagu qabo Muqdisho,” ayuu yiri xildhibaan C/raxmaan Xoosh Jabriil oo u warramayay VOA-da.

Xildhibaanku wuxuu hadalkiisa ku daray in wasiir u dowlaha madaxtooyada Soomaaliya, Faarax C/qaadir oo ergooyinka dowladda hoggaaminayay iyo Sheekh Axmed Madoobe oo dhinaca hoggaaminayay inay ka dhawaajiyeen in shirka Muqdisho kaddib shir labaad oo midkan daba socda lagu qaban doono magaalada Kismayo ee gobolka Jubbada Hoose.

Maamulka dekedda magaalada Kismaayo ayaa waxaa muddo lix bilood ah haynaya maamulka KMG ah ee cusub, iyadoo xildhibaanku uu sheegay in lagu soo wareejin doono maamulka garoonka diyaaradaha dowladda Soomaaliya muddo 30-maalmood ah kaddib.

“Heshiiska waxaa ka mid ah in Sheekh Axmed Madoobe uu soo magacaabo guddoomiyeyaasha saddexda gobola ee Jubbada hoose, Jubbada dhexe iyo gobolka Gedo, lana dhiso guddi sida baarlamaan oo kale u shaqeynaya,” ayuu xildhibaan Xoosh hadalkiisa raaciyay.

IMG_3223.jpg

Saxiixa heshiiskan ayaa waxaa goobjoog ka ahaa ergayga gaarka ah ee UN-ka u qaabilsan arrimaha Soomaaliya, Nicholas Kay, xubno ka socda beesha caalamka, wasiirka arrimaha dibadda Itoobiya iyo mas’uuliyiinta IGAD.

Xildhibaanka oo ka jawaabayay su’aal ahayd sida ay dowladda Soomaaliya u aqoonsanayso maamulka KMG ah ee cusub ayaa sheegay inuu yahay mid ka jira gobollada saddexda ah oo keliya. Isagoo ka gaabsaday inuu su’aashan ka bixiyo faahfaahin dheeraad ah.

Hirgelinta qodobbada heshiiskan ayuu sheegay inay kor kala soconayso sida ay u fulaan urur goboleedka IGAD, wuxuuna xusay in farxadi ay hareysay goobta uu saxiixa heshiiskan ka dhacayay.

Dhinaca maamulka Jubbaland ma jirto cid u hadashay oo sheegtay sida ay u arkaan heshiiskan ay la galeen dowladda Soomaaliya, iyadoo heshiiskan uu soo afjarayo muran siyaasadeed muddo bilooyin ah u dhexeeyay dowladda Soomaaliya iyo maamulka Jubbaland oo bishii May ee sannadkan Kismaayo looga dhawaaqay.

image (1).jpg
10892_10200834732045002_1316536163_n.jpg
IMG_3212.jpg
IMG_3183.jpg
IMG_3192.jpg
IMG_3211 (2).jpg
IMG_3196.jpg
IMG_3175.jpg
image (2).jpg
IMG_3176.jpg

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/28/2013 2:25 PM EST
Arbaco, August 28, 2013 (HOL) — Buuq looga soo horjeedo madaxweyne ku xigeenka maamulka Puntland, Jen. C/samad Cali Shire ayaa maanta ka dhacay magaalada Taleex ee gobolka Sool, xilli uu la socday madaxweyne ku xigeenka maamulka Khaatumo.

8/28/2013 1:15 PM EST
Arbaco, August 28, 2013 (HOL) — Hoggaamiyaha maamulka KMG ah ee loo sameynayo gobollada Jubbooyinka iyo Gedo, Sheekh Axmed Madoobe ayaa sheegay in hirgelidda heshiiskan uu sabab u ahaa madaxweynaha Somalia, Xasan Sheekh Maxamuud oo mar walba ku boorrinayay ergooyinka inaan la kala tegin ee heshiis laga gaaro khilaafka jira.

8/28/2013 11:24 AM EST
Arbaco, August 28, 2013 (HOL) — Madaxweynaha dowladda Soomaaliya, Xasan Sheekh Maxamuud ayaa maanta kormeeray taliska cusub ee qaybta 12-ka Abriil ee ciidanka xoogga dalka iyo taliska guud wasaaradda gaashaandhigga Soomaaliya.

8/28/2013 11:16 AM EST
Arbaco, August 28, 2013 (HOL) — Madaxwaynaha Somaliland, Axmed Maxamed Maxamuud (Siilaanyo) iyo wafdi uu hoggaaminayo ayaa si diirran loogu soo dhaweeyay magaalada Boorama ee gobolka Awdal, iyadoo sidoo kale lagu soo dhaweeyay deegaanka Dilla halkaasoo ay muddo ku nasteen hadallo soo dhaweyn ahna ay kaga dhageysteen dadka deegankaas.

