1/18/2019
Today from Hiiraan Online:  _
Wararka Maanta- Jimco, Apr 12, 2013
Dowladda Burundi oo sheegtay in Ciidamadeedu ay sii Joogayaan Soomaaliya inta laga helayo Nabad buuxda (SAWIRRO)



Jimco, Abriil 12, 2013 (HOL) — Dowladda Burundi ayaa sheegay inay xoojinayso ciidamadeeda ku sugan Soomaaliya ayna sii joogayaan inta looga soo Soomaaliya oo dhan laga nabadeynayo, kaddib kulan xarunta dalkaas ee Bujumbura ku dhexmaray madaxweyne ku xigeenka dalkaas iyo wafdi uu horkacayo ra’iisul wasaaraha Soomaaliya.

Madaxweyne ku xigeenka koowaad ee Burundi, Terence Sinunguruza ayaa u sheegay warfidiyeenka in dowladdiisa ay ka go’an tahay sidii ay u taageeri lahayd dowladda Soomaaliya, isagoo sheegay inay aad u og yihiin xanuunka ay leeyihiin dagaallada sokeeye.

"Soomaaliya iyo Burundi marxaladdo adag oo dagaalo sokeeye ah ayay soo mareen, laakiin waxaan ku faraxsanahay amniga kasoo ifaya Soomaaliya oo muddo dheer colaado ku jirtay; dhankeena waxaan ballan-qaadaynaa inaan sii wadi doonno taageerada ciidan inta laga nabadeynayo Soomaaliya oo dhan," ayuu Sinunguruza.

Dalka Burundi ayaa waxaa Soomaaliya kaga sugan kumammaan askari oo ka kala howgala Muqdisho iyo gobollada dalka qaarkood, waxaana ay ka mid ahaayeen ciidamadii ugu horreeyay ee yimaada Soomaaliya xilli ay dagaallo ka socdaan caasimadda iyo gobollada dalka qaarkood.

Ra'iisul wasaaraha Soomaaliya, Cabdi Faarax Shirdoon (Saacid) oo isaguna ka hadlay goobta ayaa sheegay inay uga mahadceliyaan dowladda Burundi taageerada ciidan ee ay siiyeen Soomaaliya, isagoo sheegay in dal walba oo Soomaaliya caawiyay ay baal-dahab ah ku qori doonaan.

"Waxaan ku rajo weynahay inaan si dhaqso ah guud ahaan dalka u hananno, uguna soo dabaalno amniga iyo xasilooni waarta, si loo xaqiijiyo maamul wanaag iyo adeegga bulshada," ayuu Saacid u sheegay wariyeyaal uu kulanka kaddib la hadlay.

Ra'iisal Wasaaraha ayaa ka codsaday dawladda Burundi in ay sii laban-laabto taageeradeeda ciidan ee ay Soomaaliya siisay, isagoo sheegay in sidoo kale ay la wadaagi doonaan madaxda Burundi habkii ay uga baxeen dagaalladii sokeeye ee dhibaatada badan dhaliyay.



Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
4/12/2013 4:20 PM EST
Jimco, April 12, 2013(HOL)—Waxaa xalay ku geeriyootay magaalada Leicester ee dalka Britain Muraayad Garaad Axmed oo ahayd guddoomiyaha Ururkii Dimoqraadiyadda Haweenka Soomaaliyeed (SWDO) intii u dhaxeysay sanadihii 1980—1991.

4/12/2013 2:33 PM EST
Jimco, Abriil 12, 2013 (HOL) — Madaxweynaha Somaliland Mudane Axmed Maxamed Maxamuud Siillaanyo, iyo wefti uu hogaaminayo ayaa maanta gaadhay magaaladda Ankara ee caasimadda dalka Turkiga.

4/12/2013 2:30 PM EST
Jimco, Abriil 12, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo oo maalintii labaad ku sugan xarunta dalka Burundi ee Bujumbura ayaa soo kormeeray mashaariicda horumarin ah oo ka soconaya dalka Burundi.

4/12/2013 2:29 PM EST
Jimco, Abriil 12, 2013 (HOL) — Taliyaha ciidamada Militariga Somaliland Gen: Ismaaciil Shaqalle ayaa sheegay in ciidamo gaadiid tikniko wata ka soo goosteen maamulka Khaatumo, kuwaas oo ku soo biiray ciidamadda Somaliland.

4/12/2013 10:25 AM EST
Jimco, Abriil 12, 2013 (HOL) — Ciidamada dowladda Itoobiya ayaa duhurnimadii maanta weerar ku qaaday mas’uul ka tirsanaa maamulka dowladda hoose ee degmada Baladweyne xili uu ku sii jeeday masjid ku yaala bartamaha magaalada Baladweyne.

4/12/2013 9:29 AM EST
Jimco, 12 April, 2013(HOL) :- Eng. Bashiir Axmed Max’ed oo kamid ah qurba joogta Soomaaliyeed ee kasoo jeeda Jubooyinka ayaa sheegay in uu u taaganyahay xilka madaxweyninimo ee dowlad goboleedka la filayo in loo dhiso Jubooyinka.

4/12/2013 9:23 AM EST
Jimco, Abriil 12, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa Jimcaha maanta ah u dhoofay dalka Turkiga halkaasoo uu uga qaybgalayo kulan uu Turkigu garwadeen ka yahay oo la isugu keenayo Soomaaliya iyo Somaliland.

4/12/2013 8:10 AM EST
Jimco, Abriil 12, 2013 (HOL) — Guddiyo farsamo oo ka kooban Somaliland iyo Soomaaliya ayaa shalay loo saaray inay soo diyaariyaan ajandaha shirka u dhexeeya Somaliland iyo Soomaaliya ee toddobaadka soo socda ka dhacaya dalka Turkiga

4/12/2013 7:18 AM EST
Jimco, Abriil 12, 2013 (HOL) — Madaxweynaha Soomaaliya Xasan Sheekh Maxamuud ayaa sheegay inaysan joogsan doonin dib u habeynta lagu sameynayo ciidamada xoogga dalka, sidoo kalena ay sii socon doonaan dagaallada lagula jiro Al-shababa inta dalka oo dhan laga saarayo.

4/12/2013 6:49 AM EST
Jimco, Abriil 12, 2013 (HOL) — Madaxweyne ku Xigeenka Somaliland, ahna Ku Simaha Madaxweynaha Mudane Cabdiraxmaan Cabdilaahi Ismaaciil (Saylic), ayaa Dhambaal Mahad-naq iyo Bogaadin u diray Jaaliyaddaha reer Somaliland ee ku kala nool Qaaradaha Yurub oo shalay Banaan-bax aad u balaadhan ka hor dhigay Xarunta Baarlamaanka Midowga Yurub ee magaalada Brussels ee Dalka Belgium.

4/12/2013 6:46 AM EST
Jimco, Abriil 12, 2013 (HOL) — Magaalada Gaalkacayo ee xarunta gobolka Mudug waxaa maanta ka furmaya tartan kubadda cagta ah, kaasoo ay ka qayb gelayaan xulal ka kala yimid gobollada dhexe ee dalka, islamarkaana kala metelaya maamullada Gal-mudug, Puntland, Ximin iyo Xeeb; iyo Ahlu-sunna.