3/28/2024
Today from Hiiraan Online:  _
Wararka Maanta- Axad, Apr 7 , 2013
Ergayga Midowga Afrika ee Arrimaha Soomaaliya iyo saraakiisha AMISOM oo Booqasho ku tagay Magaalada Kismaayo

Axad, Abriil 07, 2013 (HOL) — Wakiilka Midowga Afirka ee Soomaaliya, danjire Maxmaed Saalax Anaadiif oo ay wehliayaan taliyaha guud ee ciidamada AMISOM, Jen. Andrew Gutti, madaxa xafiiska Qaramada Midoobay ee taageera AMISOM (UNSOA), Amadou Carama iyo taliyaha ciidamada Kenya ee qaybta ka ah AMISOM, Maj-Gen. Francis K. Nthenge ayaa booqasho ku tagay magaalada Kismaayo ee gobolka Jubbada Hoose.

Danjire Anaadiif ayaa markii uu tagay Kismaayo wuxuu ciidamada Kenya ee qaybta ka ah AMISOM ku amaanay dadaal ay u galeen sidii ay Kismaayo uga saari lahaayeen Al-shabaab, isagoo sidoo kale ku ammaanay shacabka iyo dowladda Kenya dhiiggii qaaliga ahaa ee ay ku bixiyeen xoreynta Kismaayo.

“Ujeeddada ugu weyn ee aan halkaan u nimid waa inaan ogaanno qalabka ay ciidamada halkan jooga haystaan iyo sidii aan warbixinno uga heli lahayn howsha ay ciidamadan halkan ka hayaan iyo joojintii dhoofinta dhuxusha,” ayuu yiri ergayga oo intaas ku daray in AMISOM ay doonayso inay golaha ammaanka ee Qaramada Midoobay ay u xaqiijiso in dowladda Soomaaliya ay si sharci ah u joojisay dhoofinta dhuxusha.

Taliyaha ciidamada Kenya ee ku sugan Kismaayo, A. M. Ngere ayaa sheegay in ciidamadooda ay ka tirsan yihiin kuwa AMISOM aysanna wax lug ah ku lahayn dhoofinta dhuxusha, si toos ah iyo si dadban intaba. Isagoo intaas ku daray in ciidamadooda ay si dhab ah u xaq-dhowraan sharciyada Soomaaliya iyo kuwa caalamiga ah.

Ugu dambeyn, danjire Maxamed Anaadiif iyo wafdigiisa ayaa aad ugu farxay inay booqasho ku tagaan magaalada Kismaayo ee gobolka Jubbada Hoose oo ay ku sugan yihiin ciidammmo hoos-yimaada ururka Midowga Afrika.

Magaalada Kismaayo oo ah xarunta gobolka Jubbada Hoose oo 500-km dhinaca Koonfureed kaga began magaalada Muqdisho ayaa waxaa gacanta ku haya ciidamada dowladda iyo kuwa Kenya oo iskaashanaya, waxayna bishii Oktoobar ee sannadkii hore; inkastoo magaaladaas uu ka socdo shir ay dowladda iyo maamulka KMG ah ee magaaladaas ay isku maan-dhaafsan yihiin.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/7/2013 1:35 PM EST
Axad, Abriil 07, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) iyo wafdi uu hoggaaminayo oo ku sugan dalka Norway ayaa waxay kulammo isugu jira wadatashi iyo kuwo howleed la qaateen hay’adda NDI oo taageerta baarlamaanka Soomaaliyad.

4/7/2013 12:11 PM EST
Axad, April 07, 2013(HOL): Waxaa shalay lagu qabtay magaalada Stockholm ee dalka Sweden shir sanadeedkii Ururka Isbaheysiga Umadda Soomaaliyeed, kaasi oo ay ka qeybgaleen wakiillada xisbiga ee dalka Sweden.

4/7/2013 9:02 AM EST
Axad, Abriil 07, 2013 (HOL) — Madaxweynaha Somaliland Axmed Maxamed Maxamuud Siillaanyo, ayaa maanta soo saaray amar wax lagaga qabanayo ciddii ka hor timaadda shirkadda Shiidaalka ka baadhaysa deegaano ka mid ah Bariga Somaliland.