8/28/2013 10:11 AM EST
Arbaco, August 28, 2013 (HOL) — Kooxda kubadda Kollayga ee magaca Ciidaanka Asluubta Somaliland ku ciyaarta, ayaa shalay kaga badiyey kooxda magaca Caasimadda Jabuuti ku ciyaarta 58 dhibcood, halka kooxda Jabuutina keensatay 48 dhibcood.

8/28/2013 10:10 AM EST
Arbaco, August 28, 2013 (HOL) — Ururka Islaax ayaa guddoomiyaha shanta sano ee soo socota u doortay Dr. Cali Baashir Cumar Rooraaye oo mudadii lasoo dhaafay xilkan hayay, iyadoo Alle looga baryay inuu xilkiisan cusub u fududeeyo.

8/28/2013 9:04 AM EST
Arbaco, August 28, 2013 (HOL) — Dalka Marykanka oo dhan ayaa maanta laga xusayaa Martin Luther King oo ahaa nin madow oo jeediyay khudbad saameyn xooggan yeelatay oo uu jeediyay sannadkii 1963-kii taasoo ahayd (I have a Dream) oo macnaheedu yahay waan riyoonaayaa.

8/28/2013 8:45 AM EST
Arbaco, August 28, 2013 (HOL) — Wasiirka arrimaha dibadda ee Shiinaha, Wang Yi ayaa sheegay in dalkiisa uu xiriir dhow oo dhinaca dhaqalaaha iyo ganacsiga ah la yeelanayo Soomaaliya, isagoo xusay inay ka qaybqaadan doonaan dib u dhiska Soomaaliya.

8/28/2013 7:38 AM EST
Arbaco, August 28, 2013 (HOL) — Shir saddex maalmood socday oo looga hadlayay dib u dhiska iyo xoojinta dowladda Soomaaliya ayaa lagu soo gabagabeeyay magaalada Addis Ababa ee xarunta dalka Itoobiya, kaasoo ay ka qaybgaleen aqoonyahanno Soomaaliyeed iyo khuburro caalami ah.

8/28/2013 7:12 AM EST
Arbaco, August 28, 2013 (HOL) — Kulan looga hadlayay ammaanka Muqdisho ayaa maanta ka dhacay dugsiga tababarka booliiska Soomaaliya ee magaalada Muqdisho, kaasoo ay ka qaybgaleen mas’uuliyiin dowladda ka tirsan iyo dadweyne fara badan.

8/28/2013 7:11 AM EST
Arbaco, August 28, 2013 (HOL) — Maamulka gobolka Shabeellada Hoose ee dowladda Soomaaliya ayaa dalbaday in ciidamada milateriga laga saaro guud ahaan gobolka, lana geeyo ciidammo booliis iyo nabad ah si ay amniga u xaqiijiyaan.

8/28/2013 6:57 AM EST
Arbaco, August 28, 2013 (HOL) — Howlgallo lagu qabqabtay dad fara badan ayay maanta ciidamada dowladda Soomaaliya ka sameeyeen degmooyin ka tirsan gobolka Banaadir, iyadoo saraakiisha dowladdu ay sheegeen in howl-galladan ay yihiin kuwo looga hortagayo weerarrada argagaxiso ee kooxda Al-shabaab ay ka geysanayso Soomaaliya.

8/28/2013 5:26 AM EST
Arbaco, August 28, 2013 (HOL) — Shirkii toddobaadyadan uga socday magaalada Addis Ababa ee dalka Itoobiya ergooyin ka kala socday dowladda Somalia iyo maamulka Jubbaland ayaa lagu gaaray heshiis buuxa, iyadoo lagu wado in ergooyinka ay si rasmi ah u saxiixaan heshiiskan gellinka dambe ee maanta oo Arbaco ah.

8/28/2013 2:24 AM EST
Arbaco, August 28, 2013 (HOL) — Waxaa lagu wadaa in maanta barqdii ay soo cago-dhigato garoonka diyaaradaha Muqdisho diyaarad weyn oo dalka Turkiga laga leeyahay, taasoo aan horay u imaan magaalada Muqdisho.

8/28/2013 2:23 AM EST
Arbaco, August 28, 2013 (HOL) — Qoxootiga Soomaalida ee ku jira xeryaha Dhadhaab ee Kenya ayaa toddobaadkan dooranaya hoggaamiyeyaal cusub, xilli ay dowladda Kenya qorsheynayso in qoxootiga dib loogu celiyo dalkooda Soomaaliya.

8/28/2013 1:55 AM EST
Arbaco, August 28, 2013 (HOL) — Wasiirka difaacaddda dowladda Soomaaliya, C/xakiin Maxamuud Xaaji Fiqi ayaa sheegay in wasaaraddiisu ay fulisay qorshaha mushaar kordhinta ciidamada dowladda oo dhawaan uu ansixiyay baarlamaanka Soomaaliya.