3/23/2019
Today from Hiiraan Online:  _
Wararka Maanta- Jimco, Apr 12, 2013
Muraayad Garaad Axmed oo xalay ku geeriyootay Magaalada Leicester ee Dalka Britain



Marxuumad Muraayad Garaad Axmd



Jimco, April 12, 2013(HOL)—Waxaa xalay ku geeriyootay magaalada Leicester ee dalka Britain Muraayad Garaad Axmed oo ahayd guddoomiyaha Ururkii Dimoqraadiyadda Haweenka Soomaaliyeed (SWDO) intii u dhaxeysay sanadihii 1980—1991, iyado sidoo kalena ka mid ahayd xildhibaannadii dowladdii milleteriga.
 

Alle ha u naxariistee waxaa meydka marxuumadda lagu aasay isla magaalada Leicester, iyadoo aaskeedana ay ka qeybgaleen dadweyne aad u faro badan oo meelo fog fog isaga kala yimid.

 

Ururkii Dimoqraadiyadda Haweenka Soomaaliyeed ee ay madaxda ka ahaan jirtay marxuumad Muraayad Garaad ayaa la aas-aasay sanadkii 1977, wuxuuna ahaa ururka kaliya ee ay leeyihiin haweenka Soomaaliyeed, kaasi oo weliba ahaa mid qaran oo ay ku jireen haweenka ka tirsanaa waaxaha kala duwan ee dowladdii Mileteriga.

 

Ururka SWDO oo howshiisa ugu weyn ay ahayd awoodeynta dumarka Soomaaliyeed ayaa waxaa u qeybsanaa afar waaxood oo kala ah siyaasadda, arrimaha bulshada, dhaqaalaha iyo dibadda. Dhaqdhaqaaqyada siyaasadeed waxaa uu Ururku qaaday farriimaha dowladdii jirtay xiligaas, iyadoo loo marsiiyay haweenka Soomaaliyeed, wuxuuna ujeedku ahaa in la helo xasilooni qaran iyo midnimo siyaasadeed. 

Dhaqdhaqaaqyada dhaqaalaha, waxaa uu Ururku sameeyay dhaqaale uruurin, shaqo abuuris, maalgelin mashaariiceed iyo ka qeybgalka barnaamijyada dhaqaale. Waxaa kale oo Ururku ka shaqeeyay dhinaca arrimaha bulshada, iyadoo uu wax ka qabtay dhaqanka, waxbarashada, caafimaadka iyo kaalmooyinka bulshada, halka arrimaha dibaddana uu Ururku xiriirro wada shaqeyn la sameeyay ururro caalami ah oo ay ujeeddooyin wadaagayeen.


 

INNAA LILLAAHI WA INNAA ILEYHI RAAJICUUN.

Salaad Iidow Xasan (Xiis), Hiiraan Online

[email protected]







Click here
4/12/2013 2:33 PM EST
Jimco, Abriil 12, 2013 (HOL) — Madaxweynaha Somaliland Mudane Axmed Maxamed Maxamuud Siillaanyo, iyo wefti uu hogaaminayo ayaa maanta gaadhay magaaladda Ankara ee caasimadda dalka Turkiga.

4/12/2013 2:30 PM EST
Jimco, Abriil 12, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo oo maalintii labaad ku sugan xarunta dalka Burundi ee Bujumbura ayaa soo kormeeray mashaariicda horumarin ah oo ka soconaya dalka Burundi.

4/12/2013 2:29 PM EST
Jimco, Abriil 12, 2013 (HOL) — Taliyaha ciidamada Militariga Somaliland Gen: Ismaaciil Shaqalle ayaa sheegay in ciidamo gaadiid tikniko wata ka soo goosteen maamulka Khaatumo, kuwaas oo ku soo biiray ciidamadda Somaliland.

4/12/2013 10:25 AM EST
Jimco, Abriil 12, 2013 (HOL) — Ciidamada dowladda Itoobiya ayaa duhurnimadii maanta weerar ku qaaday mas’uul ka tirsanaa maamulka dowladda hoose ee degmada Baladweyne xili uu ku sii jeeday masjid ku yaala bartamaha magaalada Baladweyne.

4/12/2013 9:29 AM EST
Jimco, 12 April, 2013(HOL) :- Eng. Bashiir Axmed Max’ed oo kamid ah qurba joogta Soomaaliyeed ee kasoo jeeda Jubooyinka ayaa sheegay in uu u taaganyahay xilka madaxweyninimo ee dowlad goboleedka la filayo in loo dhiso Jubooyinka.

4/12/2013 9:23 AM EST
Jimco, Abriil 12, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa Jimcaha maanta ah u dhoofay dalka Turkiga halkaasoo uu uga qaybgalayo kulan uu Turkigu garwadeen ka yahay oo la isugu keenayo Soomaaliya iyo Somaliland.

4/12/2013 8:10 AM EST
Jimco, Abriil 12, 2013 (HOL) — Guddiyo farsamo oo ka kooban Somaliland iyo Soomaaliya ayaa shalay loo saaray inay soo diyaariyaan ajandaha shirka u dhexeeya Somaliland iyo Soomaaliya ee toddobaadka soo socda ka dhacaya dalka Turkiga

4/12/2013 7:18 AM EST
Jimco, Abriil 12, 2013 (HOL) — Madaxweynaha Soomaaliya Xasan Sheekh Maxamuud ayaa sheegay inaysan joogsan doonin dib u habeynta lagu sameynayo ciidamada xoogga dalka, sidoo kalena ay sii socon doonaan dagaallada lagula jiro Al-shababa inta dalka oo dhan laga saarayo.

4/12/2013 7:05 AM EST
Jimco, Abriil 12, 2013 (HOL) — Dowladda Burundi ayaa sheegay inay xoojinayso ciidamadeeda ku sugan Soomaaliya ayna sii joogayaan inta looga soo Soomaaliya oo dhan laga nabadeynayo, kaddib kulan xarunta dalkaas ee Bujumbura ku dhexmaray madaxweyne ku xigeenka dalkaas iyo wafdi uu horkacayo ra’iisul wasaaraha Soomaaliya.

4/12/2013 6:49 AM EST
Jimco, Abriil 12, 2013 (HOL) — Madaxweyne ku Xigeenka Somaliland, ahna Ku Simaha Madaxweynaha Mudane Cabdiraxmaan Cabdilaahi Ismaaciil (Saylic), ayaa Dhambaal Mahad-naq iyo Bogaadin u diray Jaaliyaddaha reer Somaliland ee ku kala nool Qaaradaha Yurub oo shalay Banaan-bax aad u balaadhan ka hor dhigay Xarunta Baarlamaanka Midowga Yurub ee magaalada Brussels ee Dalka Belgium.

4/12/2013 6:46 AM EST
Jimco, Abriil 12, 2013 (HOL) — Magaalada Gaalkacayo ee xarunta gobolka Mudug waxaa maanta ka furmaya tartan kubadda cagta ah, kaasoo ay ka qayb gelayaan xulal ka kala yimid gobollada dhexe ee dalka, islamarkaana kala metelaya maamullada Gal-mudug, Puntland, Ximin iyo Xeeb; iyo Ahlu-sunna.