4/7/2013 8:35 AM EST
Axad, Abriil 07, 2013 (HOL) — Gudoomiyihii golaha deegaanka Hargeysa, isla markaana ahaa Maayarkii Hargeysa Eng:Yusuf Warsame Siciid ayaa saaka ku geeriyooday wadanka imaaraadka Carabta oo uu muddo ku xanuunsanayay.

4/7/2013 8:22 AM EST
Axad, Abriil 07, 2013 (HOL) — Wafdi ka socda dowladda federaalka oo ka kooban wasiirro, xildhibanno iyo mas’uuliyiinta maamulka gobollka Hiiraan ayaa maanta gaaray magaalada Baladweyne.

4/7/2013 8:18 AM EST
Axad, Abriil 07, 2013 (HOL) — Magaalada Baydhabo ayaa waxaa lagu aasay marxuum Xasan Maxamed Nuur (Shaati-guduud) oo horraantii bishan ku geeriyooday isbitaal ku yaalla dalka Jarmalka, waxaana aaskiisa ka qayb-galay xubno ka tirsan dowladda Soomaaliya.

4/7/2013 8:09 AM EST
Axad, Abriil 07, 2013 (HOL) — Sannad ka hor ayey ahayd markii bangiyada dalka Mareykanku ay ku dhawaaqeen in aysan la shaqeynaynin xawaaladaha Soomaalida, islamarkaasna ay xireen guud ahaan xisaabaadkii iyo koontooyinkii ay ku lahaayeen, iyagoo xiligaasi ku andaacoonayey cabsi ay ka qabaan in lacagta fara badan ee xawaaladuhu u diraan gudaha Soomaaliya ay ku dhacdo gacan qaldan ama tan kooxda Al-shabab oo ay dowladda Mareykanku u aqoonsan tahay argagixiso.

4/7/2013 7:53 AM EST
Axad, Abriil 07, 2013 (HOL) — Iyadoo ay dhowr todobaad oo qura ka harsan yihiin xilliga la shaaciyey in ay qabsoomi doonto doorashada goleyaasha deegaanka ee Puntland - oo ah tii ugu horeysey ee nooceeda ah- ayuu shalay golaha wakiillada ee Puntland cod aqlabiyad leh ku meel mariyey qodobo uu guddiga doorashooyina codsaday in wax laga bedelo.

4/7/2013 7:48 AM EST
Axad, Abriil 07, 2013 (HOL) — Wefdi ballaaran oo ka socda dalka koonfur Afrika oo gelinkii danbe ee shalay soo gaarey magaalada Garoowe ee xarunta maamulka Puntland, ayaa kulamo la qaatay madaxweynaha Puntland Cabdiraxmaan Maxamed (Faroole) iyo xubno ka tirsan golaha wasiirrada.

4/7/2013 2:29 AM EST
Axad, Abriil 07, 2013 (HOL) — Koox fanaaniin ah oo doonayey inay bandhig faneed ku qabtaan magaaladda Burco ayaa dhibaato ka soo gaadhay ka dib markii hoolkii ay ku qabanayeen la isku qabsaday.

4/7/2013 1:35 AM EST
Axad, Abriil 07, 2013 (HOL) — Dowladda Soomaaliya oo ka jawaabaysay digniin ay dowladda Ingiriisku ku sheegtay in Muqdisho ay ka dhici karaan falal argagaxiso ayay dowladda Soomaaliya sheegtay inaysan jirin hadda khatar muuqata oo ka jirta Muqdisho.

4/7/2013 1:34 AM EST
Axad, Abriil 07, 2013 (HOL) — Maydkii Xasan Maxamed Nuur (Shaati-guduud) oo toddobaadkii hore ku dhintay dalka Jamalka ayaa saakay laga soo dajiyay garoonka diyaaradaha caalamiga ah ee Muqdisho, halkaasoo lagula tunayo salaadda janaasada, kaddibna waxaa loo duulinayaa degmada Baydhabo ee gobolka Bay si halkaas loogu aaso.