1/18/2019
Today from Hiiraan Online:  _
Wararka Maanta- Jimco, Apr 12, 2013
Koob loo dhigay Kooxo ka Gal-Mudug, Puntland, Ximin iyo Xeeb iyo Ahlusunna oo Maanta ka furmay Magaalada Gaalkacayo



Jimco, Abriil 12, 2013 (HOL) — Magaalada Gaalkacayo ee xarunta gobolka Mudug waxaa maanta ka furmaya tartan kubadda cagta ah, kaasoo ay ka qayb gelayaan xulal ka kala yimid gobollada dhexe ee dalka, islamarkaana kala metelaya maamullada Gal-mudug, Puntland, Ximin iyo Xeeb; iyo Ahlu-sunna.

Tartankan ayaa waxaa soo qaban qaabiyey islamarkaana martigelinaya maamulka Puntland, waxaana Agaasimaha guud ee wasaarada ciyaaraha iyo dhalinyarada ee Puntland Axmed Xasan Bille - oo HOL khadka telefonka kula hadlay - uu sheegay in ujeedada ugu weyn ee laga leeyahay ay tahay sidii isdhexgalka bulshada loo xoojin lahaa.

Agaasimaha ayaa intaas raaciyey in tartankani uu yahay kii ugu horeeyey ee noociisa ah, iyadoo fikradanina ay tahay mid ka timid wasaaradda ciyaaraha ee Puntland, kaddib markii la ogaadey kaalinta ay ciyaaruhu ka qaadan karaan xallinta khilaafaadka iyo isdhex galka bulshada.

Tartankan oo loogu magac daray “ Koobka Nabadda iyo Isdhexgalka Bulshada”, waxaa sida uu agaasimuhu sheegay iska kaashanaya maamulka Puntland iyo hay’adda qaramada midoobey u qaabilsan horumarinta ee UNDP.

Dhowaan ayaa la filayaa in xarunta maamulka Puntland ee Garoowe uu ka bilowdo horyaalka naadiyada gobollada Puntland, tartankaas oo sanadkii lasoo dhaafay uu ku guuleystey gobolka caasimaddu ku taal ee Nugaal.

Saddex sano kahor ayey ahayd markii ugu horeysey ee Puntland lagu qabto ciyaaraha gobollada dalka Soomaaliya, ciyaarahaas oo ay wareegooda kama danbeysta ah isugu soo hareen gobolada Bari iyo Banaadir, guushuna ay raacday gobolka Banaadir.

Koobka maanta uga furmaya magaalada Gaalkacayo xulalka kubadda cagta ee kala metelaya maamullada Gal-mudug, Ximin iyo Xeeb, Puntland,  iyo Ahlu-Sunna, ayaa ah kii ugu horeeyey ee noociisa ah, waxaana si weyn usoo dhoweeyey bahda isboortiska.

Maxamed Salaad Xaaji Dirir, Hiiraan Online
[email protected]
Puntland, Soomaaliya







Click here
4/12/2013 4:20 PM EST
Jimco, April 12, 2013(HOL)—Waxaa xalay ku geeriyootay magaalada Leicester ee dalka Britain Muraayad Garaad Axmed oo ahayd guddoomiyaha Ururkii Dimoqraadiyadda Haweenka Soomaaliyeed (SWDO) intii u dhaxeysay sanadihii 1980—1991.

4/12/2013 2:33 PM EST
Jimco, Abriil 12, 2013 (HOL) — Madaxweynaha Somaliland Mudane Axmed Maxamed Maxamuud Siillaanyo, iyo wefti uu hogaaminayo ayaa maanta gaadhay magaaladda Ankara ee caasimadda dalka Turkiga.

4/12/2013 2:30 PM EST
Jimco, Abriil 12, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo oo maalintii labaad ku sugan xarunta dalka Burundi ee Bujumbura ayaa soo kormeeray mashaariicda horumarin ah oo ka soconaya dalka Burundi.

4/12/2013 2:29 PM EST
Jimco, Abriil 12, 2013 (HOL) — Taliyaha ciidamada Militariga Somaliland Gen: Ismaaciil Shaqalle ayaa sheegay in ciidamo gaadiid tikniko wata ka soo goosteen maamulka Khaatumo, kuwaas oo ku soo biiray ciidamadda Somaliland.

4/12/2013 10:25 AM EST
Jimco, Abriil 12, 2013 (HOL) — Ciidamada dowladda Itoobiya ayaa duhurnimadii maanta weerar ku qaaday mas’uul ka tirsanaa maamulka dowladda hoose ee degmada Baladweyne xili uu ku sii jeeday masjid ku yaala bartamaha magaalada Baladweyne.

4/12/2013 9:29 AM EST
Jimco, 12 April, 2013(HOL) :- Eng. Bashiir Axmed Max’ed oo kamid ah qurba joogta Soomaaliyeed ee kasoo jeeda Jubooyinka ayaa sheegay in uu u taaganyahay xilka madaxweyninimo ee dowlad goboleedka la filayo in loo dhiso Jubooyinka.

4/12/2013 9:23 AM EST
Jimco, Abriil 12, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa Jimcaha maanta ah u dhoofay dalka Turkiga halkaasoo uu uga qaybgalayo kulan uu Turkigu garwadeen ka yahay oo la isugu keenayo Soomaaliya iyo Somaliland.

4/12/2013 8:10 AM EST
Jimco, Abriil 12, 2013 (HOL) — Guddiyo farsamo oo ka kooban Somaliland iyo Soomaaliya ayaa shalay loo saaray inay soo diyaariyaan ajandaha shirka u dhexeeya Somaliland iyo Soomaaliya ee toddobaadka soo socda ka dhacaya dalka Turkiga

4/12/2013 7:18 AM EST
Jimco, Abriil 12, 2013 (HOL) — Madaxweynaha Soomaaliya Xasan Sheekh Maxamuud ayaa sheegay inaysan joogsan doonin dib u habeynta lagu sameynayo ciidamada xoogga dalka, sidoo kalena ay sii socon doonaan dagaallada lagula jiro Al-shababa inta dalka oo dhan laga saarayo.

4/12/2013 7:05 AM EST
Jimco, Abriil 12, 2013 (HOL) — Dowladda Burundi ayaa sheegay inay xoojinayso ciidamadeeda ku sugan Soomaaliya ayna sii joogayaan inta looga soo Soomaaliya oo dhan laga nabadeynayo, kaddib kulan xarunta dalkaas ee Bujumbura ku dhexmaray madaxweyne ku xigeenka dalkaas iyo wafdi uu horkacayo ra’iisul wasaaraha Soomaaliya.

4/12/2013 6:49 AM EST
Jimco, Abriil 12, 2013 (HOL) — Madaxweyne ku Xigeenka Somaliland, ahna Ku Simaha Madaxweynaha Mudane Cabdiraxmaan Cabdilaahi Ismaaciil (Saylic), ayaa Dhambaal Mahad-naq iyo Bogaadin u diray Jaaliyaddaha reer Somaliland ee ku kala nool Qaaradaha Yurub oo shalay Banaan-bax aad u balaadhan ka hor dhigay Xarunta Baarlamaanka Midowga Yurub ee magaalada Brussels ee Dalka Belgium